Morgunblaðið - Sunnudagur - 23.03.2014, Side 49

23.3. 2014 MORGUNBLAÐIÐ SUNNUDAGUR 49
hugsunum mínum í skefjum. Foreldrar mín-
ir voru logandi hræddir um að ég væri að
þróa með mér geðhvörf.“
Hvernig getur kvíði
verið geðsjúkdómur?
Það var þó ekki niðurstaða lækna, heldur
að hann væri með aðra gerð af geð-
sjúkdómi, kvíðaröskun.
„Það hljómar kannski léttvægt, alla vega
við hliðina á til dæmis geðklofa. Kvíði er
orð sem við notum í daglegu tali og allir
upplifa kvíða í sínu lífi. Hvernig getur
kvíði verið geðsjúkdómur? Það er hins
vegar enginn venjulegur kvíði sem hrjáir
fólk með kvíðaröskun. Hann getur verið
yfirþyrmandi. Kvíðaröskun er einn af fjór-
um helstu geðsjúkdómunum, nátengdur
þunglyndi. Sjúkdómur sem getur orðið
mjög alvarlegur og haft djúpstæð áhrif á
líf fólks. Ég er gott dæmi um það. Ætli
megi ekki segja að kvíðaröskun sé týndi
geðsjúkdómurinn.“
Eftir þennan vetur í Hollandi var Ing-
ólfur orðinn svo veikur að ekki var um
annað að ræða en að snúa heim til Íslands.
Eins erfitt og það var að gefa drauminn
um atvinnumennsku í knattspyrnu upp á
bátinn. Alltént í bili. Hann segir sc Hee-
renveen hafa sýnt veikindum sínum skiln-
ing. Sagt honum að einbeita sér að heils-
unni og að hann væri velkominn aftur
síðar. Það var huggun harmi gegn.
Heima á Íslandi byrjaði Ingólfur að
heimsækja barnageðdeildina. Hann var ekki
lagður inn en kom reglulega á göngudeild.
Kvíðinn var síst í rénun og áfram bar á of-
læti hjá drengnum. „Það var mín leið til að
komast frá sársaukanum.“
Á þessum tíma byrjaði Ingólfur líka að
taka lyf við veikindum sínum. „Til að byrja
með var erfitt að taka lyfin. Þegar fyrsta
verkið á morgnana er að taka lyf upplifir
maður sig sem veikan mann. Þess utan
þyngdist ég og varð flatari sem kom niður
á mér í fótboltanum. En með tímanum
vandist þetta.“
Skoraði í fyrsta leik
Ingólfur kveðst hafa verið mjög viðkvæmur
fyrir veikindum sínum á þessum tíma og
ekki rætt þau við nokkurn mann, fyrir utan
fjölskyldu og lækna. Eflaust hafa einhverjir
velt fyrir sér hvers vegna hann væri kom-
inn svona fljótt heim frá Hollandi en senni-
lega bara komist að þeirri niðurstöðu að
hann hefði farið of ungur út.
Við heimkomuna gekk Ingólfur í raðir
KR, þar sem hann fékk ljómandi góðar við-
tökur. Auk þess að spila með þriðja og öðr-
um flokki æfði hann með meistaraflokki og
fékk meira að segja tækifæri í Pepsi-
deildinni síðsumars. Skoraði strax í fyrsta
leik gegn ÍBV. „Það var frábært að fá tæki-
færi í efstu deild aðeins sextán ára og það
með jafnsterku liði og KR. Ég fann að ég
naut virðingar og að vonir voru bundnar við
mig.“
Þrátt fyrir velgengni á vellinum kraum-
uðu veikindin undir niðri. „Ég stundaði æf-
ingar af kappi og lét ekki á neinu bera.
Barðist bara við sjálfan mig þegar ég var
kominn heim á kvöldin.“
Þetta sama sumar var hann valinn í
landslið Íslands, skipað leikmönnum sautján
ára og yngri, og tók þátt í sínu fyrsta
landsliðsmóti, í Noregi. Vel gekk á mótinu
og varð Ingólfur var við áhuga erlendra
stórliða. Fékk meðal annars formlegt boð
frá Englandsmeisturum Manchester United
um að koma til æfinga. „Það var mikill
„Kvíðaröskunin er partur af mér,
hvort sem mér líkar það betur
eða verr. Þetta eru spilin sem mér
eru gefin í þessu lífi og undir mér
komið að vinna úr þeim,“ segir
Ingólfur Sigurðsson.
Ekki eru mörg dæmi um knattspyrnu-
menn sem glímt hafa, svo vitað sé, við
geðsjúkdóma. Þó má nefna einn
fremsta leikmann Íslandssögunnar,
Þórólf Beck, sem hætta varð keppni á
sínum tíma vegna veikinda. Sama máli
gegnir um þýska landsliðsmanninn
Sebastian Deisler sem lagði skóna á
hilluna aðeins 27 ára vegna þunglyndis
árið 2007. Þá var þunglyndi Englend-
ingsins Stans Collymores til umfjöll-
unar um tíma.
Sjálfur veit Ingólfur ekki um aðra
knattspyrnumenn hér heima sem
glíma við kvíðaröskun eða aðra geð-
sjúkdóma en efast samt ekki um að
þeir séu til. „Það er ekki síst þess
vegna sem ég kýs að segja mína sögu.
Vonandi opnar það þessa umræðu og
verður öðrum hvatning.“
Fá dæmi úr
sparksögunni