Morgunblaðið - 19.07.2013, Blaðsíða 15

FRÉTTIR 15Innlent
MORGUNBLAÐIÐ FÖSTUDAGUR 19. JÚLÍ 2013
Hólmfríður Gísladóttir
holmfridur@mbl.is
Notkun sýklalyfja fyrir dýr hefur
dregist saman á Íslandi um 23% síð-
ustu þrjú ár og er hvergi minni í
Evrópu. Þetta kemur fram í skýrslu
Landlæknis um sýklalyfjanotkun
árið 2012 og skýrslu Lyfjastofnunar
Evrópu um sölu sýklalyfja fyrir dýr
árið 2010.
Samkvæmt upplýsingum frá Mat-
vælastofnun er ekki ólíklegt að
rekja megi þennan góða árangur til
lyfjastefnu Dýralæknafélags Ís-
lands og íslenskrar reglugerðar,
sem kveður á um að ekki megi nota
sýklalyf fyrir dýr nema að undan-
genginni sjúkdómsgreiningu dýra-
læknis og að dýralæknir verði sjálf-
ur að hefja meðhöndlun.
Guðrún Lind Rúnarsdóttir, sér-
fræðingur hjá Matvælastofnun, seg-
ir aukna umræðu einnig spila inn í.
„Þessi umræða um lyfjaþol og
sýklalyfjaónæmi er náttúrlega alltaf
að aukast; um hvað þetta er orðið
hættulegt, og almenningur, dýra-
læknar og læknar, eru orðin meðvit-
aðri um þetta fyrir vikið,“ segir hún.
Gagnlegur gagnagrunnur
Guðrún segir þó nauðsynlegt að
skoða hvers vegna notkun breið-
virks pensilíns hefur aukist á sama
tíma en það hafi verið stefnan að
nota heldur þröngvirk sýklalyf en
breiðvirk. Þannig verði öll meðferð
markvissari og dregið úr líkunum á
óþoli.
Í fyrra hóf Matvælastofnun að
safna gögnum um sjúkdóma og
lyfjameðferðir dýra í sérstakan
gagnagrunn, þar sem dýralæknar
skrá inn upplýsingar fyrir nautgripi,
hross og sauðfé. Guðrún segir að
gagnagrunnurinn muni gera Mat-
vælastofnun kleift að fylgjast enn
betur með sýklalyfjanotkun og
tengslum hennar við lyfjaónæmi.
„Tölurnar sem notaðar eru í
skýrslunni eru í raun bara sölutölur
á lyfjunum frá Lyfjastofnun en þær
kannski endurspegla ekki alveg
hvað dýralæknarnir eru að nota og
heldur ekki í hvaða dýrategund.
Með þessum skráningum er hægt
að greina upplýsingarnar betur,
bæði notkunina og hvað er verið að
nota mikið; fyrir sauðfé, hross og
nautgripi, og einnig getum við þá
séð ástæðuna á bak við notkunina.“
Sýklalyf minnst gef-
in dýrum á Íslandi
 Aukin notkun breiðvirks pensilíns áhyggjuefni
Morgunblaðið/Birkir Fanndal
Dýralyf Guðrún segir að með ábyrgri notkun sýklalyfja megi draga úr lík-
um á lyfjaþoli og sömuleiðis því að lyfjaleifar finnist í matvælum.
Viðar Guðjónsson
vidar@mbl.is
Bæjarstjórn Vestmannaeyjabæjar
hefur ákveðið að leyfa lundaveiði í
fimm daga, frá og með deginum í
dag til þriðjudagsins 23. júlí næst-
komandi. Engin lundaveiði hefur
verið í Vestmannaeyjum undanfarin
tvö sumur.
Á vef Eyjafrétta segir að í fund-
argerð umhverfis- og skipulagsráðs
sé minnt á að hefðbundið veiði-
tímabil lunda hafi áður verið 55 dag-
ar en ákvörðunin sé tekin með hlið-
sjón af ástandi stofnsins síðastliðin
ár og þeim mikilvæga menning-
arlega þætti sem lundaveiði er í
sögu Vestmannaeyja. „Sl. tvö ár hef-
ur engin lundaveiði verið heimiluð í
Vestmannaeyjum að frumkvæði
bæjaryfirvalda en árin þar á undan
voru verulegar hömlur settar á veiði
eins og gert er í ár,“ segir í fund-
argerðinni. Gunnlaugur Grettisson,
forseti bæjarstjórnar, bendir á að
þessi veiðiheimild sé sambærileg
þeirri sem var árið 2010 þegar einn-
ig var sett fimm daga lundaveiði-
tímabil. „Við leggjum til að menn
viðhaldi hefðinni en veiði ekki lunda
í þeim mæli sem menn gerðu fyrr á
árum,“ segir Gunnlaugur. Hann seg-
ir að varpið hafi verið gott og tekið
hafi verið mið af því þegar ákvörð-
unin var tekin. „Það slagaði í það
sem gerist best í meðalári,“ segir
Gunnlaugur.
Harmar ákvörðunina
Ákvörðunin er ekki tekin í sam-
ráði við Náttúrufræðistofu Suður-
lands sem rannsakað hefur stofn-
stærð lundastofnsins. Á vef
Eyjafrétta segir að Kristín Jóhanns-
dóttir frá Vestmannaeyjalistanum
hafi lagt fram bókun á fundi ráðsins
þar sem hún harmar þá áætlun að
hefja veiðar að nýju og að hún
treysti mati sérfræðinga betur við
slíkar ákvarðanir. „Það er mun
minna um lunda í Vestmannaeyjum
en var. Engu að síður skynja ég það
sem leikmaður að ástandið er betra
en síðastliðin ár og vísbendingar um
að ástandið sé betra en verið hefur.
Vert er að taka fram að lundi er
veiddur fyrir vestan og norðan. Um
60-70% af ungfuglastofninum í Eyj-
um er flökkustofn sem ferðast á milli
staða. Lundi sem klekst út hér í
Vestmannaeyjum er því mögulega
annars staðar á landinu þar sem
hann er veiddur,“ segir Gunnlaugur.
Eyjamenn á lunda-
veiðar í fimm daga
 Bæjarstjórn samþykkti veiði
Lundi Heimilt verður að veiða lunda næstu fimm daga í fyrsta skipti frá
árinu 2010. Fulltrúi Vestmannaeyjalistans gagnrýnir ákvörðunina og telur
að fara eigi eftir áliti sérfræðinga áður en veiðar séu leyfðar.
Sex umsóknir bárust í forvali fyrir
hönnun nýrrar byggingar við Land-
spítalann sem hófst hjá Ríkiskaupum
í gær. Annars vegar er um að ræða
forval fyrir hönnun sjúkrahótels og
bílastæðahúss og hins vegar fyrir
hönnun meðferðarkjarna og rann-
sóknarhúss. Sex hópar skiluðu gögn-
um fyrir hönnun sjúkrahótels og bíla-
stæðahúss, en það voru Hnit
verkfræðistofa hf., Kos, Arkitekta-
stofan OG ehf. og Vsb verkfræðistofa
ehf., Mannvit hf., Corpus 2 og Verkís
hf. Fimm hópar skiluðu gögnum fyrir
hönnun meðferðarkjarna og rann-
sóknarhúss, en það voru, Mannvit
hf., Corpus 2, Verkís hf., Kos og Sal-
us.
Miðað er við að niðurstaða forvals-
ins verði kynnt 21. ágúst en þá mun
verða ljóst hvaða þátttakendur upp-
fylla kröfur forvalsgagna.
Undirbúningur vegna fyrsta
áfanga uppbyggingar við Hringbraut
hefur nú staðið um þónokkurt skeið,
en í nóvember lauk SPITAL hönn-
unarteymið við forhönnun heildar-
verkefnisins. SPITAL vann einnig
tillögu að nýju deiliskipulagi fyrir
Landspítalareit sem tók gildi 4. apríl.
Sex um-
sóknir
bárust
 Forval að hönnun
spítalabyggingar
Ný bygging Forval að hönnun nýrr-
ar spítalabyggingar hófst í gær.
Opel | Ármúli 17 | 108 Reykjavík | 525 8000
*Verðdæmi miðast við bíla sem til eru á lager. Aukabúnaður bíla á mynd getur verið frábrugðinn þeim sem eru á tilboði.
**Eldsneytisnotkun í blönduðum akstri er samkvæmt stöðlum frá framleiðanda. ***Akuabúnaður á mynd, álfelgur.
5,1 l
5,5 l
4,3 l
2.890.000 kr.
3.690.000 kr.
Komdu í heimsókn í nýjan
sýningarsal okkar
að Ármúla 17
4.990.000 kr.
/100 km
/100 km
/100 km
Opel Corsa 1.2 bensín.***
Opel Astra 1.4 bensín.
Opel Insignia 2.0 dísil.
Einnig fáanlegur ssk.
Einnig fáanlegur ssk.
Einnig fáanlegur ssk.
Verð
frá*:
Verð
frá*:
Verð
frá*:
**
E
N
N
E
M
M
/
S
ÍA
/
N
M
5
6
9
6
4
KYNNTU ÞÉR NÝJAN
SPARNEYTINN OPEL
Kynntu þér tilboðsverð á völdum bílum
**
**