Morgunblaðið - 13.09.2013, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 13. SEPTEMBER 2013
Hólmfríður Gísladóttir
holmfridur@mbl.is
„Innst inni vonaði ég að þetta yrðu
2-3 milljónir, svo þegar nær dró
sagði Willum [Þór Þórsson] við
mig: „Siggi, þú átt örugglega eftir
að safna 5 milljónum.“ Og ég sagði
bara jæja, það yrði æðislegt. Þann-
ig að við stefndum á það. En þegar
upp var staðið voru þær 8 og ég var
bara virkilega glaður.“
Þetta segir Sigurður H. Hall-
varðsson, málarameistari og fót-
boltakappi, en hann afhenti Ljós-
inu, endurhæfingar- og
stuðningsmiðstöð fyrir fólk sem
hefur fengið krabbamein, styrkt-
arfé í gær, sem hann safnaði með
áheitagöngu frá Hveragerði og í
Ljósið á Langholtsvegi 30. ágúst
síðastliðinn.
Sigurður segist eiga Ljósinu
mikið að þakka en hann greindist
með krabbamein í heila fyrir um
tíu árum. „Það þyrftu allir að vita
hvernig starfsemi er þarna í hús-
inu. Og að það þurfi að vera ein-
hver rekstrarhalli á húsinu ár eftir
ár, að það fáist ekki nógu mikið
fjármagn í þetta, hvað ætlar fólk
að gera þegar Ljósið getur ekki
borið sig lengur?“ spyr hann.
Hann segist sækja Ljósið á
hverjum einasta degi, fá sér kaffi
og spjalla við fólk sem er á svip-
uðum stað í lífinu, eins og hann
orðar það. Þar er boðið upp á ráð-
gjöf, nudd, slökun og jóga, svo eitt-
hvað sé nefnt, og þar vinnur hæfi-
leikaríkt handverksfólk að verkum
sem seld verða á jólabasar mið-
stöðvarinnar.
Skömmu eftir að tvö æxli voru
fjarlægð úr höfði Sigurðar um síð-
ustu páska komu fjögur ný í ljós og
hann tók þá ákvörðun að afþakka
lyfjagjöf. „Þetta er bara svona. Nú
reyni ég bara að standa í báðar
lappir og meðan það gengur er það
frábært. Eftir aðgerð númer tvö
vissum við að þetta yrði það sem
myndi ganga frá mér og við verð-
um bara að lifa við það,“ segir hann
æðrulaus og það er stutt í kímnina.
„Ég gæti þess vegna verið
dauður á morgun en ég vona ekki,
því ég er að fara með Willum vini
mínum til Manchester í fyrra-
málið.“
Vonaði að sér tækist
að safna 2-3 milljónum
 Safnaði 8 milljónum fyrir Ljósið með áheitagöngu
Morgunblaðið/Rósa Braga
Söfnun Sigurður afhenti Ernu Magnúsdóttur, forstöðukonu Ljóssins, styrktarféð. Hann segist þess fullviss að
peningarnir verði nýttir til góðra og þarfra hluta og hvetur stjórnvöld til að styðja við starfsemi miðstöðvarinnar.
Afhenti Ljósinu rausnarlega gjöf
Morgunblaðið/Styrmir Kári
Göngugarpur Fjöldi fólks gekk
með Sigurði síðasta spölinn að
Ljósinu á Langholtsvegi.
Baldur Arnarson
baldura@mbl.is
Alls voru 1.522 konur á aldrinum frá
25-34 ára án vinnu í júlí síðastliðnum,
borið saman við 944 karla. Munaði
því ríflega 60% á kynjunum.
Atvinnulausar konur á þessum
aldri voru langfjölmennasti hópur
fólks án vinnu í júlí, sé heildarfjöld-
inn sundurgreindur eftir kyni og
aldri. Má til samanburðar nefna að
tæplega þrefalt færri konur á aldr-
inum frá 16-24 ára voru án vinnu í
júlímánuði eða alls 579.
Er fjöldi fólks án vinnu eftir aldri
og kyni sýndur á myndrænan hátt
hér til hliðar. Alls voru 6.874 manns
án vinnu að meðaltali í júlí og voru
þar af 5.087 á höfuðborgarsvæðinu.
Að meðaltali voru 2.815 konur á höf-
uðborgarsvæðinu án vinnu í júlí og
1.015 konur á landsbyggðinni.
Spurður hvað skýri að svo margar
ungar konur hafi verið án vinnu í júlí
segist Karl Sigurðsson, sérfræðing-
ur hjá Vinnumálastofnun, ekki hafa
neina augljósa skýringu á því.
Verkakonur fjölmennastar
Gögn Vinnumálastofnunar sýni að
flestar konur sem eru án vinnu á höf-
uðborgarsvæðinu séu skilgreindar
sem verkakonur, eða alls 583. Næst
komi flokkurinn ýmis þjónustustörf
en þar séu 567 konur án vinnu á
þessu þéttbýlasta svæði landsins. Til
samanburðar hafi 414 konur í
flokknum sérmenntað starfsfólk ver-
ið án vinnu í júlí og 261 kona sem
flokkuð var sem sérfræðingur.
Eins og Morgunblaðið hefur
greint frá hefur óskólagengnu fólki
fækkað hraðar á atvinnuleysisskrá
en háskólamenntuðum að undan-
förnu og hefur sú þróun verið tengd
við uppganginn í ferðaþjónustu.
Telur Karl aðspurður að eflaust
megi leiða að því líkur að fleiri tæki-
færi hafi skapast fyrir karla í þessari
grein, auk þess sem aukin umsvif í
byggingargeiranum fjölgi störfum
fyrir unga karla. Að öðru leyti kveðst
Karl ekki hafa tiltæk gögn sem sýni
hvers vegna svo margar ungar kon-
ur hafi verið án vinnu í júlí.
Sigurður Bessason, formaður Efl-
ingar, rifjar aðspurður upp að um
miðjan tíunda áratug síðustu aldar
hafi margar ungar konur átt erfitt
uppdráttar á vinnumarkaði. Í þeim
hópi hafi verið einstæðar mæður
sem höfðu lítið milli handanna.
Margar ungar konur eru án vinnu
 25-34 ára konur eru nú fjölmennasti hópur atvinnulausra
 Sérfræðingur kann enga skýringu á slæmri stöðu kvenna Atvinnulausir á landinu í júlí eftir aldri og kyni
Heimild: Vinnumálastofnun
16-24 ára
25-34 ára
35-44 ára
45-54 ára
55 ára +
0 400 800 1.200 1.600 2.000
Karlar Konur
518
579
944
1.522
634
841
428
614
594
610
Fé er nú flest komið af fjalli og
verður réttað víða um land um
helgina. Þeir sem ætla í réttir þurfa
að draga fram gúmmístígvélin og
regngallann því allt lítur út fyrir
vætusama helgi, sérstaklega sunn-
anlands og vestan.
Í Árnessýslu er réttað á tveimur
stöðum í dag. Hrunarétt í Hruna-
mannahrepp hefst klukkan tíu með
því að nýjar réttir verða vígðar af
presti. Þá er líka réttað í Skaft-
holtsrétt í Gnúpverjahreppi í dag,
þar var réttin nýlega endurhlaðin.
Á morgun, laugardaginn 14. sept-
ember, rétta Flóa- og Skeiðamenn í
Reykjaréttum á Skeiðum. Á sama
tíma fara fram Tungnaréttir í Bisk-
upstungum.
Á vefsíðunni bondi.is má sjá yf-
irlit yfir allar fjár- og stóðréttir á
landinu haustið 2013. Þar kemur
fram að í dag verður réttað í Stað-
arbakkarétt í Hörgárdal og í Stíflu-
rétt í Fljótum.
Á morgun fara fram í Skagafirði
Árhólaréttir í Unadal, Hofsrétt,
Deildardalsrétt, Holtsrétt og
Kleifnarétt í Fljótum. Þá verður
réttað í Árskógsrétt á Árskógs-
strönd. Hvalsárrétt fer fram í
Hrútafirði, Grafarrétt í Skaftár-
tungu, Reistárréttum og Þorvalds-
dalsrétt og Þórustaðarétt í Hörg-
ársveit. Höfuðborgarbúar geta farið
í réttir í Landnámi Ingólfs í Krísu-
víkurrétt við Suðurstrandarveg.
Á sunnudaginn 15. september
verður réttað á fimmtán stöðum á
landinu samkvæmt samantekt
bondi.is. Meðal annars í Brodda-
nesrétt í Strandabyggð, Gillastað-
arétt í Laxárdal og Hornsrétt í
Skorradal.
Betra að vera vel
búinn á stærstu
réttarhelgi ársins
Morgunblaðið/Sigurður Bogi
Safn Sauðfé verður víða rekið til
réttar og dregið í dilka um helgina.
 Sauðfé verður víða dregið í dilka
Bjarni Benediktsson, fjármála- og
efnahagsráðherra, mælti í gær fyr-
ir stjórnarfrumvarpi um skyldu-
tryggingu lífeyrisréttinda og starf-
semi lífeyrissjóða.
Með frumvarpinu er m.a. verið
að samræma hugtakanotkun um
endurskoðun við þá hugtakanotkun
sem notuð er á fjármálamarkaði.
Fái álit trúnaðarlæknis
Þá er lögð til sú breyting að
heimilt verði, að fengnu áliti trún-
aðarlæknis lífeyrissjóðs, að setja
það sem skilyrði fyrir greiðslu ör-
orkulífeyris að sjóðfélagi fari í
endurhæfingu sem geti bætt
heilsufar hans. Slíkt ákvæði er í
lögum um Lífeyrissjóð starfs-
manna ríkisins. Nú er því lagt til
að öðrum lífeyrissjóðum verði leyft
að byggja á sömu sjónarmiðum
varðandi skilyrði fyrir greiðslu ör-
orkulífeyris. Í því sambandi er sér-
staklega litið til laga um atvinnu-
tengda starfsendurhæfingu og
starfsemi starfsendurhæfing-
arsjóða gudni@mbl.is
Endurhæfing
skilyrði fyrir lífeyri
 Frumvarp um lífeyrissjóðina
Eitt lífeyriskerfi
» Stjórnvöld og aðilar vinnu-
markaðarins hafa á und-
anförnum misserum unnið að
tillögum um eitt lífeyriskerfi
fyrir alla landsmenn. Í frum-
varpinu er liðkað fyrir því.