Morgunblaðið - 16.07.2013, Side 6

6 FRÉTTIRInnlent
MORGUNBLAÐIÐ ÞRIÐJUDAGUR 16. JÚLÍ 2013
Heimsþing Alþjóðasambands esper-
antista verður haldið í Hörpu dagana
20.-27. júlí. Er þetta í annað skipti
sem heimsþingið, sem er árlegur við-
burður esperantista, er haldið hér á
landi, en fyrsta skiptið var árið 1977.
Yfir 1.000 gestir eru væntanlegir á
ráðstefnuna. Segir Loftur Melberg
Sigurjónsson, ritari stjórnar Ís-
lenska esperantosambandsins, það
vera svipaðan fjölda og undanfarin
ár. „Þar koma saman esperantistar
frá öllum heimshornum og tala sam-
an esperanto. Þar verða einnig
fulltrúar ýmissa félagasamtaka sem
tengjast málinu og íslenskir esper-
antistar.“
Fjöldi esperantista í heiminum er
óþekktur en Loftur segir talið að á
bilinu fimm til sjö milljónir manna
séu mælandi á esperanto.
Loftur segir hugsjón esperantista
vera hjálpartungumál sem hafið sé
yfir landamæri, en komi ekki í stað
móðurmála.
„Hugmyndin byggist á einingu og
bræðralagi og undirliggjandi er frið-
arhugsjónin. Esperanto á að vera
hlutlaus samskiptamiðill sem engin
þjóð getur eignað sér. Málið er hann-
að þannig að allir eigi að geta lært
það auðveldlega og það hefur sýnt
sig að fólk er að meðaltali fimm sinn-
um fljótara að læra esperanto heldur
en önnur mál,“ segir Loftur. Segist
hann vonast til þess að heimsþingið
hérlendis verði til vitundarvakningar
um möguleika tungumálsins, en hann
segir nýliðun í röðum esperantista
hafa verið litla. Opin dagskrá verður
á setningardegi þingsins milli klukk-
an 19 og 21 og eru allir áhugasamir
velkomnir.
hhjorvar@mbl.is
Yfir þúsund esperantistar
á heimsþingi í Hörpu
Morgunblaðið/Júlíus
Þing Heimsþingið verður haldið í
Hörpu og hefst á laugardaginn.
 Í fyrsta sinn hér
síðan árið 1977 „Sá sem vonar“
» Esperanto þýðir „sá sem
vonar“ og er útbreiddasta til-
búna tungumál í heimi.
» Það var búið til af pólska
málvísindamanninum Ludwig
Lazarus Zamenhof árið 1887.
» Esperanto er 64. tungumál
þýðingarvélar Google.
Anna Lilja Þórisdóttir
annalilja@mbl.is
Héraðsdómur Reykjavíkur úrskurð-
aði nýverið að uppsögn flugstjóra
sem vikið var úr starfi hjá Ice-
landair 2010, m.a. vegna meintrar
kynferðislegrar áreitni gagnvart
flugfreyju sem var að störfum, hefði
verið ólögleg. Félaginu er gert að
greiða honum miskabætur og
standa straum af málskostnaði. Fé-
lagið hyggst áfrýja dómnum.
Ráðningarsamningi flugstjórans
var rift í september 2010 í kjölfar
atvika sem áttu sér stað í lok ágúst
sama ár um borð í vél Icelandair á
leið frá Kaupmannahöfn þar sem
hann var farþegi. Í dómsskjölum
kemur fram að maðurinn er sagður
hafa hagað sér ósæmilega um borð,
hann hafi verið drukkinn, gerst sek-
ur um kynferðislega áreitni og ógn-
að starfsmönnum. Skömmu eftir
þessa flugferð hóf félagið óopinbera
rannsókn á framkomu mannsins,
þar sem m.a. var rætt við hlutaðeig-
andi starfsmenn og aðra sem voru
vitni að atburðum.
Kossar og ógnandi tilburðir
Málinu var vísað til umsagnar hjá
starfsráði Félagi íslenskra atvinnu-
flugmanna, FÍA, sem komst að
þeirri niðurstöðu að uppsögnin hefði
verið heimil og samdægurs sagði
Icelandair honum upp störfum.
Flugstjórinn höfðaði þá mál gegn
félaginu og reisir málatilbúnað sinn
m.a. á því að uppsögnin hafi verið
tilefnislaus og ólögmæt og á undan
henni hefði átt að fara aðvörun.
Flugfreyjan greindi frá því við
skýrslutöku við aðalmeðferð máls-
ins að á umræddu flugi hefði flug-
stjórinn margsinnis dregið hana að
sér, togað í föt hennar og reynt að
koma á hana kossi í hennar óþökk í
ásýnd farþega. Þá er hann sagður
hafa sýnt flugvirkja ógnandi tilburði
eftir að vélin var lent í Keflavík, átt
í orðaskaki við flugstjóra og að end-
ingu þurfti að vísa honum frá borði.
Í dómnum segir m.a. að hegðun
flugstjórans hafi vissulega verið
óviðeigandi, en hafi þó ekki verið
þess eðlis að réttlætt geti fyrirvara-
lausa uppsögn úr starfi, honum
hefði fyrst átt að veita áminningu.
Ekki sé sannað að háttsemi flug-
stjórans gagnvart flugfreyjunni
teljist kynferðisleg áreitni og til
þess tekið að hún hafi ekki fengið
aðra til að þjónusta manninn í henn-
ar stað
Sigríður Ása Harðardóttir, for-
maður Flugfreyjufélags Íslands,
segir stjórn félagsins ekki hafa
skoðað þetta tiltekna mál sér-
staklega. Því sé hún ekki í aðstöðu
til að tjá sig um hvernig túlka beri
niðurstöðu dómsins með hliðsjón af
skilgreiningu á kynferðislegri
áreitni eða starfsöryggi flugliða.
Sakaður um að
hafa áreitt flug-
freyju um borð
 Flugstjóri rekinn fyrir áreitni og
ölvun  Uppsögnin var dæmd ólögleg
Morgunblaðið/Sverrir
Flugfreyja Flugstjórinn er sagður
hafa áreitt flugfreyju að störfum.
Málinu verður áfrýjað
» Dómur í málinu féll í júní.
» „Við hjá Icelandair höfum
ákveðið að áfrýja málinu og
það mun liggja fyrir innan tíðar
á hvaða forsendum það verð-
ur,“ segir Guðjón Arngrímsson,
upplýsingafulltrúi Icelandair.
» Að sögn Guðjóns liggur ekki
fyrir hvenær málinu verður
áfrýjað, en búast má við því
innan skamms.
Á sama tíma í
fyrra var önn-
ur staða uppi
víða á land-
inu, þá gerðu
þurrkar
bændum lífið
leitt. „Þá var
lítið vatn í
jarðvegi á
þessum árs-
tíma og óskaplega þurrt sums
staðar á landinu,“ segir Ólafur
og minnir á dæmi þess að
bændur hafi vökvað tún.
Ólafur minnist þess að
ástandið hafi þá verið sýnu
verst norðanlands. Vatnsmagn
hafi víða verið lítið í ám og þar
af leiðandi lítil veiði. „Nú eru
engir eins kátir og laxveiðimenn
því nú er góður vatnsbúskapur
og góður fiskur. Ástandið er
eins ólíkt og það getur orðið.“
Þurrkar í
fyrrasumar
ÓÚTREIKNANLEG NÁTTÚRA
Heimir Snær Guðmundsson
heimirs@mbl.is
Votviðri á Suður- og Vesturlandi
hefur torveldað heyskap í sumar.
„Það hefur varla þornað á steini,“
segir Ólafur Dýrmundsson, land-
nýtingarráðunautur hjá Bænda-
samtökum Íslands.
Ólafur segir júní og júlí það sem
af er hafa verið óvenjuvætusama.
Veðurfræðingar hafa að undan-
förnu sagt að sumarið sé ekki
ósvipað því sem gerist í meðalár-
ferði er varðar hita og vætu en
Ólafur er ekki alveg sammála.
„Það getur vel verið að einhver
mánaðarmeðaltöl sýni það ekki en
það hafa vart komið neinir eigin-
legir samfelldir þurrkadagar,“ seg-
ir hann en minnir á að einn góður
dagur hafi litið dagsins ljós í upp-
hafi júlí þar sem menn hafi eflaust
verið í miklum heyskap.
Nokkra daga þarf til
Nú til dags er mestmegnis heyj-
að í rúllur og Ólafur segir að þá
þurfi hey að vera það sem kallist
hálfþurrkað, þá nægi ekki tveir
ákjósanlegir dagar í röð, meira
þurfi til. Hinsvegar gætu tveir dag-
ar dugað ef búið væri að slá en í
dag reyni menn að ná í kringum
50% þurrefni. Spurður um afleið-
ingar þess ef menn ná ekki að
heyja fyrr en seint og um síðir
segir Ólafur að í fyrsta lagi geti
grasið „sprottið úr sér“ eins og
það sé kallað. Þá spretti grasið of
mikið, tréni, verði ekki eins melt-
anlegt fyrir skepnurnar og fóð-
urgildi minnki. „Ég ímynda mér
að sumir bændur séu áreiðanlega
orðnir órólegir, sérstaklega þeir
sem eru með mikið sprottin tún.“
Einmunatíð
fyrir norðan
„Júnímánuður var ótrúlega
góður og sprettutíð góð. Það er
ágætisgras, en dálítið misjafnt
eftir sveitum,“ segir Þórarinn
Ingi Pétursson, bóndi á Grýtu-
bakka í Grýtubakkahreppi fyrir
norðan.
Þórarinn segir að væta hafi að-
eins strítt bændum í nágrenninu í
júlí, það sé hinsvegar ekkert til að
tala um, hún sé bara til bóta fyrir
gróðurinn.
Veturinn lék marga bændur á
Norðurlandi grátt og kal í túnum
gerði vart við sig eins og áður hef-
ur komið fram. „Ef júní hefði ekki
verið svona góður þá hefði ég ekki
boðið í það því sumstaðar voru
skaflar enn á túnum í lok maí.“
„Það hefur varla
þornað á steini“
 Bleyta torveldar heyskap á túnum sunnan- og vestantil
Ljósmynd/Þórarinn Ingi Pétursson
Gras Heyskapur var í fullum gangi á bænum Grýtubakka í Eyjafirði þar sem einmunatíð hefur verið undanfarið.
Ólafur
Dýrmundsson
Sími 412 2500 - sala@murbudin.is - www.murbudin.is
Reykjavík - Reykjanesbæ
Akureyri
Bað og sturta!
SAFIR sturtusett
1.995
10.990
AGI-167 hitastýrð
blöndunartæki fyrir sturtu
fáanl. m. upp stút
AGI-160 hitastýrð blöndunartæki fyrir baðkar
14.990
einnig fáanlegt með áföstu sturtusetti
NAPOLI
hitastýrt
sturtusett
26.900
Ný hö
nnun
Rósetturog hjámiðjur fylgja öllum
blöndunartækjum
1.590
Swift snagi, burstað
stál, mikið úrval