Morgunblaðið - 07.03.2014, Side 17
FRÉTTIR 17Innlent
MORGUNBLAÐIÐ FÖSTUDAGUR 7. MARS 2014
Björn Jóhann Björnsson
bjb@mbl.is
Gunnhildur Óskarsdóttir, deildarfor-
seti kennaradeildar við menntavís-
indasvið Háskóla Íslands, segir að
taka eigi gagnrýni Andreas Schleich-
ers, stjórnanda PISA-könnunarinnar,
alvarlega enda eigi námsmat alltaf að
vera í endurskoðun. Fram kom m.a. í
viðtali við Schleicher í Morgunblaðinu
í vikunni að frammistaða og einkunnir
nemenda væru ofmetnar og þeim
hrósað of mikið.
Gunnhildur segir að í íslenskum
skólum sé viðhaft fjölbreytt námsmat
og áhersla lögð á samskipti og vinnu-
brögð, ekki síður en faglega þekk-
ingu, t.d. í umsögnum nemenda.
„Mér finnst það mikilvægt því nám
er svo margt annað en fagleg þekking
þótt hún skipti vissulega máli. Það
hefur verið áhersla á mikilvægi hróss
og trú á eigin getu en kannski erum
við komin á hálan ís ef þetta er rétt og
við farin að hrósa fyrir það sem ekki
er innistæða fyrir. Nemendur verða
að hafa réttar upplýsingar um árang-
ur sinn. Í íslenskum skólum hefur
frekar verið hefð fyrir því að hrósa og
hvetja einstaklinginn áfram miðað við
hans eigin þekkingu og framfarir en
ekki verið hefð fyrir því að ala á met-
ingi og samanburði á milli nemenda,“
segir Gunnhildur.
Almar Halldórsson, verkefnisstjóri
PISA hjá Námsmatsstofnun, sagði í
Morgunblaðinu á miðvikudag að
meiri harka þyrfti að vera í vali á
nemendum í kennaranámið og aðeins
ætti að taka inn þá hæfustu. Um þessi
ummæli Almars bendir Gunnhildur á
að í kennaranámið séu þeir teknir inn
sem hafa stúdentspróf eða sambæri-
lega menntun. Þangað sæki fjöl-
breyttur hópur með fjölbreytta
reynslu. Með lengingu kennaranáms-
ins í fimm ár hafi umsóknum fækkað
verulega og útskrifuðum kennurum
fækkað samfara því. Í vor mun fyrsti
árgangurinn úr fimm ára MEd-námi
útskrifast og er Gunnhildur sannfærð
um að nemendum fjölgi á næstu ár-
um. „Nemendur með MEd-gráðu
hafa fengið meira fræðilegt og hag-
nýtt nám, eins og meira vettvangs-
nám og meiri kennslu um námsmat.
Meiri væntingar eru gerðar til þeirra
og þá líka meiri kröfur. Í náminu felst
sérhæfing í námsgreinum þar sem
kennaranemar sérhæfa sig í einni eða
tveimur námsgreinum. Það er gert til
þess að styrkja fagþekkingu þeirra og
möguleika til að sérhæfa sig meira í
námsgreinum. Það er trú okkar að
þessar áherslur í náminu séu besta
leiðin til að efla kennsluna og þar með
nám nemenda í grunnskólum,“ segir
Gunnhildur ennfremur.
Hún segir mikið af hæfum kenn-
urum í grunnskólum landsins sem
þurfi að hlúa að og veita þeim tæki-
færi til símenntunar. „Ef fjölga á
nemendum á hvern kennara þá krefst
það mikilla skipulagsbreytinga sem
er pólitískt mál og ekki gefið að það
leiði til betra skólastarfs.“
Á öðrum stað en aðrar þjóðir
Ólafur Loftsson, formaður Félags
grunnskólakennara, gefur ekki mikið
fyrir ummæli Almars Halldórssonar.
„Þetta er hans einkaskoðun. Ég
trúi því ekki að Námsmatsstofnun sé
þeirrar skoðunar að kennarar á Ís-
landi séu 40 prósent of margir. Almar
getur haft þessar skoðanir sem ein-
staklingur en ég átta mig ekki á til
hvaða veruleika hann vísar. Það er
hægt að fá alls konar útkomu við að
skoða gögn PISA en í okkar sam-
hengi verðum við að skoða skólakerfið
í heild og hvernig við höfum mótað ís-
lenska skólastefnu. Við erum á allt
öðrum stað en margar aðrar þjóðir.
Við rekum skóla fyrir alla nemendur,
alls staðar um allt land. Það kallar líka
á meiri mannskap. En við verðum þá
að taka upp umræðu um hvort við
ætlum að breyta skólakerfinu, sem
margar mælingar sýna einnig að sé
að mörgu leyti mjög gott. Ég fæ til
dæmis ekki séð að fjöldi kennara
skipti einhverju máli í þessu sam-
hengi,“ segir Ólafur.
Um hæfni kennara segir hann
sama hvar sé gripið niður, alls staðar
vilji menn ráða hæfasta fólkið, hvort
sem það eru kennarar, flugmenn,
bakarar eða aðrir. „Aðsókn í kennara-
nám hefur minnkað. Það er fullt af
hæfileikaríku fólki sem velur þá ekki
kennarastarf sem ævistarf, en það er
ekki þar með sagt að þeir sem geri
það séu ekki hæfir. Þetta er beintengt
við starfsumhverfi og launakjör. Við
höfum fullt af kennaramenntuðu fólki
úti í þjóðfélaginu sem vinnur við allt
annað en kennslu, þar sem betri laun
og starfsaðstaða býðst,“ segir Ólafur.
Hann segir fulltrúa Kennarasam-
bandsins því miður ekki hafa fengið
færi á að ræða beint við Andreas
Schleicher, það hafi verið afboðað á
síðustu stundu. Umræðan sé af hinu
góða en hún þurfi að vera í vitrænu
samhengi til að geta rætt málin.
„Ég veit ekki hvort það sé eitthvert
vandamál í skólakerfinu að nemend-
um sé hrósað of mikið. Ef það væri nú
bara það sem við þyrftum að slást við
þyrftum við ekki að hafa áhyggjur,“
segir Ólafur.
Taka gagnrýnina alvarlega
Nemendur verða að hafa réttar upplýsingar um árangur sinn, segir deildarforseti kennaradeildar HÍ
Formaður félags grunnskólakennara segir að við túlkun á PISA þurfi að skoða skólakerfið í heild
Morgunblaðið/RAX
Kennsla Mikil umræða hefur skapast í kjölfar Íslandsheimsóknar stjórn-
anda PISA-könnunarinnar, sem gagnrýndi m.a. námsmat skólanna.
Gunnhildur
Óskarsdóttir
Ólafur
Loftsson
ÞAÐ GETA EKKI ALLIR
VERIÐ GORDJÖSS
Það er mikið í mig lagt
Þú veist það um leið og þú sérð hann. Það er eitthvað einstakt við Range Rover Evoque. Hönnunin grípur þig
samstundis. Útlitið er loforð um ævintýri, þægindi og óbeislaða upplifun. Búnaðurinn er á heimsmælikvarða,
hvort sem um ræðir aksturseiginleika, fjöðrunarbúnað, drifkerfi eða afl.
Reynsluaktu Evoque og leyfðu honum að heilla þig. Hafðu samband í síma 525 8000 eða komdu í heimsókn.
www.landrover.is
E
N
N
E
M
M
/
S
ÍA
/
N
M
6
11
4
5
*M
ið
að
vi
ð
up
pg
ef
na
r
vi
ðm
ið
un
ar
tö
lu
r
fr
am
le
ið
an
da
um
el
ds
ne
yt
is
no
tk
un
íb
lö
nd
uð
um
ak
st
ri
.
RANGE ROVER EVOQUE – VERÐ FRÁ 8.770.000 KR.
4x4 - TD4 2,2 dísil, 9 þrepa sjálfskipting. Eyðsla 6,5 l/100 km.*
BL Sævarhöfða 2, sími 525 8000