Morgunblaðið - Sunnudagur - 23.03.2014, Side 56

56 MORGUNBLAÐIÐ SUNNUDAGUR 23.3. 2014
Sýningin „Lystisemdir – Efasemdir – Heims-
endir“ verður opnuð í Kling & Bang-galleríi
við Hverfisgötu 42 á laugardag klukkan 17. Á
sýningunni gefur að líta verk eftir Emmu
Heiðarsdóttur, Ingibjörgu Sigurjónsdóttur,
Loja Höskuldsson, Margréti Helgu Sesselju-
dóttur og Sigurð Ámundason. Sýningarstjóri
er Anna Hrund Másdóttir.
Ragnar Kjartansson myndlistarmaður
fylgir sýningunni úr hlaði og segir að sýn-
endur séu fimm vonartírur reykvískrar
myndlistar. Á sýninguna hafa verið valdir
listamenn „sem hafa látið að sér kveða með
ljóðrænum efasemdum á síðustu árum …
Þessir listamenn skapa verk sem fylla okkur
samtímis af von og vonleysi“.
OPNA Í KLING & BANG-GALLERÍI
LYSTISEMDIR …
Verk eftir Margréti Helgu: Unstable Interior
Postponed, Transportation of Nothing, 2013.
Hluti Caput-hópsins. Þau flytja áhugaverð verk
eftir Elliott Carter og Leif Þórarinsson.
Á tónleikum 15:15-tónleikaraðarinnar í
Norræna húsinu kl. 15.15 á sunnudag flytur
Caput-hópurinn verk eftir Elliott Carter og
Leif Þórarinsson.
Aðstandendur tónleikanna segja um að
ræða tuttugustu aldar tónlist eins og hún
gerist best. Tónskáldin Carter (1908-2012)
og Leifur (1934-1998) eigi að auki sitthvað
sameiginlegt. Þeir hófu ferilinn sem nýklass-
ísk tónskáld, færðu sig síðan yfir í seríalisma
og síðan eitthvað annað en þar skilur leið-
ir … Meðal annars verða flutt flautu- og
óbósóló Carters, Scrivo in vento og Inner
Song, og þá eru þrjú verk Leifs á efnisskránni.
VERK EFTIR LEIF OG CARTER
CAPUT Á 15:15
Píanókonsertinn „Grúi“
eftir Eirík Árna Sigtryggs-
son verður frumfluttur á
tónleikum Sinfóníu-
hljómsveitar áhugamanna í
Seltjarnarneskirkju á
sunnudag klukkan 17. Ein-
leikari er Tinna Þorsteins-
dóttir.
Tónleikarnir hefjast á
tveimur stuttum tón-
verkum eftir Armas Järnefelt, „Praeludium“
og „Berceuse“. Järnefelt var finnskt tónskáld
og stjórnandi sem uppi var á fyrri hluta síð-
ustu aldar, mágur Sibeliusar. Síðasta verk á
efnisskránni er „Sinfónía númer 6“ eftir
bandaríska tónskáldið Alan Hovhaness.
Verkið er flutt í minningu Martins Berkofskys
sem lést fyrir skömmu. Hann bjó um skeið á
Íslandi, tók virkan þátt í íslensku tónlistarlífi
og beitti sér talsvert á seinni árum við að
endurvekja áhuga á verkum Hovhaness.
Stjórnandi á tónleikunum er Oliver Kentish.
HLJÓMSVEIT ÁHUGAMANNA
NÝR KONSERT
Eiríkur Árni
Sigtryggsson
Sópransöngkonan Unnur Helga Möller kemur fram í tónleikaröðungra söngvara, „Eflum ungar raddir“, í Kaldalóni í Hörpu ásunnudag. Tónleikarnir hefjast klukkan 16, Steinunn Birna
Ragnarsdóttir leikur með Unni Helgu á píanó á tónleikunum og er
aðgangur ókeypis.
Unnur Helga og Steinunn Birna flytja úrval óperuaría á tónleik-
unum. „Það sem ég hef valið að syngja spannar gróflega 550 ár í
tónlistarsögunni,“ segir hún. „Margir þeir vina minna sem eru ekki
óperufólk virðast oft halda að öll óperutónlist sé eins, sem hún er alls
ekki. Þetta verður sambærilegt við „Shakesperare á 60 mínútum“,
nema þetta verður ópera á fimmtíu mínútum. Við ætum að byrja í
elstu óperutónlistinni og enda í nútímamúsík. Ég mun tala við gesti á
milli aría en þær sem ég syng eru eftir margra þá stóru; Verdi,
Händel, Mozart, Donizetti … Ég geri mitt besta til að gera þetta
sem aðgengilegast fyrir þá sem ekki hafa kynnt sér óperuna, því sem
listform á hún að vera mjög aðgengileg. Allir ættu að geta fundið
eitthvað við sitt hæfi.“
Unnur Helga er frá Akureyri og söng í tíu ár með Stúlknakór
Akureyrarkirkju, í söngleikjum og með ýmsum kórum nyrðra, og
lauk námi við Tónlistarskólann á Akureyri. Fyrir sunnan nam hún
við Söngskóla Sigurðar Demetz þar sem Kristján Jóhannsson var
aðalkennari hennar. Hún var við framhaldsnám í Leipzig og Salzburg
og hefur komið fram í ýmsum verkefnum bæði heima og erlendis,
m.a. söng hún í gjörningi Ragnars Kjartanssonar, BLISS, í New
York. Hún er í kór Íslensku óperunnar og hefur í vetur tekið þátt í
bæði Carmen og Ragnheiði.
Unnur Helga segir að af tónlist hlusti hún hvað mest á barokk-
tónlist en hafi gaman af því að syngja bel-canto, í ítalska stílnum.
„En heima er aðallega spilaður metall,“ ssgir hún og hlær.
„Það er frábært að fá að koma fram í þessari tónleikaröð, vinna
með hæfileikafólki eins og Steinunni Birnu – og fá að láta heyra í
mér í þessum fína sal. Þetta er í fyrsta skipti sem ég fæ að halda
tónleika sem þessa þar sem ég fæ að ráða hvað ég syng. Seinna væri
síðan geðveikt að fá að syngja með Skálmöld!“
UNNUR HELGA MÖLLER SYNGUR Í KALDALÓNI
Óperusagan á
50 mínútum
Það sem ég hef valið að syngja spannar gróflega 550 ár í tónlistarsög-
unni,“ segir Unnur Helga um tónleikana á sunnudag.
SÓPRANSÖNGKONAN UNNUR HELGA KEMUR FRAM Í
TÓNLEIKARÖÐINNI „EFLUM UNGAR RADDIR“.
Einar Falur Ingólfsson efi@mbl.is
Menning
E
ftir að hafa eytt talsverðum tíma
við kvikmyndatökur í þessu
mikilfenglega landslagi get ég
fullyrt að hér er einhver ein-
stæðasta náttúra sem fyrirfinnst
nokkurs staðar á jarðríki – og ég hef komið
til margra staða og skoðað myndir af enn
fleiri mögulegum tökustöðum,“ sagði banda-
ríski kvikmyndaleikstjórinn Darren Aronof-
sky þegar hann kom fram í vikunni, ásamt
söngkonunum Björk Guðmundsdóttur og
Patti Smith, og kynnti hátíðarsýningu á
nýrri stórmynd sinni, Noah, og hljóm-
sveitaveislu í Hörpu; hvort tveggja til
styrktar náttúruverndarhreyfingum á Ís-
landi. Hann bætti við: „Náttúran hér á Ís-
landi er afar sérstök og það sem gerir það
sérstakt fær fólk líka til að koma hingað.
Þegar fólk sér Noah mun það átta sig á
því að öll kvikmyndin er undir áhrifum feg-
urðar þessarar náttúru, allir þættir hennar;
búningar, förðun, tæknibrellur, allt er það
undir áhrifum af landslaginu, litum þess og
áferð. Við sköpuðum risastórar tölvugerðar
skepnur úr hraunbreiðunum.“ Því má bæta
við að Patti Smith var hér á ferð með leik-
stjóranum, því hún samdi vögguvísu sem
hljómar í kvikmyndinni og flytur hana í lok-
in ásamt Kronos-kvartettinum kunna.
Kvikmynd Aronofskys um Nóa og örkina
hans, með leikurunum Russell Crowe,
Emmu Watson, Jennifer Connelly og Anth-
ony Hopkins, fer í almennar sýningar hér á
landi um næstu helgi, um leið og hún verð-
ur frumsýnd í Bandaríkjunum. Aronofsky,
sem er 45 ára gamall, er einn athyglisverð-
asti kvikmyndagerðarmaður Bandaríkjanna
um þessar mundir, höfundur sex kvikmynda
sem hafa hlotið fjölda verðlauna. Þar á með-
al má nefna The Wrestler, með Mickey Ro-
urke og Marisu Tomei, og Black Swan, en
fyrir hana var hann tilnefndur til Óskars-
verðlauna sem besti leikstjórinn og hreppti
Natalie Portman þau fyrir bestan leik.
Aronofsky segist lengi hafa gengið með
þann draum í maganum að gera kvikmynd
um Nóa og hafi hann undrast það að enginn
væri búinn að gera slíka stórmynd, um eina
elstu sögu mannkyns, sögu sem tilheyrir öll-
um, sama hverrar trúar þeir séu. Hún sé
eins og staður á heimsminjaskrá, sameign
manna; saga um samband manna við vatn.
„Ég fór að hugsa um Nóa þrettán ára
gamall,“ sagði hann fyrir sýninguna á Noah
í vikunni. „Ég var þá með stórkostlegan
kennara sem sagði okkur krökkunum að
taka fram blað og penna og skrifa eitthvað
um frið. Ég endaði á að skrifa ljóð um Nóa
og það vann til verðlauna í samkeppni hjá
Sameinuðu þjóðunum. Það var í fyrsta
skipti sem ég vann nokkurn skapaðan hlut.
Þar hófst vegferð mín sem sagnamanns en
Nói fór ekki úr huga mér – og hér erum
við, 32 árum síðar, og sagan komin á breið-
tjald.“
Á ferð um einstakt landslag
Aronofsky kom fyrst til Íslands árið 1998
þegar honum var boðið hingað með fyrstu
kvikmynd sína, Pi, á kvikmyndahátíð.
„Þá var ég að mestu í Reykjavík, sem var
frábært, en einn daginn var mér boðið í bíl-
ferð til Nesjavalla. Það var stórkostleg ferð
um einstakt landslag og áhugi minn var
vakinn,“ segir hann. Árið 2007 kom leik-
stjórinn aftur og var viðstaddur opnun
Vatnasafns listakonunnar Roni Horn í
Stykkishólmi.
„Þá ók ég um og það var hreint makalaus
ferð,“ segir hann. „Ég var á ferð um ein-
stakt landslag og fór að sjá fyrir mér
hvernig það gæti hentað sögunni um Nóa.
Ég var í umhverfi sem var ólíkt öllu sem ég
hafði áður séð eða upplifað. Skömmu síðar
var sagan farin að taka á sig form og við
tókum að íhuga Ísland alvarlega sem helsta
vettvanginn fyrir tökurnar. Þá voru íslensk
stjórnvöld líka farin að styðja við slík verk-
DARREN ARONOFSKY LEIKSTÝRÐI MEGINHLUTA KVIKMYNDAR UM NÓA HÉR Á LANDI
Allt útlit myndarinnar undir
áhrifum íslenskrar náttúru
BANDARÍSKI KVIKMYNDALEIKSTJÓRINN ARONOFSKY HEFUR GENGIÐ LENGI MEÐ ÞANN DRAUM AÐ SEGJA SÖG-
UNA UM NÓA OG SYNDAFLÓÐIÐ. HANN KVIKMYNDAÐI ÞESSA SÖGU UM MENN OG VATN LOKS Á ÍSLANDI.
Einar Falur Ingólfsson efi@mbl.is
Nói ásamt einum sona sinna framan við örkina.
Öll dýrin eru tölvugerð í kvikmyndinni.
Og þá kom steypiregn … Leikarinn Russell
Crowe hleypur fremstur í hlutverki Nóa.
Ljósmynd/Niko Tavernise