Morgunblaðið - Sunnudagur - 23.03.2014, Síða 34

34 MORGUNBLAÐIÐ SUNNUDAGUR 23.3. 2014
Matur og drykkir
Fyrir 4-6
Rjómalag:
5 dl rjómi
50 g sykur
3 blöð matarlím
3 msk. rósavatn
Ath. Ef þú færð ekki rósavatn er fínt að
nota fræ úr vanillustöng í staðinn.
Hindber:
200 g frosin eða fersk hindber
2 msk. rósavatn (má sleppa)
2-3 msk. flórsykur
Skraut:
saxaðar pistasíuhnetur
candy floss (úr dós)
rósablöð, vel þvegin
Aðferð: Rjómi og sykur eru hituð að suðu, á
lágum hita, í ca. 15 mín. Athugið það má EKKI
sjóða. Á meðan er matarlím bleytt upp í köldu
vatni þar til mjúkt, þá það tekið upp og auka
vatn kreist úr. Takið pottinn með rjómablönd-
unni af hellunni og setjið matarlímið út í og
hrærið þar til leysist upp. Kælið þá í smástund.
Bætið þá rósavatninu út í. Hellið blöndunni í
könnu í gegnum sigti og setjið inn í ísskáp.
Kælið þar til fer að þykkna og halda lögun eða
í um 40 mínútur.
Berin eru marin létt og blandað saman við
rósavatn og flórsykur. Gott er að smakka ber-
in áður en þau geta verið missúr.
Þegar rjómablandan er byrjuð að stífna, er
helmingnum hellt í 4-6 glös og þau sett í kæli
þar til rjóminn er alveg stífur. Þá er helmingur-
inn af hindberjunum settur ofan á og svo aftur
rjómi og ber. Látið bíða í ísskáp í nokkra tíma.
Ég hef gert þetta deginum áður (óskreytt),
sem var í góðu lagi.
Til að skreyta glösin, er söxuðum pistasíum
dreift ofan á, þar á eftir Candy Floss-toppi (fal-
legt að hafa hann bláan eða ljósgrænan). At-
hugið að taka Floss-ið úr dósinni með 2 göffl-
um (svo það bráðni ekki milli fingra). Loks fara
1-2 rósablöð ofan á, bleik eða rauð.
Heit cheddar ídýfa með
chorizo og jalapeno
250 g chorizo-pylsa, söxuð
1 grænt chili, saxað (fræheinsað)
1 krukka niðursoðinn jalapeno pipar,
saxaður
½ tsk. cumin
1⁄4 tsk. cayanne pipar
1½ msk. hveiti
1½-2 bollar kjúklingasoð
2 bollar rifinn Ísbúi
1 bolli rifinn cheddar
Kóríanderlauf, söxuð
Nachos
Aðferð: Chorizo-pylsan er steikt á miðlungs-
hita í um 5 mín., þá er kryddi, chili og jalapeno
bætt við og steikt áfram í smástund. Hveiti er
næst hrært saman við og látið steikjast í
augnablik, áður en soði er hrært saman við og
hitað að suðu. Ostunum er þá bætt við og hit-
að þar til þeir eru bráðnaðir og dýfan vel heit í
gegn (um 3 mín). Kóríanderlaufum er dreift
ofan á og borið fram með nachos. Sniðugt er
að bera ídýfuna fram í fondue-potti eða öðru
íláti, sem hægt er að halda heitu.
É
g var nú búin að bræða það með mér í svolítinn tíma,“ segir
Anna spurð um tilurð þess að hún byrjaði að halda úti
matarbloggi undir eigin nafni „Svo hélt hestahópurinn minn
á hrekkjavökuhelgi á gistiheimilinu Bitru í október 2013, þar
sem ég var meðal annarra með veitingar í takt við þemað. Ég ákvað
síðan að nota þær sem byrjunarpunkt að bloggi,“ bætir hún við en
hún hefur bloggað síðan.
Sviðapottur ömmu uppáhaldseldhúsáhaldið
Margar litríkar og gómsætar myndir, af ýmsum réttum, er að finna
á bloggsíðu Önnu. Sjálf segir hún áhugann á mat og matargerð hafa
þróast með sér með tímanum. „Ég er búin að vera húsmóðir í 26 ár
og hef þurft að vera með alls konar boð og veislur og slíkt í gegnum
tíðina. Smám saman fór mér að þykja ofsalega gaman að búa til
allavega mat. Góðar viðtökur hafa síðan líka hvatt mig til dáða held
ég,“ bætir hún við.
Sé einhver hlutur sem Anna getur ekki verið án í eldhúsinu segir
hún það sviðapott ömmu sinnar og nöfnu, Önnu Kristmundsdóttur
heitinnar, sem er henni mjög kær. „Amma hafði átt þennan pott frá
því hún var ung kona og ég fékk hann eftir hennar dag. Hann er ef-
laust orðinn um 80 ára gamall,“ segir hún. Bætir hún við að hún eldi
allt mögulegt í pottinum góða. Árlega eldar hún líka í honum salt-
kjöt og baunir fyrir fjölskylduna, að hætti ömmu sinnar. „Ég held að
það sé ekki beðið með meiri eftirvæntingu eftir neinni máltíð sem ég
elda,“ segir hún létt í bragði.
Rósavatn og aðrar nýjungar úr Austurlandamörkuðum
Anna segist sjálf ekki aðhyllast neina eina stefnu í matargerð frem-
ur en aðrar, nema hvað henni finnist alltaf spennandi að prófa eitt-
hvað nýtt og framandi – ekki síst langt að. Kíkir hún reglulega í
sérverslanir á borð við Frú Laugu og eins í ýmsa Austurlandamark-
aði sem finna má orðið hér, eins og Istanbúl-markaðinn í Ármúla,
MaiTai við Hlemm og fleiri. „Úrvalið er orðið svo mikið og auðveld-
ara að ná sér í ýmis framandi hráefni til að prófa eitthvað nýtt,“
segir hún.
Anna gefur hér uppskriftir að tveimur réttum, annars vegar ljúf-
fengri ídýfu, sem hún segir frábæran partímat eða bara þegar fólk
vill gera vel við sig. Hinn rétturinn kemur lengra að eða frá Mið-
Austurlöndum, en það er panna cotta-rjómabúðingur, með hind-
berjalagi krydduðu rósavatni. „Rósavatnið hefur verið notað um ald-
ir í matreiðslu í löndum eins og Persíu, Íran og víðar. Það er í raun
hliðarvara sem verður til þegar verið er að vinna olíu úr fullblóma
rósum til að nota í ilmvötn. Vatnið er m.a. mikið notað í sælgætis-
og kökugerð, til að krydda drykki og fleira,“ segir hún að endingu.
Morgunblaðið/Þórður
GAMALL SVIÐAPOTTUR MEÐ SÖGU EFTIRLÆTISELDHÚSÁHALDIÐ
Bitruferð varð kveikjan
ANNA BJÖRK EÐVARÐSDÓTTIR MATARBLOGGARI HEFUR GAMAN AF ÞVÍ AÐ PRÓFA NÝJUNGAR LANGT AÐ Í
MATARGERÐ. KÍKIR HÚN M.A. REGLULEGA Í SÉRVÖRUVERSLANIR OG MIÐ-AUSTURLANDAMARKAÐI HÉR Á LANDI
TIL AÐ SVALA ÞESSUM ÁHUGA OG FINNA EITTHVAÐ NÝTT.
Gunnhildur Ásta Guðmundsdóttir gunnhildur@mbl.is
Anna Björk er dugleg að prófa framandi rétti og hráefni. Leggur hún oft
leið sína í verslanir á borð við Frú Laugu og ýmsa Austurlandamarkaði.
Panna cotta með hind-
berjum og rósavatni