Morgunblaðið - 13.09.2013, Side 19
FRÉTTIR 19Innlent
MORGUNBLAÐIÐ FÖSTUDAGUR 13. SEPTEMBER 2013
Borgarráð frestaði á fundi sínum í
gær að fjalla um umsókn Félags
múslima á Íslandi um lóð fyrir
mosku við Suðurlandsbraut 76 en
til vara við Suðurlandsbraut 72.
Þegar þetta lá fyrir lagði Þorleifur
Gunnlaugsson, borgarráðsfulltrúi
VG, fram bókun þar sem hann mót-
mælti frestuninni harðlega. „Borg-
arráðsfulltrúi VG bjó sig undir að
fagna því að borgarráð afhenti Fé-
lagi múslima á Íslandi byggingar-
lóð undir mosku í Reykjavík eins og
lagt var til. Þar með hefði lokið 14
ára bið sem hefur reynt á þolrif fé-
lagsmanna. Engin lóðaumsókn trú-
félags í Reykjavík hefur beðið jafn-
lengi og stofnanir á borð við
eftirlitsnefndir Evrópuráðsins
gegn kynþáttamisrétti og banda-
ríska utanríkisráðuneytið hafa lýst
áhyggjum sínum vegna málsins og
stjórnardeild lýðræðis-, mannrétt-
inda- og atvinnumála í Bandaríkj-
unum hefur leitt líkum að því að
þessi langi afgreiðslutími borgaryf-
irvalda stafi af fordómum gagnvart
múslimum,“ segir m.a. í bókuninni.
Langt væri síðan búddistar hefðu
fengið loforð um lóð við Rauðavatn,
rússneska rétttrúnaðarkirkjan um
lóð við Mýrargötu og ásatrúarmenn
í Öskjuhlíð. Þá hefði þjóðkirkjan
fengið gjaldfrjálsar lóðir eða lóðir
án kvaða um gatnagerðargjöld. Um
réttmæti þessa mætti deila en á
hinn bóginn mætti færa rök fyrir
því að trúfélögin fjögur njóti sömu
kjara.
Fulltrúar Besta flokksins og
Samfylkingarinnar bentu á móti á
að afgreiða ætti málið á næsta
fundi og ef óskað væri eftir frestun
mála í ráðinu væri orðið við því.
Morgunblaðið/Kristinn
Fasta Luis Arreaga, sendiherra Bandaríkjanna, bauð meðlimum í félögum
múslima á Íslandi til kvöldverðar við lok ramadan sumarið 2011.
Fresta umræðu
um mosku um viku
Bent á að málið hafi beðið í 14 ár
Heildarlaun félagsmanna í VR
hækkuðu um 6,9% á milli ára, það er
frá janúar 2012 til janúar 2013.
Grunnlaun hækkuðu um 7,5% á
sama tímabili. Kjarasamnings-
bundnar hækkanir námu 3,5% á
sama tíma. Launakönnun VR leiddi
þetta í ljós. Hækkunin er ívið meiri
en hækkun launavísitölu Hagstof-
unnar á sama tíma, að því er segir á
heimasíðu VR.
„Kaupmáttur heildarlauna jókst
um tæp 3% á sama tímabili, en fé-
lagsmenn í VR hafa sagst vilja leggja
höfuðáherslu á að efla kaupmátt
launa sinna. Launamunur kynjanna
helst óbreyttur milli ára og stendur í
9,4% en barátta VR fyrir jafnrétti
hefur skilað umtalsverðum árangri
til lengri tíma. Í upphafi árs var
kynnt ný leið, Jafnlaunavottun VR
sem ætluð er til að ná enn betri ár-
angri í þeirri baráttu,“ segir í frétt
VR. Þar er bent á að samkvæmt upp-
lýsingum á vef Hagstofunnar hækk-
aði launavísitalan um 5% frá janúar
2012 til janúar 2013. Vísitala neyslu-
verðs hækkaði um 4,2% á sama tíma
og jókst kaupmáttur heildarlauna fé-
lagsmanna VR því um 2,7% á tíma-
bilinu.
Launamunur kynjanna reyndist
vera óbreyttur á milli ára. Kynbund-
inn munur er 9,4% en munur á heild-
arlaunum 15,4%. „Til samanburðar
má nefna að munur á launum
kynjanna hjá hinu opinbera, eins og
fram kom í nýlegri könnun BSRB, er
27% þegar litið er til heildarlauna en
kynbundinn munur er 11,4%. Launa-
munurinn hefur dregist mikið saman
hjá VR á undanförnum árum, árið
2000 var kynbundinn munur 15,3%
en er eins og áður sagði nú 9,4%.
Munur á heildarlaunum var 20,4%
en er núna 15,4%.“
VR kynnti í upphafi þessa árs
Jafnlaunavottun VR en hún er tæki
fyrir atvinnurekendur til að tryggja
að konur og karlar fái sömu laun fyr-
ir sömu vinnu. Jafnlaunavottunin
byggist á viðurkenndri aðferðafræði
og samræmdum viðmiðum. Með
henni geta vinnuveitendur uppfyllt
skilyrði jafnlaunastaðals Staðlaráðs
Íslands. gudni@mbl.is
Heildarlaun VR-fólks
hækkuðu um 6,9%
Kaupmáttur heildarlauna jókst um tæp 3% á einu ári
Morgunblaðið/Árni Sæberg
VR Fullgildir félagsmenn VR eru hátt í 30 þúsund talsins. Margir þeirra
vinna við verslunarstörf og skrifstofustörf. Konur eru um 60% félagsmanna.
Launakönnun VR
» Grunnlaun félagsmanna VR
eru að meðaltali 473 þúsund á
mánuði en heildarlaun 507
þúsund að meðaltali.
» Vinnutími kvenna hefur
lengst eftir hrun en vinnutími
karla staðið í stað.
» Vinnuvikan er að meðaltali
43,5 klukkustundir, karlar
vinna 45,1 klukkustund. en
konur 42,1 klukkustund á viku.