Morgunblaðið - 30.10.2013, Qupperneq 23

FRÉTTIR 23Erlent
MORGUNBLAÐIÐ MIÐVIKUDAGUR 30. OKTÓBER 2013
Fátækir Indverjar kaupa niðurgreidda lauka sem góðgerðafélag dreifði í
borginni Kolkata (áður Kalkútta). Verð á laukum hefur hækkað mjög á
Indlandi á síðustu mánuðum, sums staðar allt að fjórfaldast. Laukar eru
mjög mikilvægir í indverskri matargerð en orðnir svo dýrir að fátækir Ind-
verjar hafa ekki lengur efni á þeim.
AFP
Laukurinn orðinn lúxusvara
Þúsundum Sýrlendinga var leyft
að flýja frá bæ í nágrenni höfuð-
borgarinnar Damaskus í gær eftir
að hafa verið innikróaðir þar mán-
uðum saman vegna umsáturs
stjórnarhers Sýrlands. Mikill mat-
vælaskortur er í bænum og óttast
var að íbúarnir yrðu hungurmorða
fengju þeir ekki að fara þaðan.
Fréttaritari breska ríkis-
útvarpsins, sem var á staðnum,
sagði að svo virtist sem hermenn
stjórnarinnar hefðu létt umsátr-
inu.
Íbúar bæjarins Muadhamiya
höfðu verið innikróaðir frá því í
mars eftir að uppreisnarmenn
náðu honum á sitt vald. Hann er á
meðal að minnsta kosti þriggja út-
hverfa eða bæja í grennd við Da-
maskus sem stjórnarherinn hefur
setið um síðustu mánuði.
„Borðuðum lauf og gras“
Áður en fólkinu var leyft að
forða sér hafði stjórnarherinn sagt
að umsátrinu yrði ekki aflétt nema
uppreisnarmennirnir gæfust upp,
jafnvel þótt það leiddi til hungurs-
neyðar. Uppreisnarmenn hafa sak-
að stjórnarherinn um að reyna að
svelta íbúana til uppgjafar.
Ástandið er orðið svo slæmt
vegna umsátursins að klerkar
múslíma gáfu fyrr í mánuðinum út
trúarlegan úrskurð um að íbúarnir
mættu neyta katta-, hunda- og
asnakjöts til að lifa af. Samkvæmt
íslömskum lögum mega múslímar
ekki borða þessi dýr nema í neyð.
Alþjóðleg hjálparsamtök höfðu
mánuðum saman hvatt til þess að
umsátrinu yrði aflétt til að hægt
yrði að koma fólkinu til bjargar.
„Við sáum ekki brauð í níu mán-
uði. Við borðuðum lauf og gras,“
hefur breska ríkisútvarpið eftir
konu sem komst frá Muadhamiya í
gær.
„Við erum öll veik,“ sagði ung
stúlka á meðal flóttafólksins.
Að sögn fréttaritara BBC eru
margir flóttamannanna mjög illa á
sig komnir vegna umsátursins.
Sveltandi íbúar losnuðu úr umsátri
 Höfðu verið innikróaðir mánuðum
saman vegna umsáturs Sýrlandshers
AFP
Flúðu umsátur Nunna og starfsmaður Rauða hálfmánans meðal flóttamanna frá Muadhamiya eftir að þeir fengu að
forða sér frá bænum. Mikill matvælaskortur er í bænum vegna umsáturs stjórnarhers Sýrlands frá því í mars.
Opið alla virka daga
08:00-17:00
Sendum um allt land
-VOTTUÐ FRAMLEIÐSLA
Smiðjuvegi 7 - 200 Kópavogi - Sími: 54 54 300 www.ispan.is - ispan@ispan.is
Sérhæfum
okkur í gleri
og speglum
Síðan 1969
Dansari við Bolsjoi-ballettinn í
Moskvu segist saklaus af því að hafa
staðið fyrir sýruárás á listrænan
stjórnanda ballettsins, Sergei Filin.
„Ég skil ekki kjarna ákærunnar.
Ég játa ekki sekt mína að fullu,“
sagði dansarinn Pavel Dmitrisjenko
í dómhúsinu í Moskvu í gær.
Árásarmaður skvetti sýru á Filin
fyrir utan heimili hans í janúar. Filin
fékk alvarleg brunasár, m.a. í andliti
og á augum. Lögreglan telur að
Dmitrisjenko hafi staðið fyrir árás-
inni á Filin. Málið hefur vakið mikla
athygli um allan heim og dregið
fram í dagsljósið þá miskunnarlausu
samkeppni sem er meðal dansara
Bolsjoi-ballettsins.
Samkvæmt ákærunni bað Dmitr-
isjenko atvinnulausan, fyrrverandi
fanga, Yury Zarutsky, um að gera
sýruárásina. Dansarinn segist þó að-
eins hafa beðið Zarutsky að berja
Filin. Lögmaður Dmitrisjenkos seg-
ir hann því ekki játa árásina eins og
hún er sett fram í ákærunni.
Dansarinn var beðinn að fara í lyga-
mælipróf en hafnaði því. „Ég vil ekki
að örlög mín ráðist af niðurstöðu vél-
ar,“ sagði hann.
Bað um barsmíðar
en ekki sýruárás
AFP
Fyrir rétti Rússneski ballettdansarinn Pavel Dmitrisjenko í dómhúsinu í
Moskvu í gær þegar hann kvaðst saklaus af ákæru um sýruárás.
 Dansari við Bolsjoi neitar sök
Búlgörsk yfirvöld ætla að óska eftir
því við Grikki að María, stúlkubarn-
ið sem fannst í búðum sígauna í
Grikklandi fyrr í mánuðinum, verði
framseld til Búlgaríu en blóðfor-
eldrar hennar eru búlgarskir.
María, sem er fjögurra ára göm-
ul, vakti heimsathygli fyrr í mán-
uðinum þegar hún fannst á heimili
sígaunahjóna í gríska þorpinu Far-
sala. DNA-rannsókn leiddi í ljós að
hún er ekki dóttir hjónanna eins og
þau höfðu haldið fram. Önnur
DNA-rannsókn staðfesti að önnur
sígaunahjón eru blóðforeldrar
stúlkunnar. Þau búa í Búlgaríu en
barnið fæddist í Grikklandi þegar
þau dvöldu þar um tíma. Móðir
stúlkunnar segist hafa neyðst til að
gefa hana vegna fátæktar.
BÚLGARÍA
Blóðforeldrarnir
vilja fá Maríu