Morgunblaðið - 23.11.2013, Blaðsíða 33

áhuga kvenna í Kópavogi og ná-
grenni að fá heilsulindina í nær-
umhverfið.
Heilsubar fyrir bæði kyn
Á nýja staðnum verður karl-
mönnum í fyrsta sinn boðið inn í
helgidóminn en þó ekki lengra en
inn í anddyri, þar sem til stendur
að opna heilsubar. Þar verður boð-
ið upp á heilsudrykki og létta rétti.
„Húsnæðið er öðruvísi að því
leyti að þarna verður allt á einni
hæð. Þetta er þannig í dag að við
erum á tveimur hæðum og það er
mikið um ranghala, þannig að
þetta er hálfgert völundarhús,“
segir Linda um Brautarholtið.
Það eru ASK arkitektar sem
sjá um hönnunina á nýja rýminu
en Guðlaug Jónsdóttir, arkitekt í
Los Angeles, hannar útlitið.
„Við flytjum notalegu stemn-
inguna með okkur en útlit stað-
arins verður glæsilegt í alla staði.
Það verður mikið í bronslitum og
dökkbrúnum og kremuðum og
mikill glamúr í allri hönnun,“ segir
Linda. Eitt helsta
sérkenni staðarins
verður torg þar
sem reistur verður
bronslitur skúlptúr
í anda Chanel-
rósarinnar, 3-4
metrar að ummáli,
en inni í rósinni
verður logandi ar-
inn.
Engin afsökun
lengur
Á nýja staðnum
verða þrír æf-
ingasalir og einn
tækjasalur en
tækjabúnaður Bað-
hússins var end-
urnýjaður fyrr á
árinu. „Við erum
með glænýjan sal
frá Technogym,
sem eru ítölsk tæki og nýjungin er
m.a. sú að í upphitunarlínunni er
skjár í hverju tæki og þú getur
tengst netinu, farið á Facebook og
Twitter t.d., auk þess að getað
hlustað á útvarpið og valið úr fullt
af sjónvarpsstöðvum. Þannig að nú
er engin afsökun lengur fyrir að
fara ekki í ræktina,“ segir Linda
og hlær.
Hún segir hvers kyns jóga-
tíma njóta sívaxandi vinsælda og á
nýja staðnum verði boðið upp á
einkatíma í jóga og tíma í hug-
leiðslu. „Við tökum andlegu rækt-
ina inn í þetta líka, sinnum bæði
líkamanum og sálinni. Við höfum
alltaf verið á þeirri línu og munum
fara lengra í þá áttina,“ segir
Linda. Snyrti- og nuddstofan verð-
ur á sínum stað og guðdómlegt
spa, eins og Linda kemst að orði.
Hún segist hlakka til að taka á
móti gömlum og nýjum við-
skiptavinum í Kópavogi, þegar
Baðhúsið verður opnað þar í byrj-
un janúar, og býður allar konur
velkomnar.
Rós Líkan af bronsrósinni er til sýnis í Baðhúsinu.
33
MORGUNBLAÐIÐ LAUGARDAGUR 23. NÓVEMBER 2013
Kjartan Kjartansson
kjartan@mbl.is
„Fólkið okkar fer út um allan heim og hefur náð
árangri bæði þar og heima,“ segir Baldur Sæ-
mundsson, áfangastjóri verknámsgreina í Hótel- og
matvælaskólanum í Menntaskólanum í Kópavogi.
Það er eini staðurinn á landinu þar sem hægt er að
læra matreiðslu, hvort sem fólk ætlar að gerast
skipskokkar eða Michelin-stjörnumatreiðslumeist-
arar.
Baldur segir námið byggjast upp á grunn-
þáttum matreiðslunnar en það tekur fjögur ár.
Nemendur geta svo sérhæft sig eftir því á hvaða
stað þeir fara í starfsnám.
„Markmiðið með náminu er að nemendur nái
sterkum grunni og í framhaldi af því geti þeir mætt
öllum aðstæðum. Menn eiga greiða leið út um heim
og hafa svo jafnvel komið heim með nýjungar og
fleira,“ segir Baldur.
Námið orðið viðameira
Námið færðist í Kópavog á haustdögum árið
1996 eftir að Hótel- og veitingaskólinn, sem þá var
og hét, var lagður niður en hann var til húsa á Suð-
urlandsbraut í Reykjavík. Síðan þá hefur Kópavog-
urinn verið höfuðstaður íslensks matreiðslunáms.
Baldur segir að námið hafi tekið ýmsum breyt-
ingum á þessum tíma. Áður hafi menn til dæmis
dregið einn rétt á fimm rétta matseðli í sveinsprófi
sínu og þá gátu réttirnir sem þeir þurftu að reiða
fram verið miserfiðir eftir því hvað þeir drógu. Einn
hafi fengið eftirréttinn en hinn aðalrétt til dæmis.
„Það má segja að verkefnin séu núna orðin
viðameiri. Nemendur vinna nú allir sömu verkefnin
og þau hafa orðið jafnari á milli einstaklinga og að
sama skapi kannski meira krefjandi,“ segir hann.
Setja upp grunnþætti námsins víðar
Á sínum tíma voru menn hræddir við samein-
ingu skólans við MK en Baldur telur að mjög vel
hafi tekist til með hana og námið frekar vaxið en
hitt. Skólinn sé vel búinn og aðstaðan sem boðið sé
upp á sé frábær til allra verka.
Hótel- og matvælaskólinn vinnur nú með fram-
haldsskólum um allt land að því að setja upp grunn-
brautir í matreiðslu á fleiri stöðum.
„Þetta er fjöreggið. Við berum mikla ábyrgð og
ekki má gleyma hlut vinnustaðanna. Sem betur fer
höfum við metnaðarfulla matreiðslumenn og veit-
ingastaði svo nemendur fá gott nám sem er mikils
metið, ekki síst erlendis,“ segir Baldur.
Hótel- og matvælaskólinn í Menntaskólanum í Kópavogi
Mekka matreiðslunnar
Morgunblaðið/Ómar
Matseld Matreiðslunemarnir Broddi Ottesen, Denis
Grbic og Theodór Páll Theodórsson leika listir sínar.
 Eini staðurinn á landinu
þar sem hægt er að læra til
kokks – enn sem komið er
Heimsþekktar
gæðavörur
sem allir þekkja
Heildsöludreifing: ACT ehf, Dalvegi 16b, 201 Kópavogi, sími 577 2150
60 ára reynsla á Íslandi
Desire Jucer(safapressa)Verð kr. 13.900
DesireSlice & GoVerð kr. 8.990
STEEL TOUCH
KetillVerð kr. 12.530
STEEL TOUCHBrauðristVerð kr. 10.900
STEEL TOUCH
KaffivélVerð kr. 13.230
Þessi verð gilda til jóla, fæst í öllum
Húsasmiðjuvwerslunum um land allt.