Morgunblaðið - 14.03.2014, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 14. MARS 2014
HREINT OG KLÁRT
Askalind 3 • 201 Kópavogur • Sími: 562 1500 • Mán. - föst. kl. 09-18 • Laugardaga kl. 11-15
Þvottahús Úrvalið er hjá okkurFataskápar Sérsmíði
Baðherbergi Góðar hirslur Innbyggðar uppþvottavélar Pottaskápar Allar útfærslur
friform.is
INNRÉTTINGAR
GLÆSILEGARDANSKAR
ÍÖLLHERBERGIHEIMILISINS
VIÐ HÖNNUMOGTEIKNUM FYRIR ÞIG
Komdumeð eða sendu okkur málin af eldhúsinu, baðinu,
þvottahúsinu, anddyrinu eða svefnherberginu - og við hönnum,
teiknum og gerum þér hagstætt tilboð í glæsilega danska innréttingu
í hæsta gæðaflokki og vönduð raftæki á vægu verði.
ÞITT ERVALIÐ
Þú velur að kaupa innréttinguna í ósamsettum einingum,
eða lætur okkur um samsetninguna. Að sjálfsögðu
önnumst við líka uppsetningu og endanlegan frágang fyrir
þá sem þess óska – fullkomin þjónusta, eigið verkstæði.
FJÖLBREYTTÚRVALAFHURÐUM, FRAMHLIÐUM,KLÆÐNINGUMOGEININGUM,
GEFAÞÉR ENDALAUSAMÖGULEIKAÁAÐSETJA SAMANÞITT EIGIÐRÝMI.
Stjórn Faxaflóahafna sf. samþykkti
á fundi sínum 7. febrúar sl. að fresta
hækkun á vörugjöldum frá og með
1. janúar. Hins vegar var hækkun
skipagjalda og tengdra þjónustu-
gjalda miðuð við 2,5%, það er verð-
bólgumarkmið Seðlabanka Íslands, í
stað 3,8% hækkunar. Um mitt ár
verður gjaldskráin tekin til endur-
skoðunar með hliðsjón af þróun
verðlags. Þá var hafnarstjóra falið
að gera viðeigandi tillögu að breyt-
ingum rekstrargjalda miðað við nýj-
ar verðlagsforsendur. Einnig að
svara erindum frá ASÍ og Eim-
skipafélagi Íslands.
ASÍ skrifaði Faxaflóahöfnum sf.
14. janúar sl. vegna þess að fyrir-
tækið hafði hækkað verð í upphafi
ársins. Í bréfinu var minnt á að ein
helsta forsenda kjarasamninganna
21. desember sl. hefði verið lág
verðbólga. Skoraði ASÍ á Faxaflóa-
hafnir sf. að draga verðhækkanir til
baka.
Eimskipafélag Íslands hf. skrifaði
Faxaflóahöfnum 16. janúar sl. og
skoraði á Faxaflóahafnir sf. að
draga til baka hækkanir á gjaldskrá
sem tóku gildi 1. janúar. Hækkunin
nam 3,8%. Eimskip kvaðst þola illa
hækkanir á kostnaði aðfanga og að-
keyptrar þjónustu í ríkjandi efna-
hagsástandi. Þrátt fyrir þörf fyrir
verðhækkanir ákvað Eimskip að
hækka ekki gildandi verðskrá í
millilandaflutningum og annarri
flutningatengdri þjónustu. Það var
gert til að sýna samstöðu með átaki
SA og ASÍ til að halda niðri verð-
bólgu og tryggja stöðugleika.
gudni@mbl.is
Morgunblaðið/Rósa Braga
Faxaflóahafnir Hækkun vörugjalda frá sl. áramótum var frestað en skipa-
gjöld og tengd þjónustugjöld hækka um 2,5% í stað 3,8%.
Fresta hækkun
 Faxaflóahafnir drógu til baka
hækkun á vörugjöldum frá áramótum
BAKSVIÐ
Andri Karl
andri@mbl.is
Erfitt er að sjá hvernig rétta á hlut
karlmanns á þrítugsaldri og fá fjöl-
skipaðan Héraðsdóm Reykjavíkur
til að trúa því að hann hafi ekki 17.
mars 2013 hrist fimm mánaða dótt-
ur sína svo harkalega að hún hlaut
við það heilablæðingu sem síðar
leiddi hana til dauða. Þetta er nið-
urstaða blaðamanns eftir fyrri dag
aðalmeðferðar yfir manninum.
Henni verður framhaldið í dag og
fleiri vitni leidd til skýrslugjafar auk
þess sem málflutningur er eftir,
þannig að sú niðurstaða kann að
sjálfsögðu að breytast. Auk þess
sem það er víst niðurstaða dómara
málsins sem skiptir sköpum.
Maðurinn neitar sök. Hann var
einn með dóttur sinni frá klukkan
17.45 umræddan dag en þá fór móð-
ir hennar til vinnu í nokkrar klukku-
stundir. Þegar hann leitaði til ná-
granna síns skömmu fyrir klukkan
sjö vegna þess að stúlkan svaraði
ekki áreiti hafði hann einn verið með
henni. Sérfræðingur í heila- og
taugaskurðlækningum á Landspít-
alanum gerði aðgerð á stúlkunni.
Hann kom fyrir dóminn í gær og
sagði að það sem kom fyrir þennan
litla líkama hefði verið honum of-
viða. „Miðað við útlit blæðingar-
innar og það sem ég varð vitni að í
aðgerðinni get ég ekki með nokkru
móti séð annað en að líðan hennar
hafi versnað mjög fljótt eftir það
sem gerðist. Þá er ég að tala um
mínútur.“ Hann sagði að barnið
hefði orðið rænulaust á nokkrum
mínútum, svo mikil var blæðingin,
auk þess sem blæðingar voru á
mörgum stöðum og „fleiri, fleiri
millilítrar“ sem streymdu um heil-
ann á hverri mínútu. „Það er ekki
lengi sem heilinn þolir svoleiðis
magn.“
Áverkar eftir veru með föður
Faðir barnsins gaf einnig skýrslu
fyrir dóminum. Lýsing hans var á
þá leið að nákvæmlega ekkert hefði
komið fyrir barnið á þeim tíma sem
hann var einn með það. Ýjað var að
því að móðir barnsins hefði verið ein
með það áður en hún fór til vinnu og
einnig að hún væri þunglynd, skap-
bráð og hefði rætt um hvatir sínar
til að hrista barnið þegar það gréti.
Barnið var grátgjarnt en þá sér-
staklega þegar það var hjá öðrum en
móður sinni. Vinkona móðurinnar
orðaði það þannig að stúlkan þyrfti
alltaf að sjá móður sína annars færi
hún að gráta. Hún sagði reyndar
einnig að barnið hefði verið hrætt
við föður sinn. Í því samhengi má
nefna spurningar ríkissaksóknara til
föðurins um þau fáu skipti sem hann
var einn með barninu. Saksóknari
spurði út í þrjú tilvik, á Þorláks-
messu 2012, 10. febrúar 2013 og 5.
mars 2013. Þann 28. desember leit-
aði móðir barnsins til læknis vegna
stórs marbletts á innra læri barns-
ins sem náði út á rasskinn, 11. febr-
úar hringdi móðirin í lækni vegna
þess að barnið gat ekki rétt úr
vinstri fæti og eftir 5. mars hætti
barnið að geta velt sér.
Þá bar réttarmeinafræðingur sem
vann skýrslu í málinu vitni um að
barnið hefði verið með eldri áverka,
bæði rifbeinsbrot og brot á sköfl-
ungsbeini. Hún taldi þessa áverka
renna stoðum undir að barnið hefði
orðið fyrir ofbeldi áður.
Spurði nágranna hvað væri að
Barnið var það eina sem mað-
urinn hefur eignast. Vinkona móður
þess greindi frá því að hann hefði
ekkert sinnt heimilisstörfum en var-
ið öllum sínum tíma í tölvuleikjum.
Hún sagði einnig að sambandið
hefði verið erfitt. Nágrannakona
þeirra bar að móðirin hefði kvartað
undan því að faðirinn gerði ekki
nægilega mikið á heimilinu og að
henni þætti hún standa ein í þessu.
Og móðir föðurins kom einnig fyrir
dóminn og sagði móðurina hafa sagt
sér að hún hefði í febrúar verið að
íhuga að slíta sambandinu þar sem
henni liði ekki vel með honum.
Á fimm mánaða lífsskeiði stúlk-
unnar kom það fáeinum sinnum fyr-
ir að móðirin brá sér frá og faðirinn
sá um dóttur þeirra. Þann 17. mars
2013 gerðist það. Og þegar mað-
urinn bankaði upp á hjá nágrönnum
sínum eftir að hafa haft umsjón með
stúlkunni í um klukkustund spurði
hann þá ítrekað: „Hvað er að henni,
hvað er að henni?“ Þegar nágrann-
inn tók við stúlkunni var hún alveg
máttlaus og hann vissi að það væri
eitthvað alvarlegt.
Hann kom yfir til þeirra berfætt-
ur og sagði nágrannakonan að hann
hefði greinilega verið hræddur. Þeg-
ar á sjúkrahúsið var komið var mað-
urinn þögull og spurði einskis. Vin-
kona konunnar sagði að sér virtist
hann vera tilfinningalaus. Og það
getur blaðamaður vottað að hann
sýndi engar tilfinningar þar sem
hann sat og hlustaði á lýsingar á
þeim áverkum sem dóttir hans varð
fyrir, hvorki hjá réttarmeinafræð-
ingi, þeim lækni sem tók við dóttur
hans á Landspítalanum né heila- og
taugasérfræðilækninum sem fram-
kvæmdi aðgerð á stúlkunni. Annað
verður sagt um áhorfendur í dómsal
101 í Héraðsdómi Reykjavíkur.
Aðalmeðferð heldur áfram í fyrra-
málið og þó svo stefnt sé að því að
henni ljúki þá er ekki hægt að full-
yrða um það enda urðu nokkrar taf-
ir á vitnaleiðslum í dag.
Lítill líkami sem
ekki þoldi þetta
Hulinn Maðurinn sem ákærður er fyrir að hafa hrist barn sitt svo harkalega
að það leiddi til dauða þess huldi sig fyrir ljósmyndurum fjölmiðla í gær.
 Vísbendingar benda aðeins í eina átt
Sveitarstjórn Rangárþings eystra hefur samþykkt að
leita leiða til að hefja megi gjaldtöku í sveitarfélaginu.
Settur verður á laggirnar starfshópur sem mun hefja
viðræður við aðra landeigendur í sveitarfélaginu og
sveitarfélögin í Kötlu jarðvangi.
Þetta kemur fram í tillögu sem sveitarstjórnin sam-
þykkti samhljóða á fundi sínum í gær. Fram kemur í til-
kynningu að umræður um gjaldtökumál á ferðaþjón-
ustustöðum hafi farið fram á fundinum og
sveitarstjórnin sameinast um eftirfarandi tillögu sem
samþykkt var samhljóða: „Sveitarstjórn Rangárþings
eystra samþykkir að leita leiða til að hefja megi gjaldtöku í sveitarfé-
laginu. Settur verði á laggirnar starfshópur sem hefji viðræður við aðra
landeigendur í sveitarfélaginu og sveitarfélögin í Kötlu jarðvangi.“
Kannað með gjaldtöku í Rangárþingi eystra
Skógafoss.