Morgunblaðið - 30.10.2013, Page 4

4 FRÉTTIRInnlent
MORGUNBLAÐIÐ MIÐVIKUDAGUR 30. OKTÓBER 2013
Ný Polarolía
Nýtt útlit-meiri virkni
Selolía, einstök olía
Meiri virkni
fall Omega 3
fitusýrur
nir mælir með
lolíu, en þinn?
Gott fyrir:
Maga- og þarmastarfsemi
Hjarta og æðar
Ónæmiskerfið
Kolesterol
Liðina
Selolían fæst í:
Þín verslun Seljabraut,
úsum, Fjarðarkaupum,
ni, Hafrúnu og MelabúðSími 555 2992 og 698 7999
Nýtt!
D-vítamínbætt
t hlut
n læk
Se
pótekum,
heilsuh
Fiskbúðinni Trönuhrau
Hát
Min
a
Bókin Hemmi
Gunn – Sonur
þjóðar kemur út
18. nóvember.
Orri Páll Orm-
arsson, blaða-
maður á Morg-
unblaðinu, skráði
ævisögu Her-
manns Gunn-
arssonar, fjöl-
miðlamanns og
fyrrum íþróttamanns. Ritun hennar
var mjög langt komin þegar Her-
mann andaðist 4. júní síðastliðinn.
„Við höfum það mikla trú á bók-
inni að við látum prenta 10.000 ein-
tök í fyrstu prentun, sem ekki er
venjulega gert með ævisögur,“
sagði Jón Þór Eyþórsson, deild-
arstjóri bókadeildar Senu, sem gef-
ur bókina út. „Ég hef lesið hand-
ritið og lífshlaup Hemma var
ótrúlegt. Í bókinni er margt áhuga-
vert sem ekki hefur birst op-
inberlega áður og mun koma fólki á
óvart. Margir töldu sig þekkja
Hemma en eftir lesturinn munu
þeir sjá að þeir þekktu hann
kannski ekki eins vel og þeir héldu.
Þetta verður virkilega áhugaverð
lesning.“
Jón Þór sagði að Hermann segði
sögu sína í bókinni og léti allt
flakka í mjög einlægri frásögn.
Fjallað er um bernsku hans og ung-
lingsár, íþróttirnar, fjölmiðlastörfin
og einkalífið. Einnig er rætt við
nokkra af samferðamönnum hans á
lífsleiðinni.
Bókin verður tæplega 400 blað-
síður og í henni fjöldinn allur af
ljósmyndum frá fjölbreyttu lífs-
hlaupi Hermanns. Hún er alfarið
unnin hér á landi og prentuð hjá
Odda. gudni@mbl.is
Hemmi Gunn – Sonur þjóðar
 Ævisaga Hemma Gunn kemur út 18. nóvember  Einlæg
frásögn og allt látið flakka  Prentuð í 10.000 eintökum
Orri Páll
Ormarsson
Forsíða Ævisaga Hemma Gunn.
Björn Már Ólafsson
bmo@mbl.is
Frumvarp að fjárhagsáætlun
Reykjavíkurborgar fyrir árið 2014
var lagt fram í borgarstjórn Reykja-
víkur í gær. Samhliða því var lögð
fram fjárfestingaáætlun borgarinnar
fyrir næstu fimm árin. Í fjárhags-
áætluninni er gert ráð fyrir að
rekstrarniðurstaða A- og B-hluta
borgarsjóðs verði jákvæð um 8,4
milljarða króna en árið 2013 var hall-
inn um 2,5 milljarðar króna. Gert er
ráð fyrir að A-hluti borgarsjóðs, sem
heldur utan um hinn eiginlega rekst-
ur borgarinnar, skili afgangi upp á
495 milljónir árið 2014. Eiginfjárhlut-
fall samstæðunnar styrkist um rúm
2% á milli ára og skuldsetningarhlut-
fallið fari úr 179% í 161%.
Skólabyggingum haldið við
Stærstu viðbæturnar í fjárhags-
áætluninni eru viðbætur á skóla- og
frístundasviði, sem eru stærstu fag-
svið borgarinnar. Í fjárfestingaáætl-
un borgarinnar er meðal annars gert
ráð fyrir framkvæmdum við nýja úti-
sundlaug við Sundhöll Reykjavíkur
auk framkvæmda við uppbyggingu á
íþróttasvæði Fram í Úlfarársdal. Þá
verður gengið í átak í viðhaldi á
skólabyggingum í Reykjavík en 800
milljónum verður varið í það verkefni
árið 2014. Ráðist verður í viðbygg-
ingu og breytingar við Klettaskóla og
150 milljónum varið til þeirrar fram-
kvæmdar á næsta ári, en alls er gert
ráð fyrir að framkvæmdir við skól-
ann muni kosta rúma 1,6 milljarða á
fimm ára tímabili. Af öðrum fram-
kvæmdum má nefna að gert er ráð
fyrir 350 milljónum króna á ári í gerð
nýrra hjólastíga auk viðhalds á eldri
stígum.
Gjaldskrárhækkanir á dagskrá
Í fjárhagsáætluninni er gert ráð
fyrir að gjaldskrár Reykjavíkurborg-
ar hækki um á bilinu 3,4% til 5,7%.
Frístundagjald og leikskólagjöld
hækka um 5,7% á næsta ári en fæð-
isgjald í leik- og grunnskólum um
9,5%. Hækkunin á fæðisgjaldinu er
sögð tilkomin vegna þess að til stend-
ur að auka gæði skólamáltíðanna.
Áhersla á skuldaniðurgreiðslu
Í fimm ára áætlun borgarinnar
fyrir samstæðuna er gert ráð fyrir
töluverðri niðurgreiðslu skulda.
Áætlað er að afkoma A-hluta borg-
arsjóðs muni styrkjast jafnt og þétt á
næstu fimm árum, og batna um 4,2
milljarða króna á tímabilinu. Gert er
ráð fyrir áframhaldandi niður-
greiðslu á langtímaskuldum Orku-
veitu Reykjavíkur. Vegna þeirrar
niðurgreiðslu sé fyrirséð að fjár-
magnsgjöld lækki á tímabilinu. Gert
er ráð fyrir að afborganir langtíma-
lána á tímabilinu nemi um 108 millj-
örðum.
Morgunblaðið/Kristinn
Fjárhagsáætlun Jón Gnarr mælir hér fyrir fjárhagsáætlun Reykjavíkurborgar fyrir árið 2014. Fyrsta umræða um áætlunina fór fram í gær.
Ætla að greiða skuldir
 Meirihlutinn segist leggja áherslu á greiðslu skulda í fjárhagsáætlun sinni
 Gjaldskrárhækkanir verða meðal annars á leikskóla- og frístundagjöldum
Morgunblaðið/Kristinn
Ósammála Meiri- og minnihluta borgarstjórnar Reykjavíkur greinir meðal
annars á um það hver árangur meirihlutans sé í fjármálum borgarinnar.
„Það er ágætis-
jafnvægi í rekstri
borgarinnar eins
og er. A-hluti
borgarsjóðs er í
mjög traustum
rekstri. Sveifl-
urnar í borg-
arsjóði eru fyrst
og fremst hjá
Orkuveitu
Reykjavíkur. Við
sjáum það til dæmis á Orkuveitunni
að það getur munað milljörðum á
milli ára, því við erum háð gengi, ál-
verði og verðbólgu,“ segir Sigurður
Björn Blöndal, aðstoðarmaður borg-
arstjóra. Hann segir markmiðið við
gerð fjárhagsáætlunarinnar fyrst og
fremst hafa verið að halda uppi góðu
þjónustustigi og það hafi gengið vel
hingað til. „Við erum að bæta svolít-
ið inn í skóla- og frístundamálin. Við
bætum örlítið meira í velferðarmálin
en aðra þætti. Við teljum þessa áætl-
un raunsæislega eins og annað sem
við höfum gert á meðan við höfum
verið við stjórn hérna,“ segir Sig-
urður.
OR getur
valdið
sveiflum
 Bæta í velferðar-
mál borgarinnar
Sigurður Björn
Blöndal
„Það er mikið
áhyggjuefni að
hreinar skuldir
borgarsjóðs
vegna A-hluta
hafa aukist um 26
milljarða króna,
eða um 115% á
kjörtímabilinu,“
segir Júlíus Vífill
Ingvarsson, odd-
viti Sjálfstæð-
isflokksins í Reykjavík. „Á hverjum
klukkutíma undir núverandi meiri-
hluta hafa skuldir í borginni aukist
um 750 þúsund krónur,“ bætir Júl-
íus við. Hann gagnrýnir einnig fyr-
irhugaðar gjaldskrárhækkanir og
bendir á að þær hafi þegar verið
miklar á kjörtímabilinu. „Ég hef síð-
an efasemdir um að þessi fjárhags-
áætlun gangi eftir. Þrátt að tekjur á
kjörtímabilinu hafi verið 13 millj-
örðum umfram áætlanir hefur meiri-
hlutinn áfram hlaðið skuldum inn í
borgarsjóð,“ segir Júlíus.
Skuldaaukn-
ing mikið
áhyggjuefni
Júlíus Vífill
Ingvarsson