Morgunblaðið - 16.07.2013, Side 12

12 FRÉTTIRInnlent
MORGUNBLAÐIÐ ÞRIÐJUDAGUR 16. JÚLÍ 2013
Hallur Már Hallsson
Björn Már Ólafsson
„Upphaflega lærði ég að mála með
fótunum, en þegar ég var orðinn tíu
ára og orðinn aðeins of stór til að
sitja uppi á borði ákvað ég að læra
líka að mála með munninum,“ segir
málarinn Tom Yendell hjá alþjóð-
legu samtökunum The Mouth and
Food Painting Artists (MFPA).
Hann er hér á landi á vegum sam-
takanna til að kynna verk sín. Tom
fæddist án handa, en ástæðuna má
rekja til þess að móðir hans notaði
lyfið þalidómíð á meðgöngunni á
sjötta áratug síðustu aldar, en lyfið
getur haft alvarlegar afleiðingar
fyrir fóstur í móðurkviði.
Frá unga aldri hefur Tom þótt af-
ar listrænn. „Í framhaldsskóla var
ég með frábæran myndlistarkenn-
ara og hann hvatti mig til þess að
velja listmenntun,“ segir hann en
Tom lauk prófi innan listgreina frá
háskólanum í Brighton árið 1989.
„Mig langar til þess gera hluti öðru-
vísi en aðrir málarar. Flestir mála
vatnslitamyndir og olíumálverk, en
ég mála aðallega á gler, leir og ým-
is klæði eins og til að mynda silki.
Það er frábært að geta veitt ungu
fólki von, sem til dæmis missir
hreyfigetu í kjölfar slyss. Við get-
um veitt því aðstoð við að vinna sig
upp úr erfiðleikunum aftur,“ sagði
Tom við Mbl.is sjónvarp í gær.
Morgunblaðið/Ómar
Þaulvanur Tom Yendell sýnir hér hvernig hann málar með fótunum.
Getur málað með
munni og fótum
 Málar aðallega á gler, leir og klæði
Skannaðu kóðann
til að sjá viðtal við
Tom Yendell
Skipulagsstofnun telur að áformað-
ar framkvæmdir við stækkun Búr-
fellsvirkjunar muni ekki hafa í för
með sér umtalsverð áhrif á umhverf-
ið og skuli því ekki háð mati á um-
hverfisáhrifum. Í úrskurði stofnun-
arinnar kemur fram að Lands-
virkjun hafi unnið að undirbúningi
stækkunarinnar með hléum í þrjátíu
ár.
Framkvæmdin er kynnt sem loka-
áfangi stækkunar Búrfellsvirkjunar
og er nefnd Búrfell II. Afl virkjunar-
innar verður allt að 140 MW.
Markmið með framkvæmdunum
er að nýta hluta af framhjárennsli
við Búrfell sem ræðst af rennsli í
gegnum vélar Sultartangastöðvar og
Búrfellsstöðvar sem og þess vatns
sem fer um botnrás og yfirfall Sult-
artangastíflu. Landsvirkjun hefur
tekið fram að ekki hafi verið ákveðið
hvort ráðist verði í framkvæmdina.
Framkvæmdum við Búrfellsvirkj-
un lauk 1972 og áætlanir um stækk-
un komu fram um 1980. Þá var byrj-
að á framkvæmdum, meðal annars
með greftri frárennslisskurðar.
Fyrirhugað framkvæmdasvæði er
að mestu á milli Búrfells- og Sáms-
staðamúla og hefur þegar verið
raskað. Fram kemur í gögnum sem
Landsvirkjun lagði fyrir Skipulags-
stofnun að tveir kostir eru til skoð-
unar. Annar grundvallast á því að
hafa stöðvarhús ofanjarðar en hitt
neðanjarðar. Í báðum tilvikum er
gert ráð fyrir stöðvarhúsi í eða á
Sámsstaðaklifi.
Stækkun Búrfellsvirkjunar mun
hafa þau áhrif að enn frekar dregur
úr rennsli Þjórsár austan Búrfells.
Nú þegar er lítið sem ekkert rennsli
þar yfir veturinn en það tímabil mun
lengjast um mánuð. Þetta telur
Skipulagsstofnun ein helstu nei-
kvæðu áhrif framkvæmdarinnar,
sérstaklega vegna áhrifa á fossana
Tröllkonuhlaup og Þjófafoss. Minna
rennsli muni breyta upplifun þeirra
sem leið eiga um svæðið.
helgi@mbl.is
Minna rennsli í fossum
 Skipulagsstofnun telur ekki þörf á umhverfismati vegna
stækkunar Búrfellsvirkjunar  Framkvæmdir hófust 1981
Morgunblaðið/Ómar
Búrfellsstöð Annað stöðvarhús
verður byggt á svæðinu.
Miðaldadagar á Gásum við Eyja-
fjörð verða haldnir í tíunda sinn um
næstu helgi, dagana 19.-21. júlí.
Á Miðaldadögum er reynt að end-
urskapa lífið eins og það gæti hafa
litið út í kringum árið 1300. Þá voru
Gásir ein mesta útflutnings- og
verslunarhöfn landsins. Á hverju
sumri í 400 ár spratt þar upp heilt
verslunarþorp með iðandi og fjöl-
breytilegu mannlífi. Opið verður
frá föstudegi til sunnudags frá kl.
11-18 og veðurspáin lofar góðu,
segir í tilkynningu frá Gásum.
Ljósmynd/Hörður Geirsson
Gásir Myndarlegur hópur á síðustu Mið-
aldadögum á Gásum í Eyjafirði.
Miðaldadagar á Gás-
um í tíunda skipti
Sími 571 2000 | hreinirgardar.is
Garðsláttur
Láttu okkur sjá um
sláttinn í sumar