Morgunblaðið - 23.05.2014, Síða 4

4 FRÉTTIRInnlent
MORGUNBLAÐIÐ FÖSTUDAGUR 23. MAÍ 2014
Óskar R. Harðarson
hdl. og löggiltur fasteignasali
Verð: 41,9 millj.
Sandavað1 1 0Reykjavík
Nánari upplýsingar veitir
Jórunn Skúladóttir, Sölufulltrúi
jorunn@miklaborg.is sími: 845 8958
Lágmúla 4 www.miklaborg.is
Samtals að stærð 126,3 m²
Sér hannaðar allar innréttingar
Mikil lofthæð og innfeld lýsing
Útgengi út á svalir úr stofu og
baðherbergi
Stæði í bílakjallara
Glæsileg íbúð með útsýni allan hringinn
Ágúst Ingi Jónsson
aij@mbl.is
Margir hópar leggja leið sína á
Hvannadalshnjúk, Hrútfjallstind og
aðra tinda í Öræfajökli þessa vor-
daga. Að skipulagi koma m.a. Ferða-
félag Íslands, Íslenskir fjallaleið-
sögumenn, Glacier Guides, Einar
Sigurðsson í Hofsnesi og Fjalla-
félagið auk þess sem reyndir leið-
sögumenn fara oft með hópa úr fé-
lögum og fyrirtækjum. Aðalvertíð
fyrir Íslendinga til að takast á við þá
áskorun sem felst í 10-14 tíma göngu
á Hvannadalshnjúk er í maí og fram
í júní.
Fækkað um helming frá 2007
Erfitt er að áætla hversu marg-
ir fara á Hnjúkinn í vor og segir Páll
Guðmundsson, framkvæmdastjóri
Ferðafélags Íslands, að toppurinn í
þeim ferðum hafi verið árin 2007 og
2008 þegar talið er að hátt í tvö þús-
und manns hafi gengið á hæsta fjall
Íslands, sem nú er skráð 2110 metr-
ar. Án ábyrgðar áætlar Páll að um
helmingur þess fjölda fari á tindinn í
vor og hefur erlendum ferðamönn-
um fjölgað í hópnum.
Bæði Íslenskir fjallaleið-
sögumenn og Glacier Guides eru
með aðstöðu í Skaftafelli allt árið og
sinna erlendum ferðamönnum og
lausaumferð. Hjá fyrrnefnda fyr-
irtækinu fengust þær upplýsingar
að þeim útlendingum fjölgaði sem
gengju á fjöll og allt sem snerti jökla
nyti mikilla vinsælda.
Ekki teflt í tvísýnu
Páll segir að aðrir tindar í
Öræfajökli njóti ekki síður vinsælda
heldur en Hvannadalshnjúkur og
fólk vilji gjarnan hafa val. Hann
nefnir Hrútfjallstinda, Miðfellstind,
Þverártindsegg, Heinabergsfjöll og
Birnudalstind.
Mikill snjór frá í vetur er á jökl-
inum og í göngu á síðastnefnda tind-
inn fyrir nokkrum dögum þurfti
hópur frá Ferðafélaginu að snúa við
vegna snjóflóðahættu. Þá sneri hóp-
ur frá Íslenskum fjallaleið-
sögumönnum við í ferð á Þverár-
tindsegg síðasta föstudag, af sömu
ástæðu.
Hlýtt hefur verið í veðri og úr-
koma, auk þess sem vindasamt hefur
verið suma daga. Páll segir að ekki
sé teflt í tvísýnu. ,,Það hefur snjóað
mikið í Öræfajökli í vetur og í sól-
bráð verða aðstæður mjög erfiðar.
Gönguhópar hafa lent í snjókrapa
upp fyrir hné sem eru mjög erfiðar
aðstæður á svona langri göngu. Því
er gott að vera snemma á ferðinni og
til dæmis leggja af stað á miðnætti
eftir því sem veður leyfir,“ segir
Páll.
Hjá Ferðafélaginu eru tvær
minni ferðir skipulagðar um helgina
ef veður leyfir. Um hvítasunnuna
skipuleggur félagið árlega sína
stærstu ferð á Hvannadalshnjúk. Í
ár verða þátttakendur um 60 og hef-
ur undirbúningur staðið í margar
vikur. Þegar mest var fóru 140
manns á tindinn í einni ferð á vegum
Ferðafélagsins um hvítasunnuna.
Ljósmynd/Vilhjálmur Ásgeirsson
Á toppnum Selma Benediktsdóttir, leiðsögumaður hjá Íslenskum fjallaleiðsögumönnum, á Hvannadalshnjúki í
veðurblíðu í byrjun mánaðarins. Með í för var meðal annars starfsfólk VSÓ-verkfræðistofu.
Hnjúkurinn fær samkeppni
Margir nota þessa vordaga til að ganga á jökultinda
Guðni Einarsson
gudni@mbl.is
„Ég er staðgengill borgarstjóra og
hef verið í fjögur ár,“ sagði Dagur B.
Eggertsson, formaður borgarráðs
Reykjavíkur, til skýringar á því
hvers vegna hann hefur haft aðgang
að bílum í eigu borgarinnar.
Borgarráðsfulltrúar Sjálfstæðis-
flokks lögðu fram í gær fyrirspurn á
fundi borgarráðs um notkun Dags á
bílum borgarinnar en borgarfulltrú-
um er ekki heimilt að nota þá.
„Ég sinni starfsskyldum borgar-
stjóra við og við. Í upphafi kjörtíma-
bilsins voru tveir bílar fyrir borgar-
stjóra, forseta borgarstjórnar og
staðgengla þeirra. Við fækkuðum
þeim í einn bíl. Það er stóra breyt-
ingin á þessu kjörtímabili,“ sagði
Dagur. Hann kvaðst hafa haft að-
gang að bíl borgarstjóra þegar hann
hefði sinnt starfs-
skyldum borgar-
stjóra en þó ekki
notað bílinn allt-
af. Dagur sagði
það hafa tíðkast
áratugum saman
að staðgenglar
borgarstjóra
hefðu haft aðgang
að bílum embætt-
isins.
Borgarráðsfulltrúar Sjálfstæðis-
flokksins sögðu að í starfsgreiðslum
til borgarfulltrúa væri gert ráð fyrir
kostnaði við rekstur bíls. Dagur
sagði bílastyrki til borgarfulltrúa
hafa verið aflagða fyrir löngu.
„Við fáum greiddan starfskostnað
en bílafríðindi hafa ekki verið í mörg
ár. Þetta er hlutlaust gagnvart því
hvernig maður ferðast og tekur á öll-
um starfskostnaði.“
Dagur kvaðst hafa þurft að víkja
af fundi borgarráðs eftir þriggja
stunda fundarsetu og þá hefði fyr-
irspurnin verið lögð fram. „Ég hefði
kunnað því betur að þeir hefðu lagt
þetta fram á meðan ég var þarna til
svara,“ sagði Dagur.
Í fyrirspurn þeirra Júlíusar Vífils
Ingvarssonar og Kjartans Magnús-
sonar sagði m.a. að það hefði komið
fram í fjölmiðlum að Dagur hefði að-
gang að bifreiðum í eigu borgarinnar
og einnig að bifreið borgarstjóra.
„Óskað er eftir upplýsingum um
hversu lengi borgarfulltrúinn hafi
notið þessara bílafríðinda, hversu
umfangsmikil þau hafi verið og hvort
umrædd bílanotkun hafi hlotið sam-
þykki forsætisnefndar. Hafa bíla-
tengdar starfsgreiðslur til borgar-
fulltrúans verið skertar í ljósi
notkunar hans á bifreiðum í eigu
borgarinnar?“
Staðgengill borgarstjóra
hefur afnot af bíl hans
 Fyrirspurn um bílanotkun Dags B. Eggertssonar
Dagur B.
Eggertsson
„Ég held að menn hafi áttað sig á því
að það var skynsamlegast hreinlega
að koma okkur úr þessu fari sem við
vorum í. Það er óhætt að segja að
viðræðurnar voru komnar í ákveðið
öngstræti,“ segir Örnólfur Jónsson,
formaður samninganefndar Félags
íslenskra atvinnuflugmanna (FIA).
Skrifað var undir kjarasamning
félagsins við Samtök atvinnulífsins
vegna Icelandair klukkan 5 í gær-
morgun, eftir tæplega sólarhrings
fundahöld. Samningurinn gildir þó
aðeins í skamman tíma eða fram í
septemberlok og er ætlaður til að
höggva á hnútinn sem kominn var í
kjaradeiluna.
Mjög erfið kjaradeila
Aðspurður hvort yfirvofandi inn-
grip gerðardóms um mánaðamótin
hafi ýtt undir að sættir næðust segir
Örnólfur að auðvitað hafi það haft
áhrif. „En fyrst og fremst var þetta
mjög erfið kjaradeila og það var
mikilvægt að reyna að bjarga þessu
ferli með því að gera stuttan samn-
ing, og sjá hvort andrúmsloftið í
haust verði ekki á jákvæðari nótum.
Líka út af því að það er stórt og mik-
ilvægt sumar framundan fyrir Ice-
landair og alla ferðaþjónustuna.“
Örnólfur vill ekki gefa nánar upp
um efni samningsins að svo stöddu, á
meðan hann hefur ekki verið kynnt-
ur félagsmönnum. Hann segir þó að
eðli málsins samkvæmt hafi báðir
deiluaðilar þurft að slá af sínum
kröfum. Í tilkynningu frá Icelandair
í gærmorgun sagði að samningurinn
væri í meginatriðum í takt við þá
samninga sem gerðir hefðu verið á
vinnumarkaði á árinu. Þá sagði fé-
lagið að á þessu stigi væri ekki hægt
að áætla fjárhagstjón Icelandair
Group vegna aðgerða FÍA í vinnu-
deilunni.
Býst við að flugmenn
vinni yfirvinnu aftur
Flugáætlun Icelandair hefur verið
í uppnámi síðustu daga þar sem
flugmenn hafa neitað að vinna yf-
irvinnu og fella hefur þurft niður
fjölda ferða með stuttum fyrirvara.
Má nú búast við því að ró falli á og
flugmenn snúi aftur til vinnu að
fullu?
„Af okkar hálfu býst ég við því,
já,“ segir Örnólfur.
Samninganefnd FIA kynnti samn-
inginn í gærkvöldi fyrir flugmönnum
Icelandair og í kjölfarið hófst at-
kvæðagreiðsla um samninginn. Nið-
urstaðan ætti að liggja fyrir að viku
lokinni. una@mbl.is
Morgunblaðið/Friðrik
Samið Fjöldi flugferða hefur fallið niður en nú má búast við að farþegar
komist leiðar sinnar án tafa. Flugmenn snúa aftur til vinnu að fullu.
Höggvið á hnút í
erfiðri kjaradeilu
 Flugmenn Icelandair sömdu til hausts
Bátur sem verið var að sigla frá
Hafnarfirði vestur á firði varð vél-
arvana við Beruvík á Snæfellsnesi í
gærkvöld. Tveir menn voru um
borð.
Björgunarskipið Björg frá Rifi
var kallað út. Einnig var óskað eftir
aðstoð nærstaddra báta.
Einn nærstöddu bátanna hafði
bilaða bátinn í togi þar til björg-
unarskipið kom á vettvang. Það dró
bátinn til hafnar í Rifi.
Gert verður við bátinn í Rifi svo
hann geti haldið för sinni áfram,
samkvæmt frétt frá Slysavarna-
félaginu Landsbjörg.
Vélarvana bátur dreginn til hafnar í Rifi