Morgunblaðið - 26.07.2014, Blaðsíða 19

SVIÐSLJÓS
Ingileif Friðriksdóttir
if@mbl.is
Stríður straumur ferðamanna hefur
legið austur á land í sumar, en þar
hefur ríkt mikil veðurblíða. Margir
hafa flúið rigninguna á höfuðborg-
arsvæðinu í leit að sólinni og því hef-
ur verið þétt setið á tjaldsvæðum á
Austurlandi undanfarið.
Að sögn Myrru Mjallar Daðadótt-
ur, tjaldvarðar í Atlavík í Hallorms-
staðarskógi, hefur verið nóg af fólki
á svæðinu síðustu vikur. „Seinustu
10 daga hefur verið nánast fullt upp
á hvern dag,“ segir hún. „Það hafa
verið í kringum 600-1.000 manns hér
á hverjum degi.“ Að sögn Myrru
hefur veðrið verið gott og stærstur
hluti fólks á svæðinu verið höf-
uðborgarbúar sem flúið hafi rign-
inguna.
Sól farin að skína fyrir norðan
Sólin hefur einnig látið sjá sig á
Norðurlandi síðustu daga og hefur
ferðamönnum fjölgar mikið á svæð-
inu. Á tjaldsvæðinu Hömrum í
Kjarnaskógi á Akureyri hefur verið
fjöldi fólks undanfarna daga. Þar
hefur staðið yfir Landsmót skáta og
segir Tryggvi Marinósson, fram-
kvæmdarstjóri Hamra, fjöldann
skipta þúsundum.
„Það eru rosalega margir hérna á
svæðinu og fólki er alltaf að fjölga,“
segir hann. „Það fóru allir af stað
þegar sólin fór að skína,“ bætir hann
við og segir flest tjaldsvæði á Norð-
urlandi hafa verið fullbókuð síðustu
daga.
Nóg hefur verið að gera á veit-
ingahúsum og gistiheimilum á Aust-
urlandi og samkvæmt upplýsingum
frá Gistihúsinu Egilsstöðum hefur
verið stríður straumur bæði er-
lendra og innlendra ferðamanna í
allt sumar.
Rólegt á höfuðborgarsvæðinu
Einnig hefur verið mikið að gera á
veitingahúsum víðar, en Rauða hús-
ið á Eyrarbakka hefur oft og tíðum
verið fullsetið í sumar. Að sögn
starfsmanns staðarins hefur mikið
verið um erlenda ferðamenn á staðn-
um, og oft hafi húsið fyllst.
Aukið flæði fólks út á land í sumar
hefur gert það að verkum að rólegt
hefur verið hjá leigubílstjórum á
höfuðborgarsvæðinu. Að sögn Jóns
Stefánssonar leigubílstjóra eru ferð-
irnar mun færri en síðustu ár.
„Traffíkin er miklu minni og það er
stundum að maður sér ekki bíl,“ seg-
ir hann. „Það er ekki lengur þannig
að maður sjái fólk úti á götu að veifa
leigubíl.“
Nóg hefur hins vegar verið að
gera hjá bílaleigum, en samkvæmt
upplýsingum frá bílaleigunni Avis
eru um 1.100 bílar í útleigu þessa
stundina. Hafa starfsmenn fyrirtæk-
isins þurft að vísa ferðamönnum,
sem hafa ætlað sér að leigja bíla, frá
vegna skorts á bílum til leigu.
Reynir Hallgrímsson, stöðvar-
stjóri á Bílaleigu Akureyrar, segir
einnig nóg vera að gera þar, „Það
leiðist að minnsta kosti engum.“
Hann segir flesta viðskiptavini bíla-
leigunnar vera erlenda ferðamenn
sem eru hér á landi í 1-2 vikur og
vilja keyra um landið. Hann segir
samkeppnina þó mikla, „Það eru
mun fleiri um bitann nú en fyrir
nokkrum árum. Það eru komnar í
kringum 150 bílaleigur um landið á
móti 60 fyrir nokkrum árum.“
Flýja rigninguna í leit að sólinni
 Þétt setið á tjaldsvæðum á Norður- og Austurlandi  Tjaldvörður segir stóran hluta vera höfuð-
borgarbúa í leit að betra veðri  Mikið að gera hjá bílaleigum en leigubílstjórar taka skellinn
Sækja í sólina
» Hátt í 1.000 manns eru á
hverri nóttu á tjaldsvæðinu í
Hallormsstaðarskógi á Austur-
landi.
» Mörg tjaldsvæði á Norður-
landi eru full í veðurblíðunni.
Nokkur þúsund manns eru á
Akureyri á Landsmóti skáta.
» Nóg er að gera hjá bílaleigum
landsins, en lægð í leigubíla-
akstri. Leigubílstjóri segir ferð-
irnar mun færri en síðustu ár.
FRÉTTIR 19Innlent
MORGUNBLAÐIÐ LAUGARDAGUR 26. JÚLÍ 2014
Mærudagar hófust á fimmtudaginn síðastliðinn á Húsa-
vík og standa yfir fram á sunnudag. Hátíðin, sem hefur
verið árlegur viðburður á Húsavík síðan 1994, er menn-
ingar- og fjölskylduhátíð og þar er ýmsa afþreyingu að
finna. Meðal viðburða sem hafa fest sig í sessi á hátíð-
inni er hrútasýning, tívolí, hafnarmarkaður Völsungs
og fjöldi tónlistarviðburða. Auk þess fara þar fram hin-
ir ýmsu íþróttaviðburðir og má þar einna helst nefna
Mærumót í strandblaki, Mærumót Völsungs í knatt-
spyrnu, Opna norðlenska Mærudagsmótið og Mæru-
hlaupið. Hefð hefur verið fyrir því að skipta bænum
upp í þrjú litahverfi og hafa hverfin skrýðst sínum
hverfalitum undanfarna daga.
Einar Gíslason, verkefnastjóri Mærudaga, segir há-
tíðina hafa farið vel af stað. „Það er múgur og marg-
menni í bænum og tjaldsvæðin eru mjög þétt setin,“
segir hann. Jafnframt segir hann veðrið eiga stóran
þátt í fjölmenninu. „Það er búið að vera rosalega gott
veður, sól og árleg Mærublíða,“ segir hann alsæll að
lokum. if@mbl.is
Ljósmynd/Hafþór Hreiðarsson
Blíða Mærumótið í strandblaki fór fram á fimmtudag í mikilli veðurblíðu.
Árleg Mærublíða á Húsavík um helgina
Páll Fannar Einarsson
pfe@mbl.is
Norræni sumarháskólinn hófst
formlega í Árskóla á Sauðárkróki í
gærmorgun en þetta er í fyrsta
skipti í tíu ár sem háskólinn er hald-
inn á Íslandi. Norræni sumar-
háskólinn er norrænt tengslanet um
rannsóknir og þverfaglega menntun
og markmiðið er að vera vettvangur
fyrir vísindamenn og nemendur til
að skiptast á þekkingu og þróa nýjar
hugmyndir.
„Þetta eru átta vinnuhópar sem
starfa undir ákveðnu þema. Einu
sinni á ári er haldið vetrarþing þar
sem hver og einn hópur hittist en á
sumrin hittast allir hóparnir á einni
stórri ráðstefnu,“ segir Ingibjörg
Elín Halldórsdóttir, formaður skipu-
lagsnefndar ráðstefnunnar.
Ekki er það aðeins norrænt fólk
sem sækir sumarháskólann heldur
kemur fólk alls staðar að úr heim-
inum til þess að bera saman bækur
sínar. „Sérstaða skólans er meðal
annars að allir geta tekið þátt. Við
erum með fólk frá Bandaríkjunum,
Bretlandi, Frakklandi, Ítalíu og
fleiri löndum. Það eru margir hér
sem eru að vinna að rannsóknum
sem eru ekki endilega inni í akadem-
íu sem koma hingað og hafa áhuga á
að tengjast og kynnast öðru fólki.
Svo erum við með grunnnema í há-
skólum, doktorsnema, blaðamenn og
fleiri sem finna sig kannski ekki á
týpískum formföstum ráðstefnum en
finna sig vel hér,“ segir Ingibjörg.
Töluvert fleiri taka þátt í há-
skólanum en gert hafa undanfarin
ár. Færri komust að en vildu en há-
skólinn stendur yfir þar til á fimmtu-
daginn í næstu viku
„Þetta eru um 150 manns sem
taka þátt í ár. Stemningin er rosa-
lega góð og allir eru mjög glaðir. Það
sem fólk talar mest um núna er
hreina loftið á Íslandi. Maður áttar
sig ekki alltaf á því að það búa ekki
allir við þau forréttindi að geta and-
að að sér hreinu lofti. Fólki líður því
vel hérna á Sauðárkróki þótt það
rigni aðeins á okkur,“ segir Ingi-
björg.
Norræni sumarháskólinn hófst formlega í gær en skólinn er vettvangur til að skiptast á þekkingu og þróa nýjar hugmyndir
Skólinn haldinn
í fyrsta sinn á
Íslandi í tíu ár
Ljósmynd/Norræni sumarháskólinn
Sumarháskóli Norræni sumarháskólinn er norrænt tengslanet um rannsóknir og þverfaglega menntun. Átta
vinnuhópar starfa undir ákveðnu þema og einu sinni á ári hittast hóparnir á einni stórri ráðstefnu.