Morgunblaðið - 19.07.2013, Blaðsíða 35

hraustir. Í því felst að þeir fá ráðgjöf
áður en hallar undan fæti hjá þeim
og er gott dæmi um fyrirbyggjandi
heilsuvernd. Fyrirmyndin er frá
Danmörku þar sem þetta er í lögum
en við hófum þetta starf hér árið
2000 og það er enn í gangi og hefur
gefið góða raun.“
Frá maí 2012 hefur Inga starfað
hjá heimahjúkrun Heilsugæslu-
stöðvarinnar á Akureyri og und-
anfarna 12 mánuði sem for-
stöðumaður. „Það er vaxandi
þjónusta hér og þjónustuþörf og
margs að gæta. Markmiðið er að
auka þjónustu í heimahúsum og
draga úr vistun á þjónustustofn-
unum. Annars eru skjólstæðingar
okkar á aldrinum eins árs og upp úr.
Þessar áherslur gilda hjá öllum.“
Einnig hefur Inga unnið við
kennslu og t.d. kennt við Símennt-
unarmiðstöð Eyjafjarðar undanfarin
þrjú ár. Hún hefur einnig haldið fjöl-
marga fyrirlestra sem tengjast
hennar fagi, við ýmsar stofnanir.
Söngkona og skáti
Inga söng með hljómsveit föður
síns, Ingimars Eydal, frá 16 ára aldri
og allt til andláts hans og rak eftir
það sína eigin hljómsveit til ársins
1999. „Eftir það hef ég sungið við hin
ýmsu tilefni og að miklu leyti haft
sönginn sem tómstundagaman og
áhugamál, ýmist ein, með hljóm-
sveitum og með kórum.“ Hún gaf út
eigin geisladisk árið 2009 sem nefn-
ist „Ástarljóðið mitt“.
Inga hefur verið meðlimur skáta-
hreyfingarinnar frá unga aldri. „Ég
starfa enn með þeim ágæta fé-
lagsskap, nú með eldri skátum og
nýt þess mjög.“ Einnig hefur hún
tekið þátt í ýmsum félagsstörfum,
var formaður Norðausturlands-
deildar Félags íslenskra hjúkr-
unarfræðinga, formaður Kórs Ak-
ureyrarkirkju og sat í stjórn
Barnaheilla, svo eitthvað sé nefnt.
„Ég hef mikinn áhuga á menningar-
málum og veit fátt skemmtilegra en
að fara á góða tónleika, í leikhús og á
listsýningar, heima og að heiman.
Akureyri er í dag kjörin til slíkra
tómstunda. Ferðalög eru mér einnig
hugleikin, bæði innanlands og utan,
og ekki hvað síst að njóta samvista
við mína góðu fjölskyldu og kæra
vini.“
Fjölskylda
Sonur Ingu er Ingimar Björn Ey-
dal, f. 10.3. 1986, útsendingar- og
tæknistjóri í Reykjavík. Maki: Kar-
en Eva Halldórsdóttir, f. 16.6. 1989,
læknanemi. Faðir Ingimars er Davíð
Valsson, f. 24.3. 1962, sölumaður á
Akureyri.
Systkini Ingu eru Guðný Björk
Eydal, f. 21.5. 1962, doktor í félags-
ráðgjöf og prófessor við Háskóla Ís-
lands. Maki: Tómas Björn Bjarna-
son, f. 2.2. 1965, rannsóknarstjóri
Capacent; Ingimar Eydal, f. 20.6.
1966, landfræðingur og starfar hjá
Isavia á Akureyri. Maki: Stella Gúst-
afsdóttir, f. 31.7. 1968, kennari og
deildarstjóri við Brekkuskóla; Ásdís
Eyrún Eydal, f. 3.7. 1975, kennari og
er deildarstjóri í Laufásborg í
Reykjavík. Maki: Einar Björn Erl-
ingsson, f. 11.6. 1970, rekstrarfræð-
ingur og starfar hjá Motus.
Foreldrar Ingu eru Ingimar Ey-
dal, f. 20.10. 1936, d. 10.1. 1993, tón-
listarmaður og kennari á Akureyri,
og Ásta Sigurðardóttir, f. 20.2. 1943,
sjúkraliði á Akureyri.
Úr frændgarði Ingu Dagnýjar Eydal
Inga Dagný
Eydal
Ingimar Eydal
ritstjóri og kennari
á Akureyri
Guðfinna Jónsdóttir
húsfreyja á Akureyri
Hörður Ólafur Eydal
mjólkuriðnaðarmaður
á Akureyri
Pálína Indriðadóttir Eydal
húsfreyja á Akureyri
Ingimar Eydal
tónlistarmaður og kennari
á Akureyri
Indriði Finnbogason
sjómaður á Fáskrúðsfirði
Guðný Þórdís Magnúsdóttir
húsfreyja á Fáskrúðsfirði
Haraldur Sigurðsson
vélstjóri í Reykjavík
Alice Sigurðsson
húsfreyja í Reykjavík
Sigurður Haraldsson
vélstjóri í Reykjavík
Sigurlaug N. Halldórsdóttir
húsfr. og verkakona í Rvík
Ásta Sigurðardóttir
sjúkraliði á Akureyri
Halldór Jóhannesson
verkstjóri á Akureyri
Jónína V. Halldórsdóttir
húsfreyja á Akureyri
Í Lystigarðinum Inga syngur oft í
garðinum við góð tækifæri.
ÍSLENDINGAR 35
MORGUNBLAÐIÐ FÖSTUDAGUR 19. JÚLÍ 2013
Svanborg Ingimundardóttir,húsfreyja í Goðdal í Bjarnar-firði á Ströndum, fæddist 19.
júlí 1913. Hún lést 12. desember 1948
þegar snjóflóð féll á bæinn í Goðdal.
Í Goðdal bjó Svanborg ásamt eig-
inmanni sínum, Jóhanni Kristmunds-
syni, og börnum þeirra, Bergþóri,
Hauki, Erlu, Svanhildi og Ásdísi.
Elstu börnin þrjú, Bergþór, Haukur
og Erla, voru fjarverandi í skóla þeg-
ar snjóflóðið féll. Aðrir heimilismenn
í Goðdal voru Jónína Jóhannsdóttir,
föðursystur Jóhanns bónda, Guðrún
dóttir hennar og Jónas Sæmundsson,
sonur Guðrúnar.
Flóðið varð um sexleytið á sunnu-
degi þegar heimilisfólk var í eldhús-
inu. Skyndilega heyrðist gríðarlegur
hávaði og snjóflóð skall á bæinn og
færði hann í kaf. Talið er að Svan-
borg, sem var 35 ára, hafi látist svo til
samstundis, ásamt Jónínu sem var 75
ára og Guðrúnu, 53 ára.
Ekki var langt á milli Jóhanns og
Jónasar í snjóflóðinu og gátu þeir
lengi vel talast við og um tíma heyrð-
ist einnig í Ásdísi litlu sem var
tveggja ára, en svo þagnaði hún.
Loks hætti Jóhann að heyra í Jónasi.
Enginn kom að bænum í Goðdal
fyrr en fjórum sólarhringum eftir að
flóðið féll. Jóhann bóndi fannst á lífi
en hann hafði verið með meðvitund
allan þann tíma sem hann lá í snjón-
um. Jónas fannst með lífsmarki en
andaðist fljótlega. Hann var 19 ára
gamall. Svanhildur, sjö ára dóttir Jó-
hanns og Svanborgar, náðist á lífi en
lést skömmu síðar úr hjartabilun.
Jóhann Kristmundsson var 42 ára
er slysið varð og lifði í nokkur ár eftir
það. Til eru áhrifamikil viðtöl við
hann og vel ritaðar frásagnir hans
um harmleikinn.
Bergþór, sonur Svanborgar og Jó-
hanns, lýsti móður sinni svo: „Hún
var greind kona, hlédræg, hljóðlát og
blíð. Hún var afar dugleg og iðju-
söm.“ Emil Als, sem var í sveit í Goð-
dal árið 1938, skrifaði um þá dvöl sína
í sunnudagsblað Morgunblaðsins ár-
ið 2003 og sagði: „Svanborg var þýð í
framkomu og stýrði heimili sínu með
festu sem hún lét ekki bera mikið á.
Minningar um hana eru allar þægi-
legar.“
kolbrun@mbl.is
Merkir Íslendingar
Svanborg Ingi-
mundardóttir
90 ára
Haraldur Hákonarson
Magnús A. Ólafsson
Stefán Helgason
85 ára
Ársól M. Árnadóttir
Jón Þorláksson
Lilja Guðmundsdóttir
Margrét Gísladóttir
Þórður Kr. Júlíusson
80 ára
Guðný Magna Einarsdóttir
75 ára
Helga Haraldsdóttir
Sigrún Rafnsdóttir
Sveinsína Kristinsdóttir
70 ára
Auður Dagný A. Georgs-
dóttir
Guðmundur Finnsson
Inga Hrafnbjörg Björnsdóttir
Jóhann I. Jóhannsson
María Sæmundsdóttir
60 ára
Aðalbjörg Þorvarðardóttir
Hallgrímur Guðmundsson
Hörður Lúðvíksson
Sigrún Jónsdóttir
Svanhildur F. Guðmunds-
dóttir
Valþór Söring Jónsson
50 ára
Árni Hörður Ragnarsson
Brynja Guðmundsdóttir
Gísli Lárus Valsson
Guðmundur Einarsson
Guðmundur Þór Þórhalls-
son
Gylfi Ívar Magnússon
Jóna Kristín Kristjánsdóttir
Kristbjörg Jónsdóttir
Margrét Nanna Jóhanns-
dóttir
María Traustadóttir
Paola Ýr Daziani
Signhild B. Borgþórsdóttir
Sigurður Magnús Skúlason
Sigurður Magnússon
Steinn Agnar Pétursson
40 ára
Ásbjörg Valgarðsdóttir
Fríða Kristín Jóhannesdóttir
Helgi Aðalsteinsson
Hjalti Rósinkrans Benedikts-
son
Ingvar Eyfjörð Jónsson
Íris Jónsdóttir
Kristmar Geir Björnsson
Lilja Bjarney Ingimundar-
dóttir
Linda Mjöll Þorsteinsdóttir
Magnús Benediktsson
María Jónsdóttir
Rasa Biziene
Róbert Sverrisson
Rósa Aðalsteinsdóttir
Sigfús Helgi Guðjónsson
Sæunn Eðvarðsdóttir
Wieslaw Andrzej Zasa-
dowski
30 ára
Arnar Stefánsson
Bergur Hallgrímsson
Birna Guðmundsdóttir
Davíð Vigfússon
Guðmundur Björgvin Jóns-
son
Jakob Einar Jakobsson
Kári Arnar Kárason
Krzysztof Czajkowski
Lawrence Ranka Sekento
Magnús Árni Sigurðsson
Sunna Kamilla Gunnars-
dóttir
Vilhjálmur Arnórsson
Ævar Már Óskarsson
Til hamingju með daginn
85 ára Gunnar ólst upp
að Hofi í Hjaltadal, og
starfaði sem verslunar-
maður og múrari í
Reykjavík.
Maki: Kristín Jónsdóttir,
f. 1926, d. 2004.
Börn: Hilmar Hlíðberg, f.
1949, Karólína, f. 1954,
Helga Þóra, f. 1957, og
Brynja, f. 1962.
Foreldrar: Páll Jóhann
Þorleifsson, f. 1896, d.
1953, og Helga Jóhanns-
dóttir, f. 1897, d. 1941.
Gunnar
Pálsson
40 ára Ragnheiður er
Seltirningur og er heima-
vinnandi húsmóðir í
fæðingarorlofi.
Maki: Jón Þorsteinn Guð-
mundsson, f. 1972, krana-
stjóri hjá Eimskip.
Börn: Eva María, f. 2003,
og Charlotta Christa, f.
2012.
Foreldrar: Árni Ásgeirs-
son, f. 1948, bílasali, og
Gunnhildur Magnúsdóttir,
f. 1949, hárgreiðslumeist-
ari, bús. á Seltjarnarnesi.
Ragnheiður B.
Árnadóttir
60 ára Sigríður er frá
Hofi í Öræfum og vinnur á
sjúkrahúsinu á Hvamms-
tanga.
Maki: Elías Guðmunds-
son, f. 1949, málari.
Börn: Guðmundur Þór, f.
1977, Þuríður Ósk, f.
1979, og Magnús Ásgeir,
f. 1984.
Foreldrar: Magnús Þor-
steinsson, f. 1897, d.
1987, og Þuríður Halldóra
Sigjónsdóttir, f. 1912, d.
1979, bændur á Hofi.
Sigríður
Magnúsdóttir
bestalambid.isBeztu uppskriftirnar okkar
Enn einn dagur
í Paradís