Morgunblaðið - 07.02.2014, Síða 12

BAKSVIÐ
Baldur Arnarson
baldura@mbl.is
Fjármála- og efnahagsráðuneytið
áætlar að tekjutap ríkissjóðs vegna
úttektar séreignarsparnaðar vegna
niðurfærslu íbúðalána verði um 15
milljarðar króna til framtíðar og um
9 milljarðar hjá sveitarfélögunum.
Þetta upplýsir Sigurður Guð-
mundsson, skipulagsfræðingur hjá
fjármála- og efnahagsráðuneytinu,
en hann var einn sjö fulltrúa sér-
fræðingahóps um leiðréttingu verð-
tryggðra íbúðalána sem skilaði
niðurstöðum í lok nóvember sl.
Eins og fram kom í Morgun-
blaðinu í gær er mikill munur á áætl-
uðum kostnaði sveitarfélaganna
vegna þessa, eftir því hvort borið er
niður í greiningu fjármálaskrifstofu
Reykjavíkur eða Sambands ís-
lenskra sveitarfélaga.
Áætlar Reykjavíkurborg að
kostnaður sveitarfélaganna vegna
þessa sé 13,5-14,5 milljarðar og að
kostnaður borgarinnar þar af sé um
7 milljarðar króna. Sambandið telur
kostnaðinn hins vegar 3,5-3,6 millj-
arða, en í báðum tilvikum hefur ver-
ið tekið tillit til 1,5-1,7 milljarða hlut-
deildar sveitarfélaga af áformuðum
sérstökum bankaskatti til að fjár-
magna 80 milljarða afskrift lána.
Munurinn á 13,5-14,5 millj-
örðum annars vegar og 3,5-3,6 millj-
örðum hins vegar er 10-11 milljarðar
króna og af því tilefni var ákveðið að
fela samráðsnefnd ríkis og sveitar-
félaga um efnahagsmál að meta
kostnaðinn af leiðréttingunni.
Var lagt fram til bráðabirgða
Sigurður leggur áherslu á að
ofangreint kostnaðarmat fjár-
málaráðuneytisins hafi verið unnið
undir tímapressu þegar lögð var
lokahönd á tillögur sérfræðingahóps
um leiðréttingu verðtryggðra lána.
Kostnaðarmatið sé því ekki
endanleg greining. Lagt hafi verið
til grundvallar tiltekið hlutfall út-
tekta séreignarsparnaðar hjá lán-
tökum. Með frekari öflun gagna
verði hægt að leggja nákvæmara
mat á hversu margir nýta sér skatt-
leysi séreignar. Sú vinna standi yfir.
Vegur á móti tekjutapi
Þá bendir Sigurður á að leið-
réttingin muni auka skatttekjur hins
opinbera á næstu áratugum og
þannig vega á móti beinu tekjutapi
vegna úttektar séreignarsparnaðar.
Vísar hann þar til þess að
greiðslubyrði vegna íbúðalána lækk-
ar strax við 80 milljarða niðurfærslu
verðtryggðra lána næsta sumar.
Við það aukist ráðstöfunar-
tekjur fjölmargra heimila sem aftur
auki einkaneyslu. Nýting séreignar-
sparnaðar til niðurfærslu íbúðalána
lækki höfuðstól lánanna frekar og
þar með greiðslubyrðina hjá lántök-
um sem kjósi að nýta sér þessa leið.
Hvort tveggja auki þetta ráðstöf-
unartekjur heimila og er það líklegt
til að auka einkaneyslu og þar með
skatttekjur ríkisins á næstu áratug-
um, að sögn Sigurðar.
Þær auknu tekjur komi á móti
því tapi sem ríkið og sveitarfélögin
verði fyrir á næstu áratugum vegna
tímabundins skattleysis séreignar-
sparnaðar vegna leiðréttingarinnar.
Frumvarp um skattleysi
Að sögn Sigurðar er nú unnið
að frumvarpi innan fjármála- og
efnahagsráðuneytisins um skattleysi
séreignarsparnaðar og mun það fela
í sér að húsnæðiseigendur, bæði þeir
sem skulda af íbúðalánum og þeir
sem hyggja á fasteignakaup, geta
nýtt sér úrræðið.
Við þetta má bæta að Gunn-
laugur Júlíusson, hagfræðingur hjá
Sambandi íslenskra sveitarfélaga,
tekur fram í minnisblaði um málið að
leiðréttingin muni hafa jákvæð áhrif
á atvinnulífið og þannig stuðla að
fjölgun starfa. Það muni aftur auka
útsvar sveitarfélaganna. Er ekki
tekið tillit til þessa í kostnaðarmati
Sambands íslenskra sveitarfélaga,
enda erfitt að spá um þetta.
Auknar skatttekjur
vega á móti tekjutapi
Morgunblaðið/Ómar
Blaðamannafundur Forystumenn ríkisstjórnarinnar, Sigmundur Davíð
Gunnlaugsson og Bjarni Benediktsson, kynna leiðréttinguna 30. nóv. sl.
 Fjármálaráðuneytið áætlar kostnað af leiðréttingunni
12 FRÉTTIRInnlent
MORGUNBLAÐIÐ FÖSTUDAGUR 7. FEBRÚAR 2014
ÚTS
ALA
Auðbrekku 3 ~ 200 Kópavogur ~ Sími: 564 1660 ~ oreind.is
25ÁRA
1988-2013
Sjónvarpsrásir fyrir hótel,
gistiheimili og skip
Bjóddu þínum gestum
upp á úrval
sjónvarpsstöðva
Þar sem gervihnattabúnaðurinn fæst
Rúnar Pálmason
runarp@mbl.is
Neyðarkallið sem hleypti af stað
mikilli leit á Faxaflóa á sunnudag
kom úr vhf-talstöð og gæti þess
vegna hafa verið sent með handstöð
eða bílstöð, að
sögn Ásgríms L.
Ásgrímssonar,
framkvæmda-
stjóra aðgerða-
sviðs Landhelgis-
gæslunnar.
Talið er að kall-
ið hafi verið sent
úr 10 sjómílna
fjarlægð frá
Akranesi en ekki
er hægt að
þrengja hringinn meira og lögreglan
á höfuðborgarsvæðinu hefur ekki
tekið afstöðu til þess hvort upptaka
af neyðarkallinu verði spiluð opin-
berlega til að freista þess að einhver
þekki rödd þess sem kallaði. Kanna
þarf hvort slík birting sé leyfileg.
Neyðarkallið barst kl. 14:54 á rás
16, sem er neyðar- og uppkallsrás
báta og skipa. Það heyrðist bæði í
stjórnstöð Gæslunnar og í björgun-
arbátnum Margréti Guðbrandsdótt-
ur sem var í höfn á Akranesi. Loftnet
Margrétar er í um tveggja metra
hæð og því var talið að kallið hefði
borist í mesta lagi úr 10 sjómílna
fjarlægð (um 18,5 km). Ásgrímur
segir að prófanir á sunnudagskvöld
hafi leitt í ljós að loftnet Margrétar
nam köll úr um níu sjómílna fjar-
lægð.
Þótt þrengja megi hringinn í 9-10
sjómílur í radíus frá Akranesi er
björninn ekki unninn. Svæðið er
gríðarstórt og nær yfir allt Akranes,
inn í Borgarfjörð og Hvalfjörð, upp á
Kjalarnes, Seltjarnarnes og jafnvel
inn í Reykjavíkurhöfn. Engin leið er
til að rekja sendingar í talstöðvar,
líkt og hægt er með t.d. farsíma. Þá
eru talstöðvar sem þessar ekki
skráningarskyldar.
Ásgrímur segir að sem betur fer
sé gabb fátítt og elstu starfandi
menn hjá Landhelgisgæslunni muni
ekki eftir gabbi á neyðarrásinni. „Ég
var hins vegar að tala við kollega
minn í Bandaríkjunum og þetta bar á
góma. Hann sagði þetta vel þekkt
fyrirbæri þar,“ segir Ásgrímur.
Lögreglan rannsakar málið en
hefur úr litlu að moða.
Úr litlu að moða
við rannsókn
 Neyðarkallið kom úr vhf-talstöð
Ásgrímur
Ásgrímsson