Morgunblaðið - Sunnudagur - 02.06.2013, Qupperneq 20

Við hugsuðum með okkur hvernig frí við vildumfara í. Við vorum bæði að hlaupa og við vildumnota tvo jafnfljóta sem ferðamáta. Þaðan komhugmyndin,“ segir Inga Fanney Sigurðardóttir hjá
Artic Running sem er nýtt ferðaþjónustufyrirtæki sem
býður ferðamönnum upp á hlaupaferðir. Inga Fanney
stofnaði fyrirtækið ásamt Erni Haraldssyni og segir hún
viðtökurnar góðar. Ferðamenn sem hingað komi séu
greinilega til í að njóta náttúrunnar á hlaupum. „Ég bjó í
Ásbyrgi þegar hugmyndin fæddist og Örn þekkir vel til í
Jökulsárgljúfrum. Þess vegna byrjuðum við að smíða ferð-
ir á Norð-Austurlandinu.
Þá er hlaupið 15-32 kílómetra á dag og þetta hefur
vakið mikla lukku. Hlaup eru í tísku og þetta smellpassaði
að þörfum hlaupaferðamannsins.“
Vegna eftirspurnar hefur Artic Running dreift sér um
allt land og er farið að bjóða upp á dagsferðir frá Ak-
ureyri og Reykjavík allan ársins hring. „Þetta hefur vaxið
mjög hratt og það virðist vera markaður fyrir þetta.“
Vinsælasta ferðin er 78 kílómetra löng ferð þar sem
byrjað er í Mývatnssveit og endað í Ásbyrgi. Hlaupið er
þá framhjá Dettifossi, Hljóðaklettum, í Vatnajök-
ulsþjóðgarðinum og auðvitað hjá Mývatni en þar er margt
að sjá. „Hlaupaleiðsögumennirnir eru úr ýmsum áttum.
Við erum með sjúkraþjálfara, blaðamenn, landfræðinga,
jöklafræðinga og atvinnuhlaupara í okkar röðum. Allir
hafa verið að færa sig af malbikinu og yfir á stígana og
deila þessari ástríðu. „Þetta er ekki keppni. Hlaupin eru
notuð sem ferðamáti. Það má stoppa og taka myndir.
Leiðsögumaðurinn hleypur ekki framhjá Dettifossi eða
öðrum merkilegum stöðum. Það er farið yfir það sem er
markvert á hverjum stað,“ segir Inga Fanney.
Hún telur að með þessari leið verði jafnvel hægt að
laða að nýja tegund ferðamanna, þá sem séu ekki endilega
að koma hingað í keppnir eins og þríþrautarkeppnir en
hafi heldur ekki áhuga á gönguferðum. Þarna sé komin
leið til að skoða landið sem sé mitt á milli þessara útivist-
arleiða.
Hlaupið um Gjástykki.
*Heilsa og hreyfingAf ýmsum ástæðum er talið léttara að hætta að reykja á vorin en öðrum árstímum »24
„Við erum með mismunandi erfiðleikastuðla á
ferðunum okkar. Við erum ekki að selja ferða-
manninum ferð ef viðkomandi hefur ekki
hlaupið þessa vegalengd áður. Hann er að fara
í áskorun en hann nær samt að njóta þess að
vera í fríi,“ segir Inga Fanney.
Til að geta hlaupið svona langt á stígum þarf
að vera í góðu hlaupaformi. Hlaupin eru ekki
kapphlaup við tímann heldur er stoppað á fal-
legum stöðum og þeirra notið. Jeppi ber allan
búnað á milli en ferðamenn hafa með sér nesti
og aðrar nauðsynjar á bakinu sem duga í fjög-
urra klukkustunda hlaup.
Hlaupnir eru 20-35 kílómetrar á dag í þrjá
til sjö daga en einnig er hægt að fara í dagtúra.
ÁSKORUN EN SAMT FRÍ
Hlaupa 20-35 km
á dag í allt að viku
Kjartan Pétur Sigurðsson
INGA FANNEY HJÁ ARTIC RUNNING
Frí sem við vildum fara í
ARTIC RUNNING ER HLAUPAFERÐAFYRIRTÆKI SEM SÉRHÆFIR SIG Í HLAUPAFERÐUM
FYRIR FERÐAMENN SEM VILJA SAMEINA NÁTTÚRUUPPLIFUN, ÚTIVIST OG HREYFINGU.
Benedikt Bóas benedikt@mbl.is
Íslensk náttúra á tveimur jafnfljótum.
Fátt er betra en að drekka vatn beint úr lindinni.