Morgunblaðið - Sunnudagur - 02.06.2013, Blaðsíða 46

Í myndum
46 MORGUNBLAÐIÐ SUNNUDAGUR 2.6. 2013
É
g er búinn að vera á skíðum síðan
ég var þriggja ára,“ segir Halldór
Hreinsson og óhætt að segja að
snemma beygist krókurinn, því
hann hefur helgað líf sitt útivist
og er einn af eigendum og framkvæmda-
stjóri Fjallakofans. „Ég byrjaði fyrst að
burðast með svigskíðin upp á Snæfellsjökul,
Botnssúlur og fleiri fjöll eftir að skíðasvæðin
lokuðu á vorin fyrir um 40 árum. Ég keypti
mér svo fyrstu fjallaskíðin þegar ég tók við
rekstri Skátabúðarinnar árið 1985, Kästle
Tour Randonné, Fritschi bindingar, skinn og
Dynafit fjallaskíðaskó.“
Halldór er nýkominn úr ævintýralegri
fjallaskíðaferð í Jökulfjörðum með góðum
vinum, en þeir ferðuðust í fimm daga á veg-
um Skútusiglinga, Borea Adventures. Þegar
hann fór síðustu brekkuna niður í fjöruna
innst í Lónafirði lenti hann í snjóflóði og
náði Árni Sæberg ljósmyndari Morgunblaðs-
ins að festa atburðinn á filmu. Halldór seg-
ist hafa farið þessa brekku nokkrum sinnum
áður og að hann hafi áttað sig á því að
möguleg hætta gæti verið á flóði.
„Við vorum þrír og þessi síðasta brekka
er ekki í miklum halla og liggur því vel við
þeim sem eru á skútunni og eru að horfa
og mynda,“ segir hann. „Ég var meðvitaður
um að snjórinn sem þarna var gæti farið
með mér; þetta var algjört smjör og sann-
kallað vorfæri. En ég var líka viss um að af
því stafaði engin hætta, því þetta var ekki
sá halli og ekki þannig snjór. Ég var líka
með tvo félaga fyrir ofan sem biðu þess
hvað verða vildi, tveir sátu í fjörunni og
fylgdust með og fleiri voru á skútunni. Það
vantaði því ekki áhorfendur. En auðvitað var
ég með snjóflóðaýlinn, stöngina og skófluna.“
Þar vísar Halldór til þess búnaðar sem
allir fjallaskíðamenn þurfa að hafa, en lendi
þeir í snjóflóði gefur ýlirinn frá sér merki
1
2
3
Flóðið
læddist inn
á mig
ÞAÐ VAR FEST Á FILMU ÞEGAR HALLDÓR HREINSSON
LENTI Í SNJÓFLÓÐI Í LÓNAFIRÐI. HANN SNERIST Á HVOLF
Í FLÓÐINU, EN SEGIR ÞAÐ HAFA VERIÐ GRUNNT OG EKKI
MIKLA HÆTTU Á FERÐUM.
Ljósmyndari: Árni Sæberg saeberg@mbl.is
Texti: Pétur Blöndal pebl@mbl.is
4