Morgunblaðið - Sunnudagur - 23.03.2014, Qupperneq 13

23.3. 2014 MORGUNBLAÐIÐ SUNNUDAGUR 13
Sundlaugargestum í Árborg gefst
kostur á að lesa ljóð í pottinum um
páska og mataruppskriftir á Safna-
dögum. Nú býðst að taka eina
bröndótta á milli sundspretta.
Bæjarfélagið keypti nýverið
nokkur fljótandi taflborð og þau
njóta þegar vinsælda. Þórdís Eygló
Sigurðardóttir, yfirmaður sund-
staða Árborgar, segir áhuga á skák
í sveitarfélaginu hafa aukist eftir
að safni um skákmeistarann Bobby
Fischer var komið á fót á Selfossi.
„Hér var mikil umræða um að
hefja skákina til vegs og virðingar,
m.a. í bæjarstjórn þar sem ég sit
fyrir VG. Hjónin Gunnar Egilsson,
bæjarfulltrúi Sjálfstæðisflokksins,
og Sæunn Lúðvíksdóttir gáfu
Sunnulækjarskóla nokkur taflborð,
þar er áhuginn mikill og okkur
fannst tilvalið að bjóða upp á þenn-
an möguleika í sundlaugunum þeg-
ar borðin buðust til kaups; það er
ágætt að fólk hafi eitthvað annað
að gera í pottinum en ræða bara
pólitík!“ segir Þórdís Eygló.
„Kennurum finnst þetta líka
skemmtilegt tækifæri til að brjóta
upp sundkennsluna.“
ÁRBORG
Hópur nemenda úr Sunnulækjarskóla á Selfossi prófar taflið í lauginni.
www.arborg.is
Skákað í sundi
Hvergerðingar verða spurðir, samhliða sveitar-
stjórnarkosningum, um afstöðu til sameiningar við
önnur sveitarfélög. Ef kjósandi svarar játandi verða
gefnir 3-4 kostir um mögulega sameiningu.
„Viltu vera memm?“
Gatan Brautarholt á Skeiðum heitir nú Holtabraut og hús-
númer breytast. Dæmi: Brautarholt 9A verður Holtabraut
12, Brautarholt 18 verður Holtabraut 29, Brautarholt 24
verður Holtabraut 35. Vonandi ruglast enginn …
Nýtt heimilisfang á sama stað
SEX FLUGLEGGIR MILLI ÁFANGASTAÐA INNANLANDS
Flugfélag Íslands mælir með Flugfrelsi ef þú átt oft erindi út á land eða til
borgarinnar. Nýttu þér frelsið til að fljúga innanlands á hagstæðari kjörum.
FLUGFELAG.IS
SEX FYRIR 68.100
Ekkert breytingarg jald
Ekkert afbókunarg jald
Takmarkað sætaframboð
Hvert Flugfrelsi gildir fyrir
einn farþega
Bókanlegt í síma 570 3030
is
le
ns
ka
/si
a.
is
FL
U
68
17
9
03
’1
4
Matur er áberandi í hinnihelgu bók. Séra SvavarAlfreð Jónsson, sóknar-
prestur í Akureyrarkirkju, hefur
lengi haft gaman af því að fást við
mat og segja má að hann sameini
áhugamál og starf með bók sem
hann er nú með í smíðum og kemur
út í vor eða snemmsumars. Þar seg-
ir af biblíumat.
„Það eru engar uppskriftir í Biblí-
unni en við vitum hvaða hráefni var
notað á þeim tíma og ég ætla að
leika mér aðeins með það,“ segir
Svavar við Morgunblaðið.
Svavar Alfreð segir mat sem
fjallað er um í Biblíunni hollan. „Ég
hef lesið mér til um biblíumat.
Hann kemur víða við sögu; garður-
inn Eden var skapaður manninum
til framfærslu og fyrstu fyrirmæli
guðs til mannsins voru um mat, um
forboðnar fæðutegundir að vísu! Svo
er það síðasta kvöldmáltíðin í Nýja
testamentinu. Matur leikur sem
sagt stórt hlutverk í biblíunni og
tengist raunar mjög ýmissi trúar-
iðkun. Þegar fólk gerir vel við sig í
mat og drykk er það oft á trúar-
legum forsendum.“
Séra Svavar bendir á að biblíu-
matur hafi verið töluvert í um-
ræðunni hér á landi síðustu misseri.
„Ekki er langt síðan út kom svipuð
bók og í Neskirkju hafa menn verið
duglegir við að bjóða upp á biblíu-
mat.“
Í bókinni verða uppskriftir sem
Svavar Alfreð hefur sett saman, að-
allega úr hráefni sem notað var á
biblíuslóðum á þeim tíma eða svip-
uðu. Ýmiss konar fiskur, baunir,
grænmeti og ávextir eru áberandi
en líka verða í bókinni uppskriftir
að kjötréttum. „Þetta verður mjög
fjölbreytt en maturinn svolítið öðru-
vísi matreiddur en við eigum að
venjast. Það er gaman að prófa
þetta allt saman og eitt eiga allir
réttirnir sameiginlegt: þeir eru ein-
staklega ljúffengir!“
Séra Svavar gefur uppskriftir að
forréttum, aðalréttum, eftirréttum,
nasli og brauðmeti. Á myndinni er
Linsubaunasúpa að hætti hirðanna,
sem Svavar kallar svo, og hann
heldur á döðlubrauði. „Döðlur voru
mikið notaðar. Í brauðinu er enginn
sykur enda var hann ekki mikið
notaður á þessum tíma. Þeir notuðu
hins vegar bæði hunang og ávexti til
að sæta matinn. Döðlubrauðið mitt
er sætt með vínberjasafa og var
yndislega gott. Það er einkenni á
biblíumat, en ekki síður bæði hóf og
þakklæti,“ segir séra Svavar Alfreð.
AKUREYRI
Biblíumatur og eyfirskir fossar
SÉRA SVAVAR ALFREÐ JÓNSSON Á AKUREYRI ER MEÐ TVÆR BÆKUR Í VINNSLU; MAT-
REIÐSLUBÓK UPP ÚR BIBLÍUNNI OG LJÓSMYNDABÓK UM FOSSA Í EYJAFIRÐI.
Morgunblaðið/Skapti Hallgrímsson
Svavar Alfreð
Jónsson með
baunasúpu og
döðlubrauð.
Séra Svavar Alfreð var iðinn við
ljósmyndun á menntaskóla-
árunum og myndaði bæði fyrir
dagblaðið Vísi og vikublaðið Ís-
lending á Akureyri.
Eftir allnokkurt hlé hugsaði
hann sér til hreyfings á ný 2009
og byrjaði árið eftir að skrá sam-
viskusamlega með myndavélinni
fossa í Eyjafirði. Afraksturinn
hyggst hann gefa út á bók í ár.
„Ég setti mér það markmið að
halda sýningu á fimmtugsafmæl-
inu mínu, 29. október 2010, og
gerði það. Þá hafði ég áttað mig
á því að ekki þarf alltaf að fara
langt til upplifa óskaplega mikla
fegurð. Oft er nóg að fara í
stuttan bíltúr út í náttúruna og
ganga um stund til að upplifa
eitthvað sem maður hefur aldrei
séð áður.“ Þetta á t.d. við um
fossa í Eyjafirði, segir hann.
„Eyjafjörður hefur ekki verið
þekktur fyrir fossa en þegar
maður hugsar út í það að hér
eru há, brött fjöll og nóg af vatni
segir það sig sjálft að þeir eru
einhvers staðar! Margir eru
óskaplega fallegir; í firðinum eru
mörg mjög falleg en vel geymd
leyndarmál.“
Svavar skrifar örstuttar hug-
leiðingar með hverri mynd.
Ein margra ljósmynda séra Svavars frá síðustu árum: Holárfoss í Skíðadal.
Ljósmynd/Svavar Alfreð Jónsson
„Mörg falleg, vel geymd leyndarmál“