Morgunblaðið - Sunnudagur - 09.03.2014, Qupperneq 34

34 MORGUNBLAÐIÐ SUNNUDAGUR 9.3. 2014
Matur og drykkir
V
ið tókum við staðnum í des-
ember síðastliðnum og
framkvæmdir hófust strax
í upphafi árs,“ segir Er-
lendur Eiríksson, matreiðslumeist-
ari og einn aðstandenda Veiðikof-
ans, sem opnaði dyr sínar á
dögunum. Staðurinn er til húsa í
sömu húsakynnum og forðum hýstu
m.a. veitingastaðinn Pisa og Litla
ljóta andarungann, auk ýmiss ann-
ars konar reksturs, en húsið var
reist árið 1904. Nýttust m.a. margir
gamlir munir sem fundust á efri
hæðum, við endurbæturnar nú, svo
sem gömul sendibréf, flöskur og
timbur.
Nart, smakk og steikur
Óneitanlega bera áherslur á mat-
seðli Veiðikofans nafninu vitni enda
aðstandendur allir miklir áhuga-
menn um veiðiskap hvers konar.
„Við vorum sammála um að margar
af bestu matarstundunum, þegar komið er í hús í veiðiferðum, eru þegar verið er að narta í ýmislegt smálegt en
gómsætt, yfir köldu bjórglasi í góðra vina hópi. Síðan líka þegar skipt er yfir í sunnudagssteikina, hitaða upp
með sósum og meðlæti, í góðu brauði,“ segir Erlendur. Segir hann takmark eigenda hafa verið að ná að skapa
viðlíka andrúmsloft á staðnum, en hann skiptist veitingasvæði og notalega setustofu með kráarívafi. Að end-
urbótunum komu m.a. innanhúsarkitektinn Hanna Stína og viðarsérfræðingarnir hjá Arctic Plank.
Kveða mun við nokkrar nýjungar á matseðlinum, sem Íslendingar hafa ekki átt að venjast til þessa. Á meðal
þess sem þar er að finna eru djúpsteikt lambaeistu í kryddhjúpi, sem Erlendur segir herramannsmat. „Við köll-
um þetta Eyjafjallaostrur en hugmyndin er sótt í Rocky Mountain Oysters í Bandaríkjunum,“ segir hann og
bætir við að lagerinn af hráefninu hafi verið keyptur upp hjá SS. Þá stefnir hann einnig á að bjóða upp á ís-
lenskt kanínukjöt með haustinu, en þær kanínur munu fengnar úr Skagafirði þar sem ræktun er hafin. „Það
verður gaman að geta boðið upp á slíkan rétt, og jafnvel borgara eða annað slíkt líka – hann gæti þá kallast
„Roger Rabbit“,“ bætir Erlendur við kankvís. Þess má líka geta að veiðifélög og hópar munu geta komið með
bráð sína í Veiðikofann og látið matreiða hana þar fyrir sig, með viðeigandi sósum og meðlæti.
Erlendur gefur hér uppskrift að geitarétti, en til einnig mun boðið upp á slíkt kjöt á nýja staðnum. „Yassa er
frægur réttur frá Senegal í Vestur-Afríku. Uppskriftina fékk ég fyrst frá fallegu eiginkonu minni, Fjólu Ein-
arsdóttur, en hún bjó og stundaði rannsóknir í Afríku á árum áður,“ segir hann að endingu.
Morgunblaðið/Ómar
VEIÐIKOFINN OPNAÐUR Í LÆKJARGÖTU
Íslensk lambaeistu og kanínukjöt
NOKKRIR VINIR TÓKU SIG NÝVERIÐ TIL OG UMBYLTU HÚSNÆÐINU AÐ LÆKJARGÖTU 6B. ÞAR VAR OPNAÐUR Á DÖGUNUM
VEITINGASTAÐURINN VEIÐIKOFINN, ÞAR SEM ÝMISLEGT ÓHEFÐBUNDIÐ VERÐUR Á BOÐSTÓLUM. STEIKUR VERÐA ÞÓ Í
FORGRUNNI, ENDA STAÐURINN VEIÐIMANNA.
Gunnhildur Ásta Guðmundsdóttir gunnhildur@mbl.is
Erlendur Eiríksson stendur vaktina í eldhúsi Veiðikofans. Við endurbætur á
húsnæðinu komu ýmsir forvitnilegir munir í leitirnar, sem setja svip á staðinn.
Einnig er hægt að útfæra þennan rétt með fiski, kjúklingi, lambi, nauti eða
geit. Við notum geitur úr sveit í okkar rétt. Geitin í þessu tilfelli kom kiðlinga-
kjötið frá Jóhönnu á Háafelli (geitur.is).
1-1,5 kg. grill-geitakjötsneiðar
2 lime + sjávarsalt
Marinering:
½ bolli ólívuolía (eða annars konar)
½ bolli sítrónusafi
4-5 stórir laukar (½-sneiðar eða saxaðir)
5 hvítlauksrif, marin
1 lárviðarlauf
2 msk. sterkt sinnep, t.d. Dijon eða Colmanns
1 súputeningur Maggi (eða 1 fiskiteningur með ¼ tsk coriander og
¼ tsk broddkúmen) eða sojasósu.
1 eldpipar (chili)
Salt og svartur pipar.
1. Skolið kjötið vel og þerrið. Setjið í skál eða poka, ásamt safa úr tveimur
límónum og saltið vel með sjávarsalti. Hristið vel og látið standa í nokkrar
mínútur. Skolið næst og þerrið. (Þetta er gert til að koma í veg fyrir ull-
arbragð af kjötinu, ef um eldri skepnu er að ræða. Síður þörf ef um kiðlinga-
kjöt er að ræða eins og hér.)
2. Blandið næst marineringuna í stóra skál eða bakka. Setjið kjötið saman við,
ásamt lauknum. Látið marinerast í a.m.k. klukkutíma en snúið kjötinu á tutt-
ugu mínútna fresti. Best er að gera þetta kvöldinu áður og láta marinerast í
kæli yfir nótt.
3. Takið kjötið úr marineringunni og setjið vökvann og laukinn í pott. Sjóðið
niður á vægum hita þar til laukurinn fer að karamelliserast eða létt brúnast.
4. Á meðan er hægt að grilla kjötið eða léttsteikja á pönnu, líkt og maður
meðhöndlar lambakjöt. Saltið með salti og pipar eftir smekk. Gott er að
grilla kjötið á undan, þ.e. setja í bakka með bolla af kjötsoði, álpappír yfir og
leyfa að malla á 100 gráðum í ofni í 20-30 mínútur eða á meðan verið er að
gera og sósu og meðlæti.
5. Berið fram með soðnum hrísgrjónum. Hellið lauksósunni yfir rétt áður en
rétturinn er borðaður. (Ég gerði túrmerik-grjón þar sem ég steikti lauk í olíu
með grjónunum og túrmeriki. Bætti svo kjúklingasoði yfir grjónin og leyfði
þeim að klárast á vægum hita.) Gott er að skreyta með ferskum kryddjurtum
og grilluðu grænmeti í restina.
Grilluð Yassa-geit frá Senegal