Morgunblaðið - 16.07.2013, Side 17

FRÉTTIR 17Erlent
MORGUNBLAÐIÐ ÞRIÐJUDAGUR 16. JÚLÍ 2013
Peter Robinson, forsætisráðherra heimastjórnarinnar á Norður-Írlandi,
kallaði eftir því í gær að fólk léti af ofbeldisfullum mótmælum, sem brutust
út í kjölfar þess að Óraníureglunni var meinað að ganga veg sem aðskilur
sambands- og aðskilnaðarsinna, í árlegri fjöldagöngu sinni í Belfast á
föstudag. Nærri 40 lögregluþjónar og einn þingmaður slösuðust í mótmæl-
unum um helgina, sem stóðu aðfaranótt laugardags og sunnudags, og fleiri
en 30 hafa verið handteknir.
Óraníureglan hafði hvatt til friðsamlegra mótmæla en Theresa Villiers,
ráðherra Breta í málefnum Norður-Írlands, sagði að reglan hefði verið
vöruð við því að umtalsverð áhætta fylgdi því að hvetja þúsundir manna til
að mótmæla á götunum þegar spenna lægi í loftinu. Um 400 lögreglumenn
voru sendir frá Englandi og Skotlandi til Belfast vegna mótmælanna.
Ofbeldisfull mótmæli eftir göngu Óraníureglunnar
AFP
Fleiri en 30 handteknir
í mótmælum í Belfast
Úrskurði kviðdóms í máli George
Zimmermans var mótmælt í borgum
víða um Bandaríkin aðfaranótt
mánudags. Þúsundir, þeirra á meðal
fjölskyldur með börn, söfnuðust
saman á Times Square í New York
og sex voru handteknir af óeirða-
lögreglu í Los Angeles. Þá var mót-
mælt í San Francisco, Boston,
Detroit og Chicago.
Zimmerman skaut óvopnaðan
unglingspilt, Trayvon Martin, til
bana í Sanford í Flórída í febrúar
2012 en var sýknaður af sex manna
kviðdómi á laugardag.
„Mér er ofboðið. Maðurinn var
vopnaður, krakkinn var það ekki og
maðurinn með byssuna sleppur,“
sagði Carli VanVoorhis, 21 árs mót-
mælandi, við AFP. Margir mótmæl-
endur héldu á lofti myndum af Tray-
von en aðrir klæddust hettupeysum
líkum þeirri sem Martin var í þegar
hann var skotinn.
„Við eigum við stórt vandamál að
stríða hvað varðar kynþátt og
byssur eru annað vandamál. Ef
Zimmerman hefði ekki haft byssu,
hefði hann ekki getað drepið Tray-
von Martin,“ sagði annar mótmæl-
andi. „Við eigum öll sömu óskir. Ég
vil geta fengið son minn heim,“ sagði
Derreck Wilson, 46 ára, frá Harlem í
New York og vísaði til þess að Tray-
von var á leið heim þegar hann var
drepinn.
Málið gegn Zimmerman hefur
vakið miklar umræður um kynþátta-
fordóma og byssulöggjöf. Fjölskylda
Martins íhugar nú einkamál á hend-
ur Zimmerman en lögfræðingar
hans hafa tilkynnt að þeir hyggist
höfða mál gegn fréttastofu NBC og
saka hana um að hafa klippt símtöl
Zimmermans til lögreglunnar þann-
ig að hann virtist vera rasisti.
Þúsundir fara
fram á réttlæti
fyrir Trayvon
 Mótmæli vegna
sýknudóms yfir
Zimmerman
AFP
Réttlæti? Efnt var til mótmæla víða
um Bandaríkin á sunnudag.
Lögregla á Ítalíu rannsakar nú
hægri öfgamenn sem grunaðir eru
um að hafa hengt upp snörur í mót-
mælaskyni við Cecile Kyenge,
fyrsta blökkumanninn sem situr á
ráðherrastóli á Ítalíu. Snörurnar
voru hengdar á ljósastaura, ásamt
skiltum sem á stóð „Innflutningur
fólks, snara fólksins!“ og „Allir
ættu að búa í eigin landi“.
Kyenge fæddist í Kongó en flutti
til Ítalíu árið 1983 og varð ráðherra
málefna innflytjenda í apríl síðast-
liðnum. Hún hefur mætt mikilli
andstöðu, m.a. frá Norðursamband-
inu en einn þingmanna flokksins,
Roberto Calderoli, sagði á laug-
ardag að þegar
hann sæi myndir
af Kyenge yrði
honum ósjálfrátt
hugsað til þess
hversu ráðherr-
anum svipaði til
órangútans.
Forsætisráð-
herra Ítalíu, En-
rico Letta, kall-
aði eftir því í gær að formaður
Norðursambandsins tæki fyrir
árásir flokkssystkina sinna í garð
Kyenge og sagði ofsóknir gegn
henni „skammarlegan kafla“ fyrir
Ítalíu.
Hengdu upp snörur til
að mótmæla ráðherra
Cecile Kyenge
Mariano Rajoy,
forsætisráðherra
Spánar, sagði í
gær að hann
hygðist ekki segja
af sér, þrátt fyrir
ásakanir um að
hann hafi þegið
greiðslur úr leyni-
legum sjóði Lýð-
fylkingarinnar.
Fyrrverandi gjaldkeri flokksins,
Luis Barcenas, sem sakaður er um að
hafa skipulagt greiðslur úr sjóðnum,
situr í gæsluvarðhaldi vegna annarra
spillingarmála en dagblaðið El
Mundo birti á sunnudag vinaleg skila-
boð sem Rajoy sendi Barcenas eftir
að upp komst um leynisjóðinn. „Luis,
ég skil, vertu sterkur. Ég hringi í þig
á morgun. Bestu kveðjur,“ segir í ein-
um skilaboðunum, frá 18. janúar á
þessu ári.
Talið er að leynisjóðurinn hafi ver-
ið fjármagnaður með framlögum frá
fyrirtækjum sem hafi verið verðlaun-
uð með opinberum samningum.
Rajoy
segir ekki
af sér
 El Mundo birtir
skilaboð til gjaldkera
Mariano Rajoy
Alþjóðlegi refsi-
dómstóllinn fyrir
Bangladesh
dæmdi í gær
Ghulam Azam,
fyrrum leiðtoga
Jamaat-e-Islami,
í 90 ára fangelsi
fyrir að hafa
skipulagt fjölda-
morð í sjálfstæð-
isstríði Bangladesh gegn Pakistan
árið 1971. Farið var fram á dauða-
refsingu yfir Azam, sem er 90 ára,
en refsingin var milduð sökum
slæmrar heilsu sakborningsins.
Óeirðir brutust út víða um landið
áður en dómurinn var kveðinn upp
en talsmenn Jamaat, stærsta flokks
íslamista í Bangladesh, segja mark-
miðið með réttarhöldum dómstólsins
að útrýma forystu flokksins.
Dæmdur í 90
ára fangelsi
Ghulam Azam
Kristilegir demókratar í Frakk-
landi hafa kallað eftir því að nýtt
frímerki, sem forseti landsins,
Francois Hollande, afhjúpaði á Ba-
stilludaginn, verði sniðgengið.
Ákallið barst í kjölfar þess að
listamaðurinn á bakvið frímerkið,
sem ber ásjónu Marianne, þjóð-
arímynd Frakka, upplýsti að hann
hefði sótt innblástur til hinnar
úkraínsku Innu Shevchenko, leið-
toga Frakklandsdeildar Femen, en
samtökin eru þekkt fyrir berbrjósta
mótmæli sín gegn kynjamisrétti.
Meðal annarra sem hafa mót-
mælt frímerkinu eru Franskt vor,
hópur andstæðinga hjónabanda
samkynhneigðra, sem harma að
listamaðurinn hafi notað „inn-
flutta“ fyrirmynd frá Úkraínu.
AFP
Marianne Frímerkið afhjúpað.
Sniðganga
frímerkið
Faxafeni 14 • 108 Reykjavík • Sími 551 6646 Laura Ashley á Íslandi • Opið virka daga frá 10-18
Fallegar sumarvörur