Morgunblaðið - 30.10.2013, Blaðsíða 38

38 MENNING
MORGUNBLAÐIÐ MIÐVIKUDAGUR 30. OKTÓBER 2013
Vertu vinur okkar á facebook
www.facebook.com/weledaísland
Weleda birkisafinn er bragðgóður drykkur sem örvar vatnslosun og styður við náttúrulega út-
hreinsun líkamans, birkisafinn léttir á líkamanum, losar bjúg og byggir hann upp. Það er mikilvægt
fyrir líkamalega vellíðan. Í samhljómi við mann og náttúru. Lesið meira um lífrænar vörur á weleda.is
Útsölustaðir Weleda eru apótek og heilsuverslanir um allt land.
Vilt þú létta á líkamanum?
Weleda Birkisafinn hjálpar!
Tvöhundruð titlar eru á bókauppboði
Antikvariat sem hafið er á vefnum Upp-
bod.is í samvinnu við Gallerí Fold. Er
þetta viðamesta uppboð sem þessir sam-
starfsaðilar hafa staðið að en því lýkur
24. nóvember næstkomandi.
Elsta og fágætasta bókin kom út árið
1695 og er skrifuð af Árna Magnússyni
handritasafnara, Incerti Auctoris. Chro-
nica Danorum, & præcipuè Sialandiæ …
Ber bókin bókmerki Eyvinds Finsens en
hún er metin á 350.000 kr.
Meðal annarra bóka má nefna gott úr-
val rímna sem sjaldan rekur á fjörur
bókamanna; hina sjaldgæfu Kvæði I „ept-
ir Benedict Gröndal“; Nokkrir smákveð-
língar eftir Sigurð Breiðfjörð, og Kvæði,
fyrstu ljóðabók Snorra Hjartarsonar. Þá
má einnig nefna Blóð og vín eftir
Vilhjálm frá Skáholti.
Fágæti Árna Magnússonar boðið upp
Titilsíða bók Árna Magn-
ússonar frá árinu 1695.
Kvikmynd Benedikts Erlingssonar, Hross í oss, er á
flugskeiði um þessar mundir; á kvikmyndahátíðinni
í Lübeck nú í vikulokin verður hún bæði opn-
unarmynd og tekur þátt í aðalkeppni hátíðarinnar.
Þetta er eina kvikmyndahátíðin sem helguð er
kvikmyndum frá Norðurlöndum, Eystrasalts-
löndum og Þýskalandi. Aðrar íslenskar myndir sem
verða sýndar eru Málmhaus eftir Ragnar Bragason,
Falskur fugl eftir Þór Ómar Jónsson og stutt-
myndin Hvalfjörður, barnamyndin Heilabrotinn, og
heimildarmyndirnar Hrafnhildur, Aska og Hvellur.
Kvikmyndahátíðin í Lübeck hefur verið haldin
frá árinu 1956 og er með langlífustu hátíðum sinnar tegundar. Auk hinna
hefðbundnu keppnismynda er sérstök dagskrá helguð myndum fyrir börn
og ungmenni og einnig er rýnt í framlag valinna persóna í kvikmyndasög-
unni. Meðal leikstjóra sem hafa fyrst vakið athygli í Lübeck má nefna Bille
August, Lasse Hallström, Aki Kaurismäki og Friðrik Þór Friðriksson.
Íslenskar kvikmyndir keppa í Lübeck
Keppir Hross í oss er
víða sýnd á hátíðum.
Sýning á ljósmyndum eftir Jóhann Ágúst Han-
sen opnar á Mokka kaffi við Skólavörðustíg í
dag, miðvikudag, kl. 17. Þar gefur að líta röð
af myndum sem teknar voru á tónleikum Syk-
urmolanna á Hótel Íslandi í mars 1988.
Tónleikana kölluðu Sykurmolarnir „Dýrðin
kvödd“ og vísaði heitið til þess að skemmti-
krafturinn og klæðskiptinginn sem þekktur
var sem Divine hafði látist tveimur vikum fyrr.
Tónleikarnir hófust á dragsýningu þar sem
framkoma Sigtryggs Baldurssonar vakti athygli. Auk Sykurmolanna komu
Bleiku bastarnir og Sogblettir fram.
Myndröð Jóhanns af Sykurmolunum
Björk Ein myndanna sem Jó-
hann Á. Hansen tók árið 1988.
Silja Björk Huldudóttir
silja@mbl.is
Hann nefnist ný nóvella eftir Börk
Gunnarsson sem Bókafélagið sendir
frá sér um miðjan næsta mánuð.
Bókin fjallar um „fjölskylduföður
sem þrælar frá morgni til miðnættis
en finnst hann ekki vera í nógu góð-
um tilfinningalegum tengslum við
konu sína og dóttur. Eiginkonan er
full kappsöm við framhjáhaldið og
dóttirin lítur frekar á hann sem
stórt seðlaveski. Hann ákveður að
bæta úr þessu með það að mark-
miði að fjölskyldan geti verið sam-
einuð og hamingjusöm. En þau
skref sem hann tekur hafa óvæntar
afleiðingar.“
Nætur(b)rölt nefnist fyrsta bók
Sigrúnar Guðmundsdóttur. Bókin
samanstendur af örsögum og hug-
renningum sem saman mynda eina
sögu. Lesendur fylgja „sögupersón-
unni á flakki um borgina og á milli
hugarheima ólíkra persóna sem á
ákveðinn hátt tengjast. Sagan á sér
stað yfir eina nótt en tíminn er þó
afstæður,“ segir m.a. í tilkynningu
frá bókaútgáfunni.
Stuðbók Sveppa nefnist ný bók
eftir Sverri Þór Sverrisson. „Hér
eru uppáhaldsleikir Sveppa, hug-
myndir að alls kyns tómstundum og
dægradvöl. Frjótt hugmyndaflug
Sveppa nýtur sín til fulls í þessari
bók.“
Rússnesk örlög hjá Ayan Rand
Af öðrum skáldverkum sem
væntanleg eru fyrir jólin frá Bóka-
félaginu má nefna Kíra Argúnova
eftir Ayn Rand. „Kíra Argúnova er
saga um örlög á umrótstímum þar
sem lífið sjálft er að veði. Raunsönn
lýsing á rússneskum örlögum. Ayn
Rand er einn vinsælasti skáld-
sagnahöfundur allra tíma, en alls
hafa selst 30 milljónir eintaka af
bókum hennar um heim allan. Þessi
saga kemst að sögn Rands næst því
allra verka hennar að vera sjálfs-
ævisöguleg,“ segir í tilkynningu, en
þar kemur fram að Ásgeir Jóhann-
esson, heimspekingur og lögfræð-
ingur, skrifar eftirmála um Rand,
ævi hennar og verk.
Hann er
væntanlegur
Sverrir Þór
Sverrisson
Börkur
Gunnarsson
 Ný bók frá
Sveppa á útgáfu-
lista Bókafélagsins
Silja Björk Huldudóttir
silja@mbl.is
„Verkið er fyndið í sjálfu sér, en við
erum ekkert að reyna að gera út á
það. Þarna er bæði grín og alvara,“
segir Ólafía Hrönn Jónsdóttir. Hún
leikur annað tveggja hlutverka í
leikritinu Pollock? eftir Stephen
Sachs í leikstjórn Hilmis Snæs
Guðnasonar sem frumsýnt verður í
Kassanum í Þjóðleikhúsinu í kvöld.
Ólafía Hrönn fer með hlutverk
Maude Gutman. „Þetta er fimmtug
kona sem hefur búið í hjólhýsi í 33
ár. Hún hefur átt frekar leiðinlegt
líf, þó hún sé alveg brött. Hún er
mjög hrein og bein – og með munn-
inn fyrir neðan nefið,“ segir Ólafía
Hrönn, en þegar leikritið hefst hef-
ur Maude keypt risastórt málverk
til að stríða vinkonu sinni, en sú vill
ekkert hafa með það að gera. Þegar
grunur vaknar um að verkið geti
verið eftir sjálfan Jackson Pollock
birtist Lionel Percy, leikinn af
Pálma Gestssyni, í hjólhýsinu til að
meta hvort verkið sé ekta. Í fram-
haldinu spinnast miklar umræður
um listina, lífið, hvað sé ekta og hvað
svikið.
Að sögn Ólafíu Hrannar byggir
leikritið á sannsögulegum atburð-
um, sem m.a. er fjallað um í
heimildarmyndinni Who the #$&%
is Jackson Pollock? frá árinu 2006.
Spurð hvort Teri Horton, sem
Maude í leikritinu byggir á, hafi ver-
ið sér fyrirmynd svarar Ólafía
Hrönn því neitandi, „Við horfðum á
myndina mjög snemma á æf-
ingaferlinu, en síðan hef ég bless-
unarlega gleymt mestu um hana og
nálgast hlutverkið á mínum eigin
forsendum.“
Málar sjálf í frístundum
Spurð um samstarfið við leikstjór-
ann ber hún Hilmi Snæ vel söguna.
„Við höfum þekkst lengi, en hann
leikstýrði mér fyrst í fyrra í djass-
prógrammi sem ég var með í Þjóð-
leikhúskjallaranum sem hét Ástin.
Það er afskaplega ljúft að vinna með
honum. Hann er skynsamur og ró-
legur leikstjóri,“ segir Ólafía Hrönn
og tekur fram að Hilmir Snær tali
leikaramál enda sjálfur leik-
aramenntaður. „Hann talar t.d. um
orku og hvers konar blæbrigði eigi
að vera á leiknum. Einnig spáir
hann mikið í það hversu nálægt við
leikararnir tökum persónur okkar.“
Aðspurð segist Ólafía Hrönn sjálf
hafa mikinn áhuga á myndlist og
hefur frá unglingsaldri málað í frí-
stundum. „Hefði ég ekki orðið leik-
kona var draumurinn að verða
myndlistarmaður, gullsmiður eða
sálfræðingur,“ segir Ólafía Hrönn
sem sýndi málverk sín seinast á
samsýningu í Biskupstungum í
fyrra. „Undanfarið hef ég verið að
mála fiskikonu, þ.e. fisk sem er
kona,“ segir Ólafía Hrönn og bendir
á að myndir hennar séu yfirleitt
mannhæðarháar og jafnvel hærri.
Spurð hvort hún heillist af mál-
verkum Pollock svarar Ólafía Hrönn
því játandi. „Mér finnst verkin hans
alveg meiri háttar. Hann var nátt-
úrlega rosalega spes málari og
skrautlegur karakter, sem eykur
eðlilega áhuga almennings.“
Ljósmynd/Eddi
Rökræður Ólafía Hrönn Jónsdóttir og Pálmi Gestsson fara með hlutverk málverkaeigandans og listfræðingsins.
„Hún er með munninn
fyrir neðan nefið“
 Þjóðleikhúsið frumsýnir Pollock? í Kassanum í kvöld