Morgunblaðið - Sunnudagur - 09.03.2014, Blaðsíða 58

58 MORGUNBLAÐIÐ SUNNUDAGUR 9.3. 2014
BÓK VIKUNNAR Sögur úr Biblíunni handa börnum á
Norðulöndum er skemmtileg og falleg bók þar sem Biblíusögur
eru endursagðar. Bókin er ríkulega myndskreytt.
Bækur
KOLBRÚN BERGÞÓRSDÓTTIR
kolbrun@mbl.is
S
káldsagan Sannleikurinn um mál
Harrys Quebert eftir Svisslend-
inginn Joël Dicker í þýðingu
Friðriks Rafnssonar er að slá í
gegn hér á landi, eins og annars
staðar þar sem bókin hefur komið út und-
anfarið. Bókin gerist í Bandaríkjunum og
fjallar um rithöfundinn Marcus Goldman
sem er með ritstíflu. Til að ráða bót á henni
leitar hann til læriföður síns sem er þjóð-
þekktur rithöfundur, Harry Quebert.
Skömmu síðar er Quebert sakaður um að
hafa átt í ástarsambandi og myrt unglings-
stúlku sem hvarf rúmum þrjátíu árum fyrr.
Af stað fer æsispennandi atburðarás og
óhætt er að segja að lesendum sé hvað eftir
annað komið hressilega á óvart.
„Guðrún Vilmundardóttir, útgáfustjóri hjá
Bjarti, hafði samband við mig í byrjun síð-
asta árs og var þá nýbúin að kaupa réttinn
að bókinni sem hafði verið aðalmálið á bóka-
messunni í Frankfurt haustið 2012, og bað
mig að þýða hana,“ segir þýðandinn Friðrik
Rafnsson. „Ég hef gaman af glæpasögum, en
er ekkert sérstakur unnandi þeirrar greinar
yfirleitt og gefst fljótt upp ef þær grípa mig
ekki. En þessi greip mig strax. Því oftar
sem ég las hana, því betur sá ég hvað hún
er margslungið og glæsilegt bókmennta-
verk.“
Það er ekki oft sem höfundur kemur les-
endum jafn oft á óvart og í þessari bók og
Friðrik er spurður hvort hann hafi orðið jafn
undrandi og flestir lesendur hljóta að verða.
„Já,“ segir hann. „Ég varð „alltaf hissari og
hissari“, eins og krakkarnir segja. Ég les
bækur alltaf nokkrum sinnum áður en ég fer
að kljást við að þýða textann. Í fyrsta lestri
geystist ég í gegnum bókina og Dicker tókst
að plata mig fram að síðustu síðu. Þegar ég
fór svo að rýna í söguna sá ég hversu ótrú-
lega vel byggð hún er og þaulhugsuð. Í við-
tali sem ég las við höfundinn sagðist hann
hafa skrifað bókina átta sinnum, þannig að
hann hefur ekki hrist hana fram úr erminni.
Með hæfilegri einföldun mætti segja að Dic-
ker takist að sameina höfuðkosti þriggja
þjóða: svissneska nákvæmni, franskt listfengi
og ástríðu, og bandarískan léttleika. Það er
afrek út af fyrir sig.“
Spurður um höfundinn sem nú er orðinn
metsöluhöfundur og hlaut Goncourt-verðlaun
franskra menntaskólanema og aðalverðlaun
frönsku akademíunnar segir Friðrik: „Hann
er 28 ára, lögfræðingur að mennt og algert
undrabarn, en tíu ára gamall gaf hann út
blað um dýr og dýravernd í Genf og fékk þá
verðlaun sem efnilegasti ungi ritstjórinn.
Þetta er hans önnur bók. Hann skrifaði
skáldsögu sem kom út fyrir nokkrum árum
og vakti ekki mjög mikla athygli og síðan
Sannleikann um mál Harrys Quebert sem
kom út haustið 2012 og hefur algjörlega
slegið í gegn.“
Sannleikurinn um mál Harrys Quebert er
væntanleg á enskumælandi markað í vor.
Friðrik er spurður hverju hann spái um við-
tökur og segir: „Það er ómögulegt að segja,
en bandaríski útgefandinn, Penguin, hefur
greinilega tröllatrú á bókinni vegna þess að
þeir greiddu metverð fyrir útgáfuréttinn þar
er mér sagt. Bókin var hátt í ár á met-
sölulista í Frakklandi og hefur komið út í
nokkrum löndum, þar á meðal Ítalíu, Spáni,
Hollandi og Noregi, og alls staðar fengið
mjög fínar móttökur. Ég á ekki von á öðru
en enskumælandi heimurinn taki henni opn-
um örmum. Bókin gerist í Bandaríkjunum
og Bandaríkjamenn verða eflaust forvitnir að
sjá hvernig skrifað er um þá. Burtséð frá
því er afar ánægjulegt að íslenskir lesendur
skuli taka henni svona galopnum örmum,
það sýnir enn og aftur að við stöndum undir
nafni sem bókmenntaþjóð á heimsmæli-
kvarða.“
SVISSNESK NÁKVÆMNI, FRANSKT LISTFENGI OG ÁSTRÍÐA OG BANDARÍSKUR LÉTTLEIKI
Margslungið bókmenntaverk
„Því oftar sem ég las hana, því betur sá ég hvað hún er margslungið og glæsilegt bókmenntaverk,“
segir Friðrik Rafnsson þýðandi um Sannleikann um mál Harrys Quebert.
Morgunblaðið/Kristinn
FRIÐRIK RAFNSSON ER ÞÝÐANDI
METSÖLUBÓKARINNAR SANNLEIK-
URINN UM MÁL HARRYS QUEBERT
EFTIR JOËL DICKER, EN HÚN ER AÐ
SLÁ Í GEGN HÉR Á LANDI.
Pollýanna var í miklu uppáhaldi hjá mér þegar ég var stelpa. Síðan
hef ég haft boðskap Pollýönnu að leiðarljósi; að reyna að líta á björtu
hliðar tilverunnar.
Síðastliðið sumar var ég á Flateyri og las þá bókina Ósjálfrátt eftir
Auði Jónsdóttur. Sú bók hafði mikil áhrif á mig
enda mjög falleg og besta bók sem ég hef lesið eftir
Auði. Það var bæði kómík og drama sögunnar sem
heillaði mig og ekki spillti svo fyrir að ég var stödd á
sögusviði bókarinnar. Þegar Karítas eftir Kristínu
Marju Baldursdóttur kom út datt ég líka inn í
heim aðalpersónunnar. Örlagarík saga sem erfitt var
að leggja frá sér. Ég er mjög hrifin af sögum af fólki
frá þessum tíma, þær fylla mig einhverri fortíðarþrá.
Ég hef líka mjög gaman af endurminningum. Ein
slík er í miklu uppáhaldi en það er Lífsjátning Guðmundu Elías-
dóttur, skrifuð af Ingólfi Margeirssyni. Guðmunda hefur átt mjög
skrautlega og skemmtilega ævi sem fyllir mann innblæstri í leik og
starfi. Yndisleg kona þar á ferð. Þá var ég að kynnast henni Louise L.
Hay um daginn sem orðin mjög góð vinkona mín. Hún skrifar mjög
skemmtilegar sjálfshjálparbækur um það hvernig maður getur einmitt
hjálpað sjálfum sér, meðal annars með því að hugsa jákvætt eins og
hún Pollýanna hér forðum.
Í UPPÁHALDI
VALGERÐUR RÚNARS-
DÓTTIR DANSARI
Valgerður Rúnarsdóttir dansari hefur heimspeki Pollýönnu að leiðarljósi
og horfir á björtu hliðar tilverunnar.
Morgunblaðið/Kristinn
Pollýanna.
BÓKSALA 1.-28. FEBRÚAR
Allar bækur
Listinn er tekinn saman af Félagi íslenskra bókaútgefenda
1 30 dagar - leið til betri lífsstílsDavíð Kristinsson
2 5:2 mataræðið með Lukku í HappUnnur Guðrún Pálsdóttir
3 Stóra Disney heimilisréttabókinMargrét Þóra Þorláksdóttir ritst.
4 Marco-áhrifinJussi Adler-Olsen
5 HHhHLaurent Binet
6 SandmaðurinnLars Kepler
7 5:2 mataræðiðDr. Michael Mosley / Mimi Spencer
8 Veisluréttir HagkaupsFriðrika Hjördís Geirsdóttir
9 Sannleikurinn um mál HarrysQuebert
Joël Dicker
10 Heilsuréttir HagkaupsSólveig Eiríksdóttir
Kiljur
1 Marco-áhrifinJussi Adler-Olsen
2 HHhHLaurent Binet
3 SandmaðurinnLars Kepler
4 Sannleikurinn um mál HarrysQuebert
Joël Dicker
5 Ólæsinginn sem kunni að reiknaJonas Jonasson
6 LygiYrsa Sigurðardóttir
7 Maður sem heitir OveFredrik Beckman
8 Fórnargjöf MókolsÅsa Larsson
9 SkuggasundArnaldur Indriðason
10 MánasteinnSjón