Morgunblaðið - 30.10.2013, Side 6

6 FRÉTTIRInnlent
MORGUNBLAÐIÐ MIÐVIKUDAGUR 30. OKTÓBER 2013
Rúnar Pálmason
runarp@mbl.is
Gunnsteinn Ólafsson, einn af forsvarsmönnum Hraunavina,
segir að á meðan dómsmál vegna nýs Álftanesvegar séu enn í
gangi muni baráttan gegn framkvæmdum í Garðahrauni/
Gálgahrauni halda áfram. Aðspurður segir hann að vissulega sé
hópurinn sem standi að mótmælunum orðinn lúinn. „En það er
samt baráttuandi í hópnum,“ segir hann. „Við erum á staðnum
og fylgjumst með því hvernig framkvæmdinni vindur fram. Við
lofum því ekki að við stöndum bara hjá sem áhorfendur. Við
eigum eftir að láta í okkur heyrast, þótt síðar verði.“
Gunnsteinn ítrekar að hópurinn hafi hvergi komið nálægt
skemmdarverkum sem voru unnin á vinnuvélum ÍAV á staðn-
um aðfaranótt mánudags. Skemmdarverkin séu þvert á móti til
þess fallin að spilla fyrir málstað þeirra sem vilji verja hraunið.
Gunnsteinn átelur Vegagerðina fyrir að hafa lýst því yfir í
greinargerð frá því í maí sl. að Ófeigskirkja, sem er klettur í
hrauninu, Grænhóll og garðar við Garðastekk muni ekki fara
undir veginn. Nú stefni í að allir þessir staðir fari undir veginn.
Samkvæmt upplýsingum frá Vegagerðinni sleppa garðarnir
við Garðastekk og Grænhóll, en hóllinn sé reyndar alveg upp
við skeringu í veginum. Kletturinn sem nefndur sé Ófeigskirkja
fari á hinn bóginn undir veginn.
Í greinargerð Vegagerðarinnar og Garðabæjar frá því í maí
2013 segir á einum stað að Ófeigskirkja fari ekki undir veginn.
Á öðrum stað er á hinn bóginn tekið fram að eftir því sem næst
verði komist sé allsendis óvíst hvar Ófeigskirkju sé að finna.
Heimildum beri ekki saman og fræðimenn hafi leitt að því líkur
að hún hafi farið undir núverandi veg. „Ófeigskirkja verður því
trauðla notuð sem rök eða vissa í málinu,“ segir þar.
Reiknað er með að gerð nýs Álftanesvegar muni alls kosta
1,1 milljarð króna, þ.e. sá áfangi sem ÍAV vinnur nú að og þær
framkvæmdir sem þegar er lokið, auk hönnunarvinnu.
Í umhverfismati er gert ráð fyrir að vegurinn verði síðar tvö-
faldaður á kafla, þ.e. frá Engidal að gatnamótum við fram-
lengdan Vífilsstaðaveg en þau gatnamót yrðu nokkru ofar en
vélarnar sem sjást á myndinni. Bæjarstjórn Garðabæjar hefur
reyndar vakið máls á því að hætt verði við framlenginguna.
Morgunblaðið/RAX
Byggingaland Hér sést veglínan sem jarðýta markaði í hraunið í síðustu viku. Hraunið sem er fyrir sunnan nýja Álftanesveginn er í aðalskipulagi Garðabæjar allt skilgreint sem íbúðasvæði.
Enn er baráttuandi í hraunavinum
 Íbúðasvæði sunnan við nýja veginn  Framkvæmdir við veginn nú kosta um 800 milljónir
Sími 412 2500 - sala@murbudin.is - www.murbudin.is
Alvöru
IÐNAÐARRYKSUGUR
Kletthálsi Reykjavík
Reykjanesbæ
Akureyri
Vestmannaeyjum
frá Pullman Ermator
Áratuga reynsla á Íslandi!
Made inSweden
Viðar Guðjónsson
vidar@mbl.is
Guðlaugur Þór Þórðarson, þingmað-
ur Sjálfstæðisflokks, tók við embætti
forseta þingmannanefndar EES á
fundi nefndarinnar í Vaduz í Liecht-
enstein í gær. Guðlaugur mun gegna
embættinu fram í mars. Að frum-
kvæði Guðlaugs Þórs var ákveðið að
stefna að því að hafa beina útsend-
ingu á netinu af fundum þingmanna-
nefndarinnar í framtíðinni til að auka
gagnsæi og aðgang almennings að
upplýsingum um EES-mál. „Það
skiptir máli að fólk sé meðvitað um
samstarfið og hvað við erum að gera.
Með þessu móti komast málefni
nefndarinnar beint til almennings frá
fyrstu hendi,“ segir Guðlaugur. Hann
segir að meðal annarra hafi fulltrúi
atvinnurekenda í Sviss kynnt sjónar-
mið samtakanna varðandi ástandið í
Evrópu og frí-
verslun í heimin-
um. „Þarna komu
til að mynda fram
miklar áhyggjur
svissneskra at-
vinnurekenda af
stöðunni í Evr-
ópu. Þeir hafa
bent á að það
þurfi að efla sam-
keppnishæfni
Evrópuþjóðanna og það sé áhyggju-
efni hve mikið skrifræði hafi aukist í
ESB og þar af leiðandi á EES-svæð-
inu. Fyrir vikið horfa fyrirtæki í Sviss
fyrst og fremst til annarra svæða en
Evrópu þegar kemur að auknum út-
flutningi,“ segir Guðlaugur. Þing-
mannanefnd EES er skipuð þing-
mönnum Evrópuþingsins og þjóð-
þinga EES/EFTA-ríkjanna, sem eru
Liechtenstein, Noregur og Ísland.
Hlutverk nefndarinnar er að fylgjast
með framkvæmd og þróun EES-
samningsins.
Á fundi nefndarinnar í gær var
m.a. fjallað um málefni norðurslóða,
borgararéttindi innan ESB og EES
og loftslags- og orkumál. Guðlaugur
segir að ESB-umsókn Íslendinga hafi
ekki komið til umræðu í nefndinni.
„Hins vegar var ég spurður af sjón-
varpsstöð í Liechtenstein hver staða
Íslands væri í umsóknarferlinu. Ég
útskýrði stöðu íslenskra stjórnvalda í
málinu og hún kom þeim nokkuð á
óvart þar sem þeir höfðu fengið þær
upplýsingar að Íslendingar væru við
það að ganga í sambandið. Það er því
augljóst að umræðan í EES-löndun-
um, sem aðildarsinnar vilja koma á
framfæri, er sú að viðkomandi þjóð
eigi að ganga í ESB svo þjóðin verði
ekki sú eina sem er eftir í EES,“ segir
Guðlaugur.
Guðlaugur í forsæti í
EES-þingmannanefnd
 Staða Íslands í umsóknarferlinu kom sjónvarpsspyrlum á óvart
Guðlaugur Þór
Þórðarson