Morgunblaðið - 19.07.2013, Blaðsíða 36

36 DÆGRADVÖL
MORGUNBLAÐIÐ FÖSTUDAGUR 19. JÚLÍ 2013
Stjörnuspá
21. mars - 19. apríl 
Hrútur Reyndu að taka sem minnsta áhættu
í dag. Við nánari skoðun kemur ýmislegt í ljós
sem þú mátt ekki láta framhjá þér fara. Hver
segir að ekki megi borða köku í morgunmat?
20. apríl - 20. maí 
Naut Nú þegar þú hefur útlínur verkefnisins
klárar, er tímabært að setjast yfir smáatriðin.
Himintunglin benda á að þér farnist betur
með allt á útopnu en í rólegheitum.
21. maí - 20. júní 
Tvíburar Yfirleitt er það svo að gæska þín og
gjafmildi falla í góðan jarðveg. Líttu á það
sem vísbendingu til þín ef þreyta hrjáir þig,
þú vinnur of mikið að öllum líkindum.
21. júní - 22. júlí 
Krabbi Þeir sem finna til stífleika í liðamót-
um ættu að skella sér í einhverja líkamsrækt.
Sumir dagar reyna á þolrifin, aðrir ekki. Þú
þarft ekki að vera best/ur í öllu.
23. júlí - 22. ágúst 
Ljón Ef þú ert í vafa um hvaða leið þú eigir að
velja þá skaltu staldra við og velta hlutunum
betur fyrir þér. Mundu að kærleikurinn felst
meðal annars í viljanum til að gefa og þiggja.
23. ágúst - 22. sept. 
Meyja Oft er það svo að þegar maður gerir
einhverjum greiða þá skilar hann sér aftur
þegar maður þarf sjálfur á aðstoð að halda.
23. sept. - 22. okt. 
Vog Þú tekur eftir að einhver reynir mikið að
vera eins og þú. Hættu að horfa framhjá því
sem við blasir og taktu á málunum strax.
23. okt. - 21. nóv.
Sporðdreki Í dag væri ráð að forðast ill-
deilur. Annars áttu á hættu að leiðindi skapist
vegna umtals um fyrirætlan þína. Gættu þess
að láta ekki eitthvað vanhugsað út úr þér.
22. nóv. - 21. des.

Bogmaður Áhyggjur hverfa ef þú hunsar þær
nógu lengi. Mikið áttu eftir að skemmta þér
vel næstu daga. Opnaðu augun því þá fyrst
fara hjólin að snúast þér í hag og þú átt það
svo skilið.
22. des. - 19. janúar 
Steingeit Breytingar breytinganna vegna
hafa ekkert upp á sig – eru aðeins flótti frá
raunveruleikanum. Haltu vel á þínum hlut án
þess að ganga á rétt annarra.
20. jan. - 18. febr. 
Vatnsberi Taktu frá hálftíma í dag og reyndu
að bæta skipulagið heima fyrir eða í
vinnunni. Taktu þér tíma til þess að finna
sjálfa/n þig aftur svo aðrir þurfi ekki að hafa
áhyggjur.
19. feb. - 20. mars

Fiskar Já, fólk er enn og aftur að leita ráða
hjá þér. Gakktu beint til verks og vertu ekkert
að tvínóna við það að kalla til aðstoðarmenn,
ef þeirra þarf með. Þú ættir að kíkja á útsöl-
urnar en ekki falla fyrir nýju vörunum.
Vísnahorni barst gott bréf fráDavíð Hjálmari Haraldssyni á
mánudag:
„Í gær fór ég með Ferðafélagi
Akureyrar í svonefnda Sjö tinda
göngu, en þá er gengið á sjö fjalls-
tinda hér innst við fjörðinn. Fjöllin
sem við gengum voru Kerling
(hæsta fjall í byggð á landinu),
1.538 m, Hverfandi, 1.330 m, Þrí-
klakkar, 1.360 m, Bóndi, 1.360 m,
Litli-Krummi, ekki talinn með,
Stóri-Krummi, 1.170 m, Syðri-Súla,
1.210 m og Ytri-Súla, 1.150 m.
Þetta er talin 20 km löng ganga en
við bættum við tveim km og tók
gangan rúmlega 12 klst. Erfitt en
hressandi, gott veður, þurrt og
mátulega hlýtt, logn að mestu en
sólarlítið. Óvenju mikill snjór á
fjöllum en færið gott.
Sýnishorn af kveðskap í ferðinni:
Kerling
Takmarkinu tókst að ná
með töf við nokkra staði.
Kerlingu nú er ég á
í einu svitabaði.
Hverfandi
Á vori hverju þegar land er þurrt
og þiðnað túnið, völlurinn er herfandi,
en hér er ekkert tað og tæpast jurt
og tilgangurinn þá með vinnslu?
Þríklakkar
Á Þríklakka ég komst við puð og príl
og pínulítið skrokknum tók að hraka.
Ætti hérna einhver góðan bíl
indælt væri að þiggja far til baka.“
Þetta er gott bréf og rifjar upp
fyrir manni vísur og stökur af fjall-
göngum. Sigurður Þórarinsson
orti:
Hæruskotin Herðubreið,
hrikalega ferleg.
Einhvern tíma alla leið
upp á hana fer ég.
Emelía Sigurðardóttir á Brett-
ingsstöðum hugsaði hærra:
Herra láttu í himninum
hæfan stað mér gera.
Ég vil ekki innanum
alla þurfa að vera.
Tekurðu ekki eftir því,
að eg er betri en fjöldinn,
- biblíunni blaða í,
bið og syng á kvöldin?
Og svo er þessi gamli húsgangur,
sem ég held svo upp á:
Háa-Þóra heitir fjall
hæst á Norðurlandi.
Eitt sinn fór ég einsamall
upp á þann háa klettastall.
Halldór Blöndal
halldorblondal@simnet.is.is
Vísnahorn
Ort á Sjö tinda göngu
Í klípu
„HÆTTU AÐ GRENJA. ÞETTA ER ÁSTÆÐAN
FYRIR ÞVÍ AÐ ÉG ÞOLI EKKI AÐ FARA
MEÐ ÞIG Í BÚÐIR.“
eftir Mike Baldwin eftir Jim Unger
„HVAÐ KOSTAR ÞAÐ?“
Hermann
Ferdinand
Hrólfur hræðilegi
Grettir
... að heyra röddina
hans.
BINDI
ÁRANS! ÉG KOM MEÐ
SVERÐIÐ MITT OG
SKJÖLDINN MINN …
… EN ÉG GLEYMDI
SKRÍMSLAFÆLUNNI MINNI!
LÍSA OG ÉG BORÐUÐUM
SAMAN VIÐ KERTALJÓS.
VIÐ HORFÐUM Í AUGUN
Á HVORT ÖÐRU.
SÍÐAN VARÐ
BINDIÐ MITT Í
LJÓSUM LOGUM.
ÉG VISSI AÐ
ÞÚ MYNDIR
EKKI VALDA MÉR
VONBRIGÐUM.
Í vikunni urðu ákveðin tímamót, þvíhið íslenska sumar er nú hálfnað.
Víkverji hefur ekki farið varhluta af
kvörtunum Íslendinga á samfélags-
miðlum og í samtölum öllum vegna
veðursins það sem af er sumri. Erf-
itt er að rifja upp samtal í sumar þar
sem veðrið hefur ekki komið við
sögu í neikvæðri orðræðu. Nei-
kvæðnin gerir veðrið eiginlega bara
enn verra og eyðir nánast allri sum-
arstemningu ef einhver var fyrir.
Fólk spyr gjarnan hvar sumarið
haldi sig og bölvar síðan sólinni ef
hún lætur sjá sig á öðrum stað á
landinu. Víkverji er handviss um að
ef Íslendingar myndu hífa sig upp úr
neikvæðum athugasemdum um
veðrið og frekar dásama lífið og til-
veruna þá væri sumarið strax orðið
mun betra. Það er nefnilega svo
margt sem hægt er að njóta í sum-
arfríinu annað en veðrið.
x x x
Víkverji ætlar ekki að láta sitt eftirliggja í baráttunni fyrir betra og
jákvæðara sumri, hvernig sem veðr-
áttan verður seinni hlutann af sumr-
inu. Hann ætlar því að skella sér í
útilegu um helgina og njóta þess að
sofa í tjaldi í fallegri náttúrunni,
sama hvernig viðrar. Hann ætlar að
gleðjast yfir því að nú komi regngall-
inn frá 66°Norður að góðum notum.
Hann ætlar að fagna öllum góðu vin-
um sínum sem vega mun þyngra í
góðri útilegu en veðrið og njóta sum-
arsins til fulls. Þá verður það bara
dásamlegt að hlusta á beljandi regn-
ið fyrir utan tjaldið, með ullarteppið
vafið um sig.
x x x
Nú er að koma helgi, enn einusinni. Víkverji vonar að fleiri
taki þátt í betra sumri og mælir með
því að fólk skelli sér í ullarnærfötin
og gúmmítútturnar, síðan er nauð-
synlegt að henda brosi í andlitið á
sér og stíga dansinn í rigningunni.
Njótum sumarsins eins og það er
hér á Íslandi. Það er ljómandi að
keyra út í sveit þegar ekki er steikj-
andi hiti, það er frábært að þurfa
ekki að vökva pottablómin, né fjár-
festa í sólarvörn eða litlum sumar-
spjörum. Víkverji hlakkar til seinni
hluta sumarsins.
víkverji@mbl.is
Víkverji skrifar
Orð dagsins: Nýtt boðorð gef ég yður,
að þér elskið hver annan. Eins og ég
hef elskað yður, skuluð þér einnig
elska hver annan. (Jóh. 13, 34.)
Skoðaðu úrvalið
www.jens.is Síðumúla 35
Kringlunni og
Íslensk hönnun og handsmíði - Falleg gjöf
Vatnajökull
7.900.- Eyjafjallajökull
5.900.-
Jöklaskálar
Kökuhnífar
Sultuskeiðar
henta einnig fyrir
pestó og hnetur
11.800.-
12.800.-
8.900.-6.900.-