Morgunblaðið - 26.07.2014, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 26. JÚLÍ 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Ingileif Friðriksdóttir
if@mbl.is
Bæjaryfirvöld í Mosfellsbæ hafa nú
til meðferðar erindi varðandi hana-
gal sem berst frá bænum Suður-
Reykjum í sveitarfélaginu. Erindið
sendi Vígmundur Pálmarsson á
Reykjahvoli, en hann segir hanagal-
ið ónáða sig og fleiri íbúa á svæðinu.
„Þetta er búið að standa yfir í 2-3
ár og við erum að verða brjáluð á
þessu,“ segir hann. Um er að ræða
tvo hana sem gala á nokkurra sek-
úndna fresti yfir daginn að sögn Víg-
mundar. „Ég sendi bæjarráði bréf í
mínu nafni en ég er búinn að tala við
nágranna mína sem eru allir sam-
mála um það að þetta sé mjög þreyt-
andi,“ segir hann.
Segja hanana friðarspilla
Bjarki Bjarnason, bæjarfulltrúi í
Mosfellsbæ, hefur beitt sér fyrir
reglugerð um þessi mál. Bjarki, sem
var formaður umhverfisnefndar
Mosfellsbæjar á síðasta kjörtímabili,
hóf ásamt nefndinni að semja reglur
um hænsnahald. Þær hafa þó ekki
verið samþykktar. „Í þessum
reglum mun hanahald ekki vera
leyft,“ segir Bjarki. „Hanarnir eru
satt best að segja algjörir friðar-
spillar.“
Sá hængur er á, að Suður-Reykir
er lögbýli. Að sögn Bjarka flækir
þetta málin töluvert. „Lögbýlishafar
hafa ákveðinn rétt fram yfir íbúa í
almennum íbúðarhúsum og þar af
leiðandi myndu reglurnar ekki ná yf-
ir þessa hana.“
Vígmundur er ekki sáttur við
þetta. „Þetta er ekki í lagi og eina
lausnin er að hanarnir fari,“ segir
hann. Hann hefur að eigin sögn
reynt að ræða við lögbýlishafana á
Suður-Reykjum, en það hefur ekki
skilað árangri. „Þeir voru harðir á
rétti lögbýlisins og vildu ekki gefa
eftir.“
Hann hefur áður leitað til bæjar-
yfirvalda vegna hananna en án ár-
angurs. Honum hefur enn ekki bor-
ist svar við bréfinu sem hann sendi
fyrr í þessum mánuði, en erindið er
komið á borð umhverfisstjóra og
stjórnsýslusviðs Mosfellsbæjar.
Ætlar að halda hönunum
Kristján Ingi Jónsson á Suður-
Reykjum, sem er titlaður arfasali í
símaskrá, er eigandi hananna og
segir þá ekki vera á förum. „Ég held
hönunum og ætla að halda þeim,“
segir hann. Kristján segist ekki hafa
orðið var við ósætti nágranna ný-
lega, en á því hafi borið í upphafi.
„Það er fullt af fólki hér í kringum
mig sem elskar þetta,“ segir hann.
„Í upphafi bar aðeins á ósætti frá
tveimur en ég benti á það að ef fólk
vildi ekki búa í sveit þá væri örugg-
lega pláss í 101 Reykjavík.“
Kristján segir hanana sóma sér
vel. „Þeir eru í einangruðu húsi og
við hleypum þeim ekki út fyrr en um
klukkan 10-11 á morgnana og svo
koma þeir inn um 6-7 leytið á kvöld-
in.“ Ástæðu hanahaldsins segir hann
þá að erfiðara sé að halda hænsna-
hópnum saman ef aðeins eru til stað-
ar hænur. „Hænurnar vilja bara
hafa sína hana,“ segir hann.
Spurður um afskipti bæjarráðs
segir Kristján niðurstöðuna aug-
ljósa: „Þeir geta ekkert gert, ég er á
lögbýli.“
Hanagal í Mosfellsbæ
truflar íbúa á svæðinu
 „Ég held hönunum og ætla að halda þeim,“ segir eigandi
Umdeildir Ég ætla að halda hönunum, segir húsbóndinn á Suður-Reykjum.
Páll Fannar Einarsson
pfe@mbl.is
Opnað var fyrir umferð frá gatna-
mótum Hverfisgötu og Bar-
ónsstígs að Vitastíg í gær en
áfram er unnið að opnun kaflans
frá Barónsstíg að Snorrabraut.
Áætlað er að hleypt verði á um-
ferð á þann hluta í seinni hluta
ágústmánaðar og að frágangi ljúki
í lok ágúst.
Ljóst er að framkvæmdir við
Hverfisgötu hafa tafist um nokkr-
ar vikur en upphaflega stóð til að
verkinu, sem hófst í mars á þessu
ári, yrði lokið í heild í lok júlí eða
í byrjun ágúst.
Ráðist var í umtalsverðar
framkvæmdir á Hverfisgötu á
seinasta ári en þar á meðal var
Hverfisgata milli Klapparstígs og
Vitastígs endurnýjuð. Allt yfirborð
götu og gangstétta var endurnýj-
að, ásamt þeim lögnum sem komn-
ar voru á tíma. Þá voru malbik-
aðar hjólareinar beggja vegna
götu og gatnamót við þvergötur
voru steinlagðar og upphækkaðar.
Snjóbræðsla var sett í gönguleiðir,
hjólareinar og upphækkuð gatna-
mót.
Götutré hafa verið gróðursett
og strætisvagnar sem fara um
Hverfisgötu munu framvegis
stöðva í götunni og hjólandi veg-
farendur fara aftur fyrir strætó-
skýli. Á Hverfisgötu, á milli Lækj-
argötu og Snorrabrautar, verða
umferðarljós svo fjarlægð og
beygjuakreinar lagðar af.
Opna fyrir umferð í seinni hluta ágúst
Morgunblaðið/Kristinn
Framkvæmdir Ráðist var í umtalsverðar framkvæmdir við Hverfisgötu á seinasta ári en áfram er unnið að opnun
kaflans frá Barónsstíg að Snorrabraut. Áætlað er að hleypt verði á umferð á þeim hluta í seinni hluta ágúst.
Framkvæmdum við Hverfisgötu fer senn að ljúka en þær hafa staðið yfir frá því á seinasta ári
Leirdalsheiði, vegur F839 sem
liggur að göngusvæði í Fjörðum
og á Látraströnd, er enn lokuð
vegna snjóa. Gunnar Bóasson, yf-
irverkstjóri hjá Vegagerðinni á
Húsavík, segir hana ekki hafa
opnast í fyrra fyrr en bændur fóru
að sækja fé sitt. „Það er bara al-
veg rosalegur snjór á þessu svæði
og eru aðstæður ekki ósvipaðar
þeim sem finna má efst í Fljót-
unum. Það hefur bara kyngt niður
snjó þarna,“ segir Gunnar. Spurð-
ur hvort ekki sé hægt að moka
leiðina kveður hann nei við. „Þetta
er meira og minna moldartroðn-
ingur og ef þetta er mokað þá
bara rennur allur jarðvegur í
burtu.“
Dyngjufjallaleið, vegur F910
milli Nýjadals og Öskju, er einnig
lokuð. Aðstæður þar verða þó
skoðaðar betur í dag. „Það er
örugglega mjög stutt í að hún
opnist en það er samt allt fullt af
snjó þarna enn,“ segir Gunnar og
bendir á að leiðin kunni að opnast
á næstu dögum.
Morgunblaðið/RAX
Ísland Hálendið heillar marga ferðalanga.
Enn eru fjallvegir
lokaðir vegna snjóa
Óvenjumargir einstaklingar hafa
undanfarna daga greinst með niður-
gang af völdum kampýlóbakters.
Þórólfur Guðnason, settur sóttvarna-
læknir, segir að vart hafi orðið við
sýkinguna víða um land og ekki sé
um sameiginlega orsök að ræða.
Undanfarin ár hafa um 50-120 ein-
staklingar greinst með sýkinguna ár-
lega og til að mynda um 100 manns í
fyrra. Bakterían smitast einkum með
menguðum matvælum en smit með
vatni er líka vel þekkt. Einkenni geta
verið í einn til sjö sólarhringa. Sýk-
ingin veldur oft miklum niðurgangi,
ógleði, uppköstum, krampakenndum
kviðverkjum og hita en einkennin
geta líka verið lítil. Þórólfur segir að
sumarið geti verið viðsjárverður tími.
Fólk ferðist hugsanlega meira en
ella, borði árstíðabundinn mat, jafn-
vel illa eldaðan grillmat, og neyti
vatns úr menguðum vatnsbólum.
Hvorki sé um eina tegund matvæla
að ræða né ákveðin vatnsból. Þórólf-
ur segir að vel sé fylgst með einstak-
lingum sem veikjast, hvaðan þeir
koma, hvað þeir hafi borðað og svo
framvegis. „Þetta er í sífelldri athug-
un,“ segir hann og leggur áherslu á
að fólk gæti almenns hreinlætis og
sérstaklega við matreiðslu á við-
kvæmum matvælum og neyslu á
vatni. steinthor@mbl.is
Engin ein sam-
eiginleg orsök
 Óvenjumargir greinst með niðurgang