Morgunblaðið - 13.09.2013, Qupperneq 27

FRÉTTIR 27Erlent
MORGUNBLAÐIÐ FÖSTUDAGUR 13. SEPTEMBER 2013
Íbúi Zamboanga-borgar í Mindanao á Filippseyjum
horfir á brennandi hús eftir hörð átök milli stjórnar-
hermanna og íslamskra upppreisnarmanna. Stjórnar-
herinn hóf nýja sókn gegn uppreisnarmönnum í borg-
inni í gær eftir átök sem hafa geisað í fjóra daga.
Uppreisnarmennirnir skutu sex menn til bana og tóku
a.m.k. 20 manns í gíslingu í borginni og þorpum í
grennd við hana á mánudaginn var. Þeir hófu skæru-
hernað til að reyna að hindra friðarviðræður milli
stjórnarinnar og Þjóðfrelsisfylkingar Moro (MNLF), en
markmiðið með viðræðunum er að binda enda á 42 ára
uppreisn sem hefur kostað 150.000 manns lífið. Upp-
reisnarmennirnir eru í hreyfingu sem klauf sig út úr
MNLF árið 1978 og berjast fyrir sjálfstæði Mindanao.
AFP
Reynt að hindra frið á Filippseyjum
Norski fjöldamorðinginn Anders
Behring Breivik hefur fengið heim-
ild til að taka kúrsa í stjórn-
málafræði við Óslóarháskóla, þrátt
fyrir að hann fái ekki að ljúka próf-
gráðu. Hann fær lánaðar þær náms-
bækur sem til þarf og verður ekki í
beinu sambandi við kennara skólans.
Ole Petter Ottersen, rektor
Óslóarháskóla, segir að allir borg-
arar hafi jafnan rétt á því að mennta
sig. „Þetta undirstrikar einfaldlega
hvað gildi okkar eru þveröfug við
hans,“ segir Ottersen í samtali við
BBC og bætir við að Breivik verði
ekki undir nokkrum kringum-
stæðum hleypt inn á lóð skólans.
Umsókn Breivik var í upphafi
hafnað þar sem skólayfirvöld sögðu
hann ekki uppfylla skilyrði til náms-
ins. Nú hefur honum verið heimilað
að leggja stund á ákveðna kúrsa.
Breivik var nýlega færður úr Ila-
fangelsinu í útjaðri Ósló, þar sem
hann hefur setið í einangrun, yfir í
Telemark-öryggisfangelsið í bænum
Skien. Norska ríkisútvarpið hefur
eftir fangelsisstjóranum Karl Gust-
av Knutsen að allir fangar í Tele-
mark hafi rétt á því að mennta sig.
„Þetta er engum vandkvæðum
bundið. Það sama gildir um hann og
aðra fanga, eini munurinn er sá að
hann verður að læra inni í klefanum
sínum. Það er að segja, hann verður
að læra einn,“ segir Knutsen.
una@mbl.is
Breivik
fær að
taka kúrsa
 Fær samt ekki að
ljúka prófgráðu
Fiskur
með fræði-
heitið
Psych-
rolutes
marcidus
(e. blob-
fish) hefur verið valinn ljótasta dýr
veraldar. Yfir 3.000 manns tóku
þátt í valinu sem fór fram á netinu
og fiskurinn fékk langflest atkvæði,
eða 795. Niðurstaðan var tilkynnt á
hátíð ungra vísindamanna í Bret-
landi.
Fiskurinn lifir á 900 metra dýpi í
Kyrrahafinu. Það er engin furða að
hann líti út fyrir að vera þungur á
brún því hann er talinn vera í út-
rýmingarhættu vegna aukinna
djúpsjávarveiða við Ástralíu og
Tasmaníu.
BRETLAND
Fiskur valinn ljót-
asta dýr veraldar
Kanadísk kona
var handtekin í
Kólumbíu með
kókaín í til-
búnum maga,
sem hún var
með framan á
sér til að láta
líta út fyrir að
hún væri ófrísk.
Þegar konan var á leið í gegn-
um tollskoðun spurði lögreglukona
hversu langt hún væri gengin
með. Konan brást reið við þessari
spurningu og það varð til þess að
lögreglan ákvað að skoða hana
betur.
KÓLUMBÍA
Faldi kókaín í
„óléttumaga“