Morgunblaðið - 07.02.2014, Síða 2
„Skemmtilegasti tíminn var þegar
börnin voru ung og við vorum á
miðjum aldri. Þá voru allir sam-
an,“ segir Aðalheiður Thorlacius,
sem fagnaði hundrað ára afmæli
sínu í gær. Hún er ekki með svör á
reiðum höndum um hvers vegna
hún hafi náð jafnháum aldri og
raun ber vitni en segist alla tíð
hafa verið heilsuhraust.
„Aldurinn leggst vel í mig. Ég
lifi sama lífi og ég hef gert; í ró-
legheitum og í góðum fé-
lagsskap,“ segir Aðalheiður. Hún
hefur haldið góðri heilsu en verið
blind síðustu ár. Í liðinni viku
varð hún fyrir því óláni að hand-
leggsbrotna, annars hefur hún
verið vel rólfær. Hún hlustar mik-
ið á útvarp, fylgist vel með frétt-
um og veit upp á hár hvar fjöl-
skyldumeðlimirnir eru
niðurkomnir á hnettinum. Hljóð-
bækur eru í uppáhaldi og getur
hún ekki tilgreint neinn tiltekinn
rithöfund sem hún kunni best við
því þeir séu margir góðir. Að-
alheiður býr á hjúkrunarheimilinu
Eir og líkar vel.
Í tilefni dagsins söng Sigríður
Thorlacius söngkona fyrir heim-
ilisfólk Eirar við góðar und-
irtektir viðstaddra. Hún er í fjöl-
skyldu afmælisbarnsins.
Eldri systirin mætti í hófið
Systir Aðalheiðar, Guðrún, 102
ára, heilsaði upp á systur sína í til-
efni dagsins. Hún verður 103 ára í
júní. Þær tvær eru eftirlifandi af
fimm systkina hópi. Systir þeirra,
Elín Jónsdóttir, náði 93 ára aldri
en hún lést árið 2003.
Aðalheiður var gift Kristjáni
Fagnaði árun-
um 100 undir
söng Sigríðar
Börnin og góður félagsskapur gefa
lífinu gildi Á 102 ára systur á lífi
Morgunblaðið/Þórður
Aldarafmæli Aðalheiður Thorlacius 100 ára var mjög ánægð með afmælissöng Sigríðar Thorlacius.
202 ára Systurnar Guðrún Jónsdóttir, sem er 102 ára, og Aðalheiður
Thorlacius ræða saman í 100 ára afmælisveislu Aðalheiðar í gær.
Thorlacius, formanni BSRB, en
hann lést árið 1999, 81 árs að
aldri. Saman áttu þau Gylfa og
Sigríði Thorlacius. Samtals á hún
sjö barnabörn.
Þess má geta að svilkona Að-
alheiðar, Áslaug Thorlacius, er
einnig 102 ára, en hún er búsett á
Grund.
Aðalheiður fluttist til Reykja-
víkur árið 1916 með foreldrum
sínum, þeim Jóni Eiríkssyni, stein-
smið og múrarameistara, og
Kristínu Jónsdóttur.
thorunn@mbl.is
Aðalheiður Thorlacius hefur alla tíð verið heilsuhraust og aldurinn leggst vel í hana
2 FRÉTTIRInnlent
MORGUNBLAÐIÐ FÖSTUDAGUR 7. FEBRÚAR 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Stefán Gunnar Sveinsson
sgs@mbl.is
Setið var í nánast hverju sæti á
sameiginlegum kjarafundi Banda-
lags háskólamanna, BHM, sem
haldinn var í Háskólabíói í gær.
Guðlaug Kristjánsdóttir, formaður
BHM, var mjög ánægð með mæt-
inguna en auk þeirra sem mættu í
Háskólabíó voru margir sem fylgd-
ust með fundinum í gegnum
streymi á netinu. „Það var mjög
góð stemning á fundinum,“ segir
Guðlaug.
Hún segir að fundurinn hafi
einkum verið til kynningar fyrir fé-
lagsmenn. „Ég fór yfir stöðuna í
kjaramálum okkar fólks og áhersl-
urnar sem við erum að leggja fyrir
okkar viðsemjendur og röksemd-
irnar sem eru þar á bak við.“
Að því loknu var sérstök ályktun
fundarins samþykkt. Í henni var
lýst yfir fullum stuðningi við
áherslur samninganefnda BHM í
yfirstandandi kjaraviðræðum.
Segir í ályktuninni að fundurinn
hvetji viðsemjendur til þess að
virða og meta menntun og leið-
rétta þá rýrnun sem orðið hafi á
kjörum háskólamenntaðra undan-
farin ár.
„Fundurinn beinir því til stjórn-
valda að setja þekkingu í forgang
á íslenskum vinnumarkaði, leið-
rétta laun félagsmanna BHM og
þannig stuðla að hagsæld til fram-
tíðar,“ segir í lok ályktunarinnar.
Einn dagur tekinn í einu
Guðlaug segir að verið sé að
skoða næstu skref í kjaramálum
félagsins. „Við erum að skoða
ákveðna þætti gagnvart hverjum
og einum viðsemjanda fyrir sig. Við
erum að fara fram á afgerandi
launaleiðréttingar og leita leiða í
þeim lausnum.“
Þriggja manna viðræðunefnd
BHM mun funda með fulltrúm rík-
isins í dag, en nefndin lagði fram
skriflegar kröfur á síðasta fundi
sínum. „Við eigum því von á að fá
svar við þeim, þannig að við tökum
bara fyrir einn dag í einu og met-
um framganginn,“ segir Guðlaug.
Hún bætir við að á þessu stigi sé
umræða um verkföll stutt komin
hjá BHM, og að það sé ekki mark-
mið félagsins. „Það þarf alltaf að
hafa verkfall í huga þegar farið er í
samninga, en við erum vongóð um
að það verði vel tekið á móti okkur,
og svo metum við það þegar fram
líður,“ segir Guðlaug að lokum.
Fullt hús á sameiginlegum kjarafundi BHM Lýst yfir fullum stuðningi við áherslur samninga-
nefnda BHM í yfirstandandi kjaraviðræðum Vonast eftir svari við kröfum sínum frá ríkinu í dag
Vilja fá afgerandi leiðréttingar
Morgunblaðið/RAX
Þéttsetið í Háskólabíói Fjölmargir mættu á kjarafundi BHM í gær. Einnig
fylgdust margir með framvindu mála í gegnum streymi á netinu.
Framhaldsskólanemar fjölmenntu í
gær á Austurvöll til þess að sýna
samstöðu sína með kennurum sínum
í kjaradeilu þeirra við ríkið. Mættu
margir þeirra með skilti og mátti
lesa á þeim slagorð á borð við „Kenn-
arastarf er ekki sjálfboðastarf“ og
„Stuðning við grunninn – Stundin er
upprunnin“. Höfðu einhverjir með
sér sneriltrommur og slógu takt á
þær, auk þess sem um fimmtán
manns fluttu ræður.
Laufey María Jóhannsdóttir, for-
maður Sambands íslenskra fram-
haldsskólanema, sem stóð fyrir
fundinum sagði stjórn félagsins vera
í skýjunum yfir því hversu margir
hefðu komið til mótmælanna, en hún
áætlaði að um 500 manns hefðu verið
þar. „Það var mikil samstaða í hópn-
um, og þetta er okkur greinilega
hjartans mál,“ segir Laufey María.
Í samtali við fréttavefinn mbl.is
sögðu nemendur á Austurvelli að
þeir væru komnir til þess að sýna að
þeim stæði ekki á sama um kjör
kennaranna sinna, þar sem það
myndi koma illa við nemendur ekki
síður en kennara ef það kæmi til
verkfalls. Þá ættu kennarar skilið að
fá laun við hæfi, en eins og stæði
væru þau ekki nógu há. sgs@mbl.is
Morgunblaðið/Þórður
Samstöðufundur Nemendur fjölmenntu á Austurvöll til þess að sýna samstöðu með kennurum sínum.
Kennarastarfið
ekki sjálfboðavinna
Nemendur mótmæltu á Austurvelli