Morgunblaðið - 14.03.2014, Blaðsíða 56

56 MENNING
MORGUNBLAÐIÐ FÖSTUDAGUR 14. MARS 2014
María Margrét Jóhannsdóttir
mariamargret@mbl.is
Þrír plötusnúðar hafa tekið hönd-
um saman og stofnað nýtt útgáfu-
fyrirtæki, BORG LTD, sem sér-
hæfir sig í útgáfu á smáskífum með
svokallaðri hústónlist. Að baki út-
gáfunni standa Áskell Harðarson,
Ómar Egill Ragnarsson og Jón
Reginbald Ívarsson og ljóst er að
metnaðurinn er mikill.
„Ætlunin er að gefa út alþjóðlega
tónlistarmenn í hústónlistargeir-
anum. Viðbrögðin hafa nú þegar
verið vonum framar og það eru
margir spennandi hlutir í bígerð.
Fyrsta platan lítur dagsins ljós í
lok mánaðarins. Fyrst kemur plat-
an út á vínil og verður til sölu á al-
þjóðlegri vefverslun, Juno Records,
sem er ein allra stærsta netverslun
sem selur vínilplötur. Þeir höfðu
trú á okkur og gerðu strax við okk-
ur dreifisamning,“ segir Áskell en
hann er einnig þekktur undir nafn-
inu Housekell.
Ásgeir segir aðdragandann að
stofnun útgáfunnar ekki langan.
„Það er í raun skemmtileg saga
að baki. Þannig vildi til að þýskur
tónlistarmaður, Alex Agore, setti
inn á heimasíðu sína mörg óútgefin
lög og lét þau skilaboð fylgja að
vilji einhver gefa þau út þá endi-
lega hafa samband. Agore er mjög
þekktur innan hústónlistarbrans-
ans og við Ómar erum miklir aðdá-
endur hans. Einn sunnudaginn
hringdi ég svo í Ómar og stakk upp
á að við myndum slá á þráðinn til
Agore. Hann var til í það og Agore
var opinn fyrir þessu samstarfi. Við
stofnuðum því útgáfufyrirtæki,
völdum nokkur lög eftir Agore og
svo varð ekki aftur snúið. Boltinn
fór að rúlla og rúllaði mjög hratt.
Nú bíða þrjár til fjórar plötur út-
gáfu.“
Stefna á alþjóðamarkað
„Hústónlist er vinsælli nú en
nokkru sinni fyrr og skilin á milli
popptónlistar og hústónlistar eru
alltaf að verða óljósari og gróskan
er mikil.
Við hugsum þetta stærra en Ís-
land og erum í samstarfi við fyrir-
tæki sem dreifa plötunum um alla
Evrópu. Við tökum því þátt í þess-
ari miklu alþjóðlegu flóru og njót-
um mikils stuðnings en það eru all-
ir mjög áhugasamir um þetta
framtak.“
Áskell segir mikla eftirspurn
vera eftir vínilplötum.
„Munurinn á plötum sem eru
gefnar út á vínil annars vegar og á
stafrænu formi hins vegar er mjög
mikill. Hljóðgæðin á vínilplötum
eru svo miklu meiri en það sem
maður kaupir til dæmis á itunes.
Þetta er eitt af því sem útskýrir
þessa miklu endurkomu vínilplatna.
Þá er þetta eigulegri gripur en
bara einhver skrá í tölvunni og
skapar einnig ákveðinn vettvang til
sköpunar,“ segir Áskell.
Til að fagna útgáfu fyrstu plöt-
unnar er boðið til veislu á skemmti-
staðnum Dolly klukkan 23 annað
kvöld. Félagarnir þrír munu þeyta
skífum auk þess sem Chris Cheops
mun spila. Aðgangur er ókeypis.
Félagar Jón Reginbald Ívarsson, Ómar Egill Ragnarsson og Áskell Harðarson stofnuðu útgáfufyrirtæki fyrir
skemmstu. Hlutirnir gerast hratt og hafa þeir nú allnokkur nöfn alþjóðlegra tónlistarmanna á sínum snærum.
 Gefa út hústónlist á vínil  Hugsa stærra en Ísland
Stefna hátt í útgáfuheimi
Nú er nær uppselt á hina viðamiklu
tónleika „Stopp – gætum garðsins!“
í Hörpu á þriðjudagskvöldið kemur.
Um er að ræða samvinnuverkefni
bandaríska leikstjórans Darrens
Aronofsky, Bjarkar Guðmunds-
dóttur, Landverndar og Náttúru-
verndarsamtaka Íslands.
Dagskráin hefst með frumsýningu
stórmyndar Aranofskys, Noah, í Eg-
ilshöll klukkan
17.30 en Harpa
opnar fyrir gest-
um klukkan 20.
Fram koma
bandaríska söng-
konan Patti
Smith, og með
henni leika Eyþór
Gunnarsson og
Guðmundur Pét-
ursson, sænska
söngkonan Lykke Li ásamt hljóm-
sveit, Björk, Of Monsters and Men,
Samaris, Highlands, Mammút og
Retro Stefson.
Listamennirnir gefa vinnu sína og
ágóðinn rennur til Náttúruverndar-
samtaka Íslands og Landverndar.
„Þetta eru átta hljómsveitir sem
spilar hver í tíu til 25 mínútur. Á
milli verða ýmiskonar atriði þar sem
við sýnum hvers vegna við stöndum
fyrir þessum tónleikum,“ segir
Grímur Atlason sem heldur utan um
skipulagninguna. Ekki verður gefið
upp í hvaða röð listamennirnir koma
fram. „Það verður öllu til tjaldað.
Patti Smith kemur fram með tveim-
ur íslenskum listamönnum, Björk
kemur fram í flottu formati og
Lykke Li mætir með hljómsveit.“
Grímur segir listamennina vera
samhenta í baráttu sinni fyrir auk-
inni náttúruvernd og verndun há-
lendisins. „Við höfum til að mynda
reynt í mörg ár að fá Lykke Li til að
koma fram á Airwaves, en það hefur
reynst of dýrt, en nú er henni boðið
að taka þátt, fyrir ekki neitt, og þá
kemur hún!“ segir hann. „Það sama
má segja um Patti Smith.“
Grímur kom ásamt Björk og fleiri
að skipulagningu tónleika til stuðn-
ings náttúruvernd árið 2006. Hann
segir undirbúning þessara tónleika
ekki hafa verið langan.
„Það sauð á mér þegar náttúru-
verndarlögin voru afturkölluð. Að
við værum samfélag sem gerði
samninga sem þessa sem aldrei
halda, hvaða skoðun sem við höfum á
hlutunum. Það var gerður samn-
ingur og sett lög sem eiga að taka
gildi 1. apríl. Ef það þarf að laga þau
á einfaldlega að gera það, en þess í
stað á að afturkalla lögin og hafa þau
gömlu í gildi í að minnsta kosti 14
mánuði. Hvað ætla menn að gera á
þeim tíma?“ spyr hann. „Þetta
kveikti í mér og við fórum á fullt í
undirbúning í janúar.“ efi@mbl.is
Öllu verður til
tjaldað í Hörpu
 Nær uppselt á Stopp-tónleikana
Goðsögnin Patti Smith kemur fram
á tónleikunum ásamt Eyþóri Gunn-
arssyni og Guðmundi Péturssyni.
Söngkonan Sænska stjarnan
Lykke Li vildi styðja baráttuna.
Grímur Atlason
Lögreglan í Danmörku leitar nú mál-
verks eftir Emil Nolde, sem stolið
var úr kirkju í Ølstrup, sem er
skammt frá Ringkøbing á Jótlandi.
Vitni sáu dökkbláum Opel ekið af
vettvangi og hefur lögregla nú lýst
eftir bíl með þýskum númerum að
því er segir í frétt Ritzau.
Málverkið var í altaristöflu kirkj-
unnar. Nolde málaði það árið 1904 og
er það metið á 210 milljónir íslenskra
króna.
Málverkinu hefur verið stolið á
milli klukkan níu á mánudags-
morgun og ellefu á þriðjudags-
morgun. Eftirlýsti bíllinn sást við
kirkjuna um klukkan hálfátta að
kvöldi. Kirkjan er opin frá sólarupp-
rás til sólarlags.
Í alfræðiriti Gyllendals á vefnum,
Den Store Danske Encyklopædie,
segir að Nolde hafi fæðst í Nolde í
Slésvík 1867 og búið á þeim slóðum
mestallt sitt líf. Eftir 1920 var hann
danskur ríkisborgari, en „þýsksinn-
aður“ í list sinni, eins og segir í al-
fræðiritinu, og í fremstu röð þýskra
expressjónista. Nolde gekk í nasista-
flokkinn í Norðurslésvík eftir valda-
töku nasista í Þýskalandi 1933 og
segir í alfræðiritinu að sannfæring
hafi búið að baki, en ekki tækifær-
ismennska. Nasistar sögðu list hans
hins vegar bera sjúklegri úrkynjun
vitni og bönnuðu honum að mála.
Stolna verkið málaði Nolde fyrir
kirkjuna vegna þess að hann var
kvæntur dóttur prófastsins þar.
Stuldur Altaristöflunni eftir Emil Nolde, Málsverður í Emmaus, var stolið
úr danskri kirkju. Myndin er frá sýningu á verkum Noldes í Þýskalandi.
Stálu rándýru verki
 Tekið úr danskri sveitakirkju
AFP