Morgunblaðið - 16.07.2013, Side 13

FRÉTTIR 13Innlent
MORGUNBLAÐIÐ ÞRIÐJUDAGUR 16. JÚLÍ 2013
SVIÐSLJÓS
Lára Halla Sigurðardóttir
larahalla@mbl.is
„Það hefur verið minni nýting á
tjaldvögnunum í sumar en oft áð-
ur,“ segir Þórunn Jónsdóttir, um-
sjónarmaður orlofshúsa hjá VR.
Sumarhús stærstu stéttarfélaganna
hér á landi hafa verið vel nýtt í
sumar og hafa margir haft sam-
band við félögin og óskað eftir húsi
á Norður- og Austurlandi. Aftur á
móti hefur verið nokkuð um að fé-
lagsmenn VR nýti ekki tjaldvagna
sem þeir hafa bókað. Svo virðist
sem veðrið á Norður- og Austur-
landi freisti íbúa höfuðborgarsvæð-
isins sem hafa ekki notið margra
sólarstunda í sumar.
Margir vilja vera inni
VR býður upp á 25 tjaldvagna til
útleigu og fjölda orlofshúsa víðs-
vegar um landið. „Bókanirnar fóru
hratt og vel af stað og hafa orlofs-
húsin verið vel nýtt,“ segir Þórunn.
„Það hefur þó verið nokkuð um skil
á tjaldvögnunum og ég tengi það
helst veðrinu.“ Sumarið hefur verið
heldur vætusamt víða um land og
því mætti ætla að margir kysu
frekar að dvelja inni í fríinu. „Það
er mjög góð nýting á sumarhús-
unum,“ segir Þórunn og telur að
fólk hugsi ef til vill minna um veðr-
ið, hafi það sumarhús, en ef það
hyggst ferðast um með tjaldvagn.
Hún tekur fram að það sé ekki
meira um útleigu í sumar en venju-
lega.
Leiðin liggur norður
„Það er mikið spurt um orlofshús
á Norður- og Austurlandi,“ segir
Sveinn Ingvarsson, sviðsstjóri or-
lofssviðs Eflingar, en félagið á 52
orlofshús hér á landi. „Síðustu árin
hafa húsin sem eru í 200 kílómetra
radíus frá höfuðborgarsvæðinu ver-
ið efst á óskalistanum hjá fé-
lagsmönnum,“ segir hann. Stór
hluti húsanna, eða um 85% þeirra,
fer strax í úthlutun á vorin. Að
sögn Sveins hefur nýtingin verið
afar góð í sumar, eða um 95 til
98%.
„Við höfum ekki orðið vör við að
það hafi verið mikið um afbókanir í
sumar og ef svo er, fara húsin
strax,“ segir Sveinn.
Fólkið eltir sólina
Kennarasamband Íslands á bæði
sumarbústaði og íbúðir víða um
land, meðal annars á Flúðum og á
Akureyri. „Útleigan hefur gengið
ljómandi vel í sumar þrátt fyrir
veðrið og það hefur verið meiri eft-
irspurn en framboð,“ segir Ólafur
Hilmarsson, starfsmaður orlofs-
sjóðs Kennarasambands Íslands.
Hann segir að félagsmenn hafi
greinilega áhuga á því að fara út úr
bænum í sumar. „Sumarið var full-
bókað fyrir löngu en það er enn
mikið spurt um sumarhúsin í
Kjarnabyggð fyrir norðan,“ segir
Ólafur. „Það eru því greinilega ein-
hverjir sem vilja elta sólina.“
Húsin eru þegar fullbókuð í sum-
ar og er að sögn Ólafs ekki meira
um afbókanir en venjulega, heldur
er hver eign nýtt til hins ýtrasta.
„Ef það eru einhverjar afbókanir
vegna veikinda, þá hafa þau hús
gengið út um leið,“ segir hann.
Orlofshús fyrir norðan eftirsótt
 Margir hætta við tjaldvagnaleigu  Sumarhús stéttarfélaganna vel nýtt í sumar  Elta sólina á
Norður- og Austurland og sækjast eftir orlofshúsum þar  Ferðamenn tjalda síður á Suðurlandi
Ljósmynd/Kristján Kristjánsson
Skipta um skoðun Margir hafa hætt við að leigja sér tjaldvagn hjá VR í sumar, þá einkum vegna óspennandi veðurs.
„Veðrið hefur sett strik í reikn-
inginn, það var meiri aðsókn í
fyrra,“ segir Edda Katrín Ragn-
arsdóttir, umsjónarmaður tjald-
stæðisins á Flúðum. Að hennar
sögn er nokkuð um að erlendir
ferðamenn sem ferðast um á
húsbílum dvelji á svæðinu. „Út-
lendingarnir keyra hringinn en
Íslendingarnir elta sólina.“
„Aðsóknin hefur verið góð í
sumar og virðist rigningin í júlí
ekki hafa dregið úr,“ segir Hild-
ur Þóra Magnúsdóttir, fram-
kvæmdastjóri Tjöldum.is í
Skagafirði. Hún rekur fjögur
tjaldstæði á svæðinu ásamt eig-
inmanni sínum og eru þau á
Hofsósi, Hólum, Sauðárkróki og
í Varmahlíð.
„Það hefur verið aukning það
sem af er að sumri miðað við í
fyrra.“
Aðspurð segist hún ekki viss
um hvað hefur þessi áhrif á
reksturinn, en þó hafi veðrið
verið gott á þessu svæði í júní.
Einhverjir hafa því líklega elt
sólina og fundið hana á Norður-
landinu í sumar.
Aðsóknin
góð nyrðra
ELTA SÓLINA
ford.is
Ford Fiesta Trend 5 dyra, 1,0i bensín 65 hö, beinskiptur. Eldsneytisnotkun í blönduðum akstri 4,3 l/100 km. Losun koltvísýrings CO2 99 g/km., fær frítt í stæði í Reykjavík í 90 mín. í senn.
Ford Fiesta Titanium 5 dyra, 1,6i bensín 105 hö, sjálfskiptur. Eldsneytisnotkun í blönduðum akstri 5,9 l/100 km. Losun koltvísýrings CO2 138 g/km. Tökum allar tegundir bíla upp í nýja.
Brimborg og Ford áskilja sér rétt til að breyta verði og búnaði án fyrirvara. Útbúnaður og gerð getur verið frábrugðin mynd í auglýsingu.
BEINSKIPTUR FRÁ
SJÁLFSKIPTUR FRÁ
FORD FIESTA
2.390.000 KR.
3.090.000 KR.
KOMDU OG PRÓFAÐU
SJÁLFSAG
T MÁL!
NÝR FORD
FIESTA
VILT’ANN
SJÁLFSKI
PTAN?
MEST SELDA SMÁBÍL Í HEIMI