Morgunblaðið - Sunnudagur - 04.08.2013, Blaðsíða 46

Í myndum
46 MORGUNBLAÐIÐ SUNNUDAGUR 4.8. 2013
Þau eru mörg handtökin um
borð í skútunni. Áhöfnin að
störfum meðan gestirnir slaka
á og fylgjast áhugasamir með.
Þ
að sætir ekki tíðindum að frægt
fólk stigi á land á Ísafirði, alltént
ekki eftir að rokkgoðið sir Mick
Jagger gerði það um árið. Þrátt
fyrir það brá Sigurði Jónssyni í
brún þegar hann var að hjóla á bryggjunni á
fögru sumarkvöldi árið 2005 og kom auga á
sir Robin Knox-Johnston sem sat þar í góðu
yfirlæti að snæðingi um borð í skútu sinni
ásamt fleira fólki, þeirra á meðal sir Chris
Bonington, sem Sigurður bar þegar í stað
kennsl á líka. Ef til vill engir Jaggerar en eigi
að síður goðsagnir í lifanda lífi í þeim heimum
sem Sigurður þekkir gerst til, siglingum og
fjallgöngu. Sir Robin er frægastur fyrir að
hafa árið 1969 siglt fyrstur manna umhverfis
hnöttinn einn síns liðs og án þess að hafa
nokkurs staðar viðkomu og sir Chris er kunn-
astur fyrir Himalaya leiðangra sína og meðal
annars að hafa staðið í tvígang á tindi Mount
Everest.
„Ég fór að spjalla við þá og það endaði með
því að þeir buðu mér í mat um borð í skút-
unni,“ rifjar Sigurður upp. „Ég benti þeim á
áhugaverðar klifurleiðir í grenndinni og ræddi
um áhuga minn á siglingum. Það skipti eng-
um togum að karlinn bauð mér að kaupa
skútuna sína.“
Skútan, sem hét á þessum tíma Antiope
Clipper, var smíðuð árið 1996 fyrir kappsigl-
ingu umhverfis hnöttinn. Þegar þarna var
komið sögu hafði henni verið siglt þá leið fjór-
um sinnum og í þrígang til Grænlands.
Sigurður gekk ekki að tilboði sir Robins
þar og þá en hans var alvarlega freistað enda
gamall draumur að eignast stærri skútu og
hafa vinnu af siglingum.
Antiope Clipper sigldi sinn sjó en um vetur-
inn fékk Sigurður tvo kunningja til viðbótar í
lið með sér og lögðust þeir í útreikninga. „Við
veltum því vandlega fyrir okkur hvernig við
gætum gert bisness úr þessu og eftir að hafa
komist að niðurstöðu gerðum við formlegt til-
boð í skútuna um vorið. Því var tekið og við
fórum utan til Portsmouth að sækja hana.“
Vanir siglinga- og fjallamenn
Við komuna heim var skútunni gefið nýtt
nafn, Aurora, og undir því hóf hún siglingar
með gesti. Félagið Borea Adventures var
stofnað utan um reksturinn og er það í eigu
Sigurðar, Rúnars Karlssonar og nokkurra
fleiri Ísfirðinga. Sigurður og Rúnar eru báðir
vanir siglingum, fjalla- og skíðamennsku og
hafa starfað með björgunarsveitum í fjölda
ára. Sigurður er skipstjóri á Auroru.
Skútan er gerð út frá mars og fram í októ-
ber. Út maí er boðið upp á skíðaferðir í Jökul-
fjörðunum sem eru heimasvæði skútunnar
ásamt Hornströndum og Ísafjarðardjúpi.
„Viðri ekki vel færum við okkur bara milli
staða,“ segir Sigurður.
Færanlegur
fjallakofi
SKÚTAN AURORA, SEM ÁÐUR VAR Í EIGU HINS FRÆGA SIGLINGA-
KAPPA SIR ROBINS KNOX-JOHNSTONS, SIGLIR NÚ MEÐ GESTI UM
JÖKULFIRÐI, TIL GRÆNLANDS, JAN MAYEN OG VÍÐAR. AÐ SÖGN
SKIPSTJÓRANS, SIGURÐAR JÓNSSONAR, ER ÁHERSLAN EIGI AÐ SÍÐUR
EKKI Á SIGLINGUNA SEM SLÍKA, HELDUR ÚTIVIST ALMENNT.
Myndir: Árni Sæberg saeberg@mbl.is
Texti: Orri Páll Ormarsson orri@mbl.is