Morgunblaðið - 16.07.2013, Side 30

30 MENNING
MORGUNBLAÐIÐ ÞRIÐJUDAGUR 16. JÚLÍ 2013
Bókin „The cuckoo’s calling,“ sem
gefin var út í apríl síðastliðnum,
fékk frábærar undirtektir. Nú hef-
ur komið í ljós að höfundur bókar-
innar er raunar engin önnur en J.K.
Rowling, höfundur bókanna um
Harry Potter. Hún notaðist við dul-
nefnið Robert Galbraith til þess að
fá hlutlausa gagnrýni á verk sitt.
„Ég var að vonast til að ná að halda
þessu leyndu enn lengur. Það hefur
verið frábært að fá hlutlausa gagn-
rýni á verk mín og það er frábært
að geta gefið út bók án þess að vera
með gríðarlega pressu á sér,“ sagði
Rowling.
„The cuckoo’s calling“ er leyni-
lögreglusaga sem fjallar um dular-
fullt dauðsfall ljósmyndafyrirsætu.
Gagnrýnendur bókarinnar vöktu
athygli á hæfileika karlkyns höf-
undar bókarinnar til að lýsa kven-
mannsfatnaði en það átti sér eðli-
lega skýringu.
Glöggir lesendur bókarinnar
tóku eftir því að Rowling og hinn
svokallaði Galbraith notuðust við
sama bókaforlag. Þá vöknuðu
grunsemdir um að Rowling væri
raunverulegur höfundur bók-
arinnar, en það fékkst loks staðfest
á dögunum.
Bókin er rúmar 450 blaðsíður og
hefur ekki verið þýdd á íslensku.
Dulnefni J.K. Rowling notaði nafnið Robert Galbraith.
Rowling afhjúpuð sem
höfundur glæpasögu
AFP
Vilhjálmur A. Kjartansson
vilhjalmur@mbl.is
Íslenski tónlistarmaðurinn Viðar
Örn Sævarsson gaf nýlega frá sér
plötuna Get Me Some Professional
Help undir nafninu Lonesome Duk-
es. Viðar er búsettur í Danmörku
með fjölskyldu sinni þar sem hann
leggur stund á nám í hjúkrunar-
fræði. Þó námið og fjölskyldulífið
taki sinn tíma segir Viðar tónlistina
aldrei langt undan, enda áhugamál
sem erfitt getur reynst að leggja á
hilluna. „Ég hef alltaf haft áhuga á
tónlist og hún er hálfgerð ástríða hjá
mér. Hins vegar verður að segjast að
ég hef mun meiri áhuga á tónlistinni
en nokkurn tíma hæfileika, það veit
ég alveg,“ segir Viðar og hlær hátt,
en af samtalinu við hann að dæma
varð strax ljóst að hann tekur hvorki
sjálfan sig né tónlistina sína of hátíð-
lega.
„Ég var töluvert í dauðarokkinu á
sínum tíma og spilaði þó nokkuð á
tónleikum sem enginn kom á enda
voru fáir sem báðu okkur að koma og
spila og við þurftum alltaf að borga
fyrir að fá að spila einhvers staðar.
Það var frekar að fólk bað okkur um
að hætta að spila.“
Fjarri öllu þungarokki í dag
Nýja plata Viðars, Get Me Some
Professional Help, er í rólegri og
þægilegri kantinum og fjarri öllu
þungarokki. Það má því segja að Við-
ar sé að feta nýja leið í sinni tónlist
frá því sem hann gerði á sínum yngri
árum. Spurður út í textana og lögin á
plötunni segir hann tónlistina koma
nokkuð áreynslulaust til sín og sé í
því sem hann kallar „folk“-stíl. „Tón-
listin kemur eiginlega bara sjálfkrafa
hjá mér og ég hef ekki haft mikið fyr-
ir þessu enn sem komið er. Sum lög
eru vissulega betri en önnur en ég er
nokkuð sáttur með plötuna í heild
sem er í svona nokkurs konar „indí-
folk“ stíl.“
Get Me Some Professional Help er
fyrsta platan sem Viðar gefur út
sjálfur, en honum til halds og trausts
voru bassaleikarinn Ulrik Skytte og
trommuleikarinn Henrik Jurgensen.
„Ég var búinn að vera bassaleikari
um nokkurt skeið í hljómsveit en
hætti og fór þá að raula einhvern
texta við lagabúta sem ég hafði gert.
Fljótlega upp úr því fór að koma
mynd á nokkur lög og ég hafði þá
samband við Henrik og spilaði fyrir
hann lögin mín. Upp úr því fórum við
að vinna að plötunni,“ segir Viðar, en
hann segir Henrik m.a. eiga eitt lag á
plötunni og bassaleikarann Ulrik
hafa hljóðblandað diskinn og tekið
upp. „Við köstuðum lögunum á milli
okkar og gagnrýndum og bættum.
Þannig komum við allir að bæði lög-
um og texta þó ég semji flesta text-
ana á plötunni sjálfur sem eru
kannski engir nóbelsverðlaunatextar
þó einhverjir séu góðir,“ segir Viðar
glottandi.
Æstir að spila á Íslandi
Þrátt fyrir að hafa fært sig úr
þungarokkinu yfir í rólegri tónlist
segir Viðar engan hafa enn beðið sig
um að spila á Íslandi. „Við höfum
spilað í Danmörku sem er feikilega
skemmtilegt en enn sem komið er
hefur enginn beðið okkur um að spila
á Íslandi. Ég veit að strákana langar
mikið til þess að koma til Íslands og
spila en ég er í námi og á fjölskyldu
og hef ekki efni á að koma með þá til
landsins og halda þeim
uppi hérna og greiða fyr-
ir tónleika á einhverjum
stöðum.“
Þrátt fyrir að hafa spil-
að nokkuð í Danmörku
segir Viðar þá tónleika
ekki enn hafa skilað þeim
miklu í aðra hönd.
„Listasafnið í Óðinsvéum
bað okkur um að spila og við fengum
greitt fyrir. Það var skemmtileg ný-
breytni enda eitthvað sem við erum
ekki vanir þó það væri kannski gam-
an að fá oftar eitthvað borgað fyrir
að spila. Aðrir tónleikar sem við höf-
um haldið hafa helst verið fyrir ein-
hverja hippa og lítið upp úr þeim að
hafa og við komið út í mínus,“segir
Viðar og hlær hátt og mikið.
Semur texta á íslensku
og ensku
Textarnir á plötunni eru allir á
ensku en Viðar segist eiga erfitt með
að syngja á íslensku.
„Ég er bara feiminn að
syngja á íslensku og
mér finnst betra að
semja og syngja á
ensku. Ég hef samt
samið nokkra texta á
íslensku en ekki verið
spila þá mikið fyrir
aðra.“
Viðar segist ekki vera neitt rosa-
lega góður í ensku þó það sé ekki að
heyra af textunum hans eða söng.
Þrátt fyrir það kýs hann fremur
enskuna fram yfir íslenskuna í texta-
smíðum sínum. Mögulega er ensku-
kunnátta Viðars eins og tónlistin
hans, betri en hann vill sjálfur meina
að hún sé.
Plötuna hans Viðar er hægt að
nálgast á tónlistarsíðunum gogoyoko
og chingchingblingbling. Þá verður
Viðar með tónleika í Gamla bænum í
Mývatnssveit á föstudaginn með gít-
arleikaranum Ottó Páli Arnarssyni.
Semur tónlist og spilar í Danmörku
 Viðar Örn Sævarsson gaf nýlega út fyrstu sólóplötu sína, Get Me Some Professional Help  Færði
sig úr þungarokkinu yfir í rólega „folk“-tónlist  Vill spila meira á Íslandi en fær fá boð um að spila
Tónlistarmaður Viðar Örn hefur spilað á gítar og bassa í hljómsveitum.
Tónleikar Viðar ásamt Ulrik og Henrik Jurgensen á tónleikum í Danmörku.