Morgunblaðið - Sunnudagur - 23.03.2014, Qupperneq 57

23.3. 2014 MORGUNBLAÐIÐ SUNNUDAGUR 57
Evrópa hlær er heiti kvik-
myndahátíðar sem hefst í
Kamesi Borgarbókasafns við
Tryggvagötu á laugardag kl.
15. Í myndunum er fjallað um sam-
skipti þjóðabrota í Evrópu og er opn-
unarmyndin austurrísk, Geboren in
Absurdistan (Fædd í Absúrdistan).
2
5x8 fjölfeldi er heiti verk-
efnis sem verður kynnt á
opnun sýningar í Týsgalleríi
við Týsgötu á laugardag
klukkan 17. Átta listamenn hafa skap-
að listaverk sem hvert er í fimm tölu-
settum eintökum. Meðal þeirra eru
Steingrímur Eyfjörð, Þóroddur
Bjarnason og Sólveig Einarsdóttir.
4
Mörg þekktustu karlakóralög
landsins eru á efnisskrá
stúlknakórsins Graduale
Nobili í Langholtskirkju á
sunnudagskvöldið. Þær syngja meðal
annars Brennið þið vitar, Hraustir
menn og Sveinar kátir syngið.
5
Fyrsta almenna sýningin á
Kynfræðslu Pörupilta verð-
ur í Borgarleikhúsinu á
sunnudag klukkan 20. Ung-
lingum var boðið á sýninguna í febr-
úar en nú geta aðrir sem vilja hlæja og
fræðast um kynlíf skellt sér á sýn-
inguna. Piltarnir eru Sólveig Guð-
mundsdóttir, María Pálsdóttir og
Alexía Björg Jóhannesdóttir.
3
Unnendur dægurlagasöngvar-
ans Eltons Johns ættu að
þyrpast í Háskólabíó á laugar-
dagskvöld. Klukkan 19.15
verður sýnd upptaka frá tónleikum
kappans í Caesar’s Palace í Las Vegas,
í miklum hljóð- og myndgæðum.
MÆLT MEÐ
1
Tónlistarskólar landsins fagna um þessarmundir góðum árangri í tónlistarupp-eldi landans með eins konar uppske-
ruhátíð sem fram fer í Hörpu í dag.
„Þetta eru rétt rúmlega 100 börn sem
koma fram og flytja verk af ýmsu tagi,“ seg-
ir Össur Geirsson en hann er einn af þremur
í framkvæmdastjórn Nótunnar, ásamt Sig-
rúnu Grendal og Snorra Heimissyni. Hafa
þau borið hitann og þungann af undirbúningi
Nótunnar, studd af nefndarfólki um land allt.
„Efnisskráin verður mjög fjölbreytt en
þarna eru til dæmis á ferðinni lúðrasveitir,
einleikarar og aðrir hópar. Lögin sem eru
flutt eru frá Bach upp í frumsamda blúsa, og
allt þar á milli. Þá munu nemendur bjóða
upp á lifandi tónlist í opnu rými Hörpu á
milli viðburða.“
Þetta er í fimmta sinn sem Nótan er hald-
in og ljóst að mikil vinna liggur að baki og
metnaðurinn er mikill. „Undirbúningurinn að
þessari hátíð hófst um áramótin. Fyrirkomu-
lagið er þannig að tónlistarskólarnir velja
nemendur til þess að keppa á svæðistón-
leikum þar sem þriggja manna valnefnd, sem
er skipuð framúrskarandi tónlistarmönnum,
velur ákveðinn fjölda atriða fyrir hvert svæði
en það eru 24 atriði sem koma fram í Hörpu.
Það má því með sanni segja að það sé
rjóminn af bestu tónlistarnemendum lands-
ins sem kemur fram og allir leggja kapp á
að spila sem best fyrir hönd síns skóla. Það
eru engin aldursmörk í þessu, maður getur
allt eins verið sextugur, svo lengi sem maður
er nemandi í tónlistarskóla. Flestir sem
þarna koma fram eru þó frá níu ára og upp
undir þrítugt.“
Allir hafa mikla ánægju af því að taka þátt
í þessari hátíð. „Þrátt fyrir að þetta sé ekki
keppni í ströngustu merkingu þess orðs
kemur samt keppnisskapið fram og allir
leggja sig fram. Það er áberandi að krakk-
arnir hafa mjög gaman af því að koma fram
og sýna mikinn metnað. Helsti vandinn sem
sneri að okkur var að velja úr þessum mikla
fjölda framúrskarandi nemenda. Það var
mjög erfitt verkefni.“
Össur telur ekki útilokað að þarna séu á
ferðinni margar vonarstjörnur íslenskrar
tónlistar.
„Ég er viss um það að þegar fram líða
stundir þá munum við geta bent á hina og
þessa sem áttu sínar stundir í Nótunni.
Þetta eru mjög oft krakkar sem hafa sett
stefnuna á að vera atvinnumenn í tónlist og
þetta er kannski fyrsti stökkpallurinn þeirra
í djúpu laugina,“ segir Össur.
Tónleikarnir hefjast klukkan 11:30 og er
aðgangur ókeypis.
mariamargret@mbl.is
VONARSTJÖRNUR ÍSLENSKRAR TÓNLISTAR KOMA FRAM Á NÓTUNNI 2014
Fyrsti stökkpallurinn
LOKAHÁTÍÐ NÓTUNNAR FER FRAM
Í DAG. FJÖLMÖRG BÖRN ÚR TÓN-
LISTARSKÓLUM LANDSINS KOMA
FRAM OG SÝNA LISTIR SÍNAR.
Margrét Guangbing Hu og Pétur Nói Stefáns-
son koma úr Tónlistarskóla Árnesinga.
efni með því að endurgreiða hluta kostn-
aðarins og ég vona svo sannarlega að haldið
verði áfram á þeirri braut. Á sama tíma og
við unnum hér var unnið að fimm stórum
kvikmyndaverkefnum víða um land.
Þegar við leikmyndahönnuðurinn fórum
að skoða Ísland betur ákváðum við að öll
fagurfræði kvikmyndarinnar og útlit yrði
undir áhrifum íslensks landslags.
Að fá að taka þessa kvikmynd hér, með
þessari áherslu á náttúruna, má líkja við að
ég væri að gera kvikmynd um myndlist og
fengi að taka hana í Louvre-safninu …
Þetta er einstakt land.“
Þegar blaðamaður ræddi við Aronofsky
vildi hann árétta að reynt var að ganga af
mikilli nærgætni um náttúruna hér. „Þegar
við vorum að leita að tökustöðum fórum við
til að mynda ekki á staði sem eru of við-
kvæmir. Við fórum varlega og reyndum að
skilja ekkert eftir okkur. Til dæmis getur
mosabreiða virst þola ýmislegt en sú er alls
ekki raunin, það getur hafa tekið hana
hundruð ára að ná að skjóta rótum og
breiða úr sér. Við vorum með strangar regl-
ur um endurvinnslu á tökustöðum. Stundum
þegar kvikmyndafyrirtæki fara til annarra
landa að framleiða kvikmyndir er þeim
nokkuð sama hvað áhrif þau hafa en ég hef
alltaf – mögulega vegna þjálfunar minnar á
sviði líffræði – haft ríka tilfinningu fyrir
umhverfismálum,“ segir hann.
Enn ekki spillt með raflínum
Greint hefur verið frá því í fréttum að kvik-
myndin um Nóa væri þegar umdeild í ein-
hverjum löndum. Meðal annars hafa þrjú
ríki í Mið-Austurlöndum bannað sýningar á
henni. Hann gefur ekki mikið fyrir það.
„Kvikmyndin er aðeins umdeild meðal
fólks sem hefur ekki séð hana. Nú er hún
byrjuð í forsýningum og þau skrif sem birt-
ast eru jákvæð og lofsamleg; áhorfendur
eru sáttir við myndina og styðja hana. Lítill
hluti jarðarbúa fylkir sér bak við bókstafs-
kenningar en við hvað miða þau? Kaflinn
um Nóa í Biblíunni er stuttur, fjórir hlutar
alls, nokkur hundruð orð. Við erum trú
þeim, en þurfum að gæða þá lífi, fá efnið til
að lifna á hvíta tjaldinu fyri áhorfendur á
21. öldinni.
Sýningar á Noah hafa verið bannaðar í
þremur íslömskum ríkjum en þar er líka
bannað að sýna lifandi eftirmyndir manna
og dýra í listum.“
Í lokin beinir Aronofsky aftur talinu að
íslenskri náttúru, sem stendur huga hans
nærri. Hann segir hin ósnortnu víðerni gríð-
arlega mikilvæg, og verða sífellt mikilvægari
þegar ósnortin náttúra sé horfin víðast hvar
annars staðar. „Hún er hinn stóri fjársjóður
framtíðarinnar. Þessum hornum fækkar sí-
fellt í heiminum og þau verða sífellt mikil-
vægari og verðmætari. Hér hefur víðernum
enn ekki verið spillt með girðingum og raf-
línum,“ segir leikstjórinn.
Morgunblaðið/Kristinn
„Kvikmyndin er aðeins
umdeild meðal fólks sem
hefur ekki séð hana,“ segir
leikstjórinn Darren Aron-
ofsky um Noah.