Morgunblaðið - 26.07.2014, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 26. JÚLÍ 2014
BAKSVIÐ
Skúli Halldórsson
sh@mbl.is
Jón Árni Ágústsson fram-
kvæmdastjóri greiðir hæstu skatta
Íslendinga í ár, eða tæplega 412
milljónir króna. Kemur þetta fram
í yfirliti ríkisskattstjóra um hæstu
gjaldendur í
álagningu ein-
staklinga fyrir
árið 2013, sem
birt var í gær.
Næst á eftir
Jóni er Guð-
björg M. Matt-
híasdóttir, út-
gerðarmaður í
Vestmanna-
eyjum, en hún
greiðir tæplega
390 milljónir króna í skatt. Í
þriðja sæti listans er Ingibjörg
Björnsdóttir framkvæmdastjóri,
en hún greiðir tæplega 239 millj-
ónir króna.
Skattakóngurinn datt út
Athygli vekur að 30 hæstu
gjaldendur á lista ríkisskattstjóra
greiða mun hærri skatta í ár en í
fyrra. Í ár greiða þeir samtals
rúma 3,8 milljarða króna, en í
fyrra greiddu þeir tæpa 2,3 millj-
arða. Það er næstum jafnmikið og
þeir tíu gjaldhæstu greiða núna,
en það nemur rúmum 2,3 millj-
örðum króna. Í fyrra greiddu þeir
aðeins um 1,1 milljarð.
Magnús Kristinsson, skatta-
kóngur síðasta árs, er ekki á með-
al 30 hæstu gjaldenda ársins 2014.
Magnús greiddi um 190 milljónir
króna í skatta í fyrra en skatta-
kóngurinn í ár greiðir ríflega tvö-
falt hærri skatta. Þá greiðir Krist-
ján V. Vilhelmsson, sem vermir 6.
sætið á listanum, hærri skatta í ár
en Magnús greiddi á síðasta ári.
Helmingur býr í Reykjavík
Tíu konur eru á listanum og eru
þrjár þeirra meðal fjögurra hæstu
gjaldenda landsins. Þá eru fjórar
konur í tíu efstu sætum listans, en
þær voru tvær í fyrra. Af þeim
þrjátíu einstaklingum sem eiga
sæti á listanum eru fimmtán með
lögheimili í Reykjavík. Fjórir búa
í Kópavogi, þrír í Garðabæ og
tveir í Hafnarfirði. Alls búa því 24
af þessum 30 einstaklingum á
höfuðborgarsvæðinu.
Þrír eru til heimilis á Akureyri,
einn í Vestmannaeyjum og einn á
Akranesi. Þá er Skúli Mogensen,
fjárfestir og forstjóri Wow air,
skráður með lögheimili í Bret-
landi. Ljóst þykir að helstu stjórn-
endur deCODE hafa átt hluti í fé-
laginu sem fylgdu með þegar
félagið var selt til Amgen á 52
milljarða króna.
Þannig greiða þau Kári Stefáns-
son, Hákon Guðbjartsson, Daníel
Fannar Guðbjartsson, Jóhann
Hjartarson, Unnur Þorsteins-
dóttir, Gísli Másson og Chung
Tung Augustine Kong, samtals
rúmar 532 milljónir króna í skatta.
Nafn þess síðastnefnda vekur
athygli, en hann hefur starfað sem
stjórnandi hjá deCode síðan árið
1996. Þar áður kenndi hann við
Háskólann í Chicago en hann út-
skrifaðist með doktorsgráðu í töl-
fræði frá Harvard háskóla árið
1986.
Pappírsframtöl eru hverfandi
Á skattgrunnskrá voru 268.452
framteljendur, en það er fjölgun
um 4.260 frá fyrra ári. Þá sættu
12.478 einstaklingar áætlunum op-
inberra gjalda sökum þess að þeir
skiluðu ekki framtali. Er það í
kringum 4,65% af heildarfjölda
framteljenda, en í fyrra var hlut-
fallið 4,77% og hefur minnkað
undanfarin ár.
Aldrei hafa jafnmargir framtelj-
endur skilað rafrænu framtali og í
ár, en af 256.119 framtölum voru
aðeins 0,41% þeirra papp-
írsframtöl, eða 1.060 talsins. Í
fyrra voru þau 1,91% af heild-
arfjölda framtala, eða 4.810 tals-
ins. Því er ljóst að fjöldi papp-
írsframtala fer ört minnkandi.
Greiða hærri skatta en í fyrra
 Alls eru tíu konur á lista ríkisskattstjóra yfir 30 hæstu gjaldendur  Tíu hæstu greiða meira en
þrjátíu hæstu á síðasta ári  24 af 30 búa á höfuðborgarsvæðinu  Starfsmenn deCode áberandi
Hæstu gjaldendur í álagningu einstaklinga 2014
Nafn Starf/menntun Heimili Sveitarfélag Samtals gjöld ´14 Samtals gjöld ´13
1 Jón Árni Ágústsson framkvæmdastjóri Hrefnugötu Reykjavík 411.842.058 57.135.381
2 Guðbjörg M. Matthíasdóttir útgerðarmaður Birkihlíð Vestmannaeyjum 389.163.843 135.647.707
3 Ingibjörg Björnsdóttir framkvæmdastjóri Hlyngerði Reykjavík 238.833.509 Ekki á lista í fyrra
4 Kristín Vilhjálmsdóttir fjárfestir Ægisgötu Reykjavík 237.916.060 Ekki á lista í fyrra
5 Þorsteinn Már Baldvinsson útgerðarmaður Barðstúni Akureyri 211.152.221 85.525.210
6 Kristján V. Vilhelmsson útgerðarmaður Kolgerði Akureyri 189.902.544 152.301.324
7 Helga S. Guðmundsdóttir fjárfestir Laufásvegi Reykjavík 185.711.288 57.251.241
8 Ingimundur Sveinsson arkitekt Skeljatanga Reykjavík 172.706.840 Ekki á lista í fyrra
9 Guðmundur Kristjánsson útgerðarmaður Fjölnisvegi Reykjavík 163.095.083 Ekki á lista í fyrra
10 Sigurður Örn Eiríksson tannlæknir Kornakri Garðabæ 103.507.662 109.592.774
11 Kolbrún Ingólfsdóttir athafnamaður Kolgerði Akureyri 98.824.957 67.579.095
12 Stefán Hrafnkelsson framkvæmdastjóri Brautarlandi Reykjavík 86.983.556 Ekki á lista í fyrra
13 Kári Stefánsson forstjóri Þingholtsstræti Reykjavík 85.578.319 Ekki á lista í fyrra
14 Arnór Víkingsson læknir Kársnesbraut Kópavogi 84.421.624 77.452.328
15 Chung Tung Augustine Kong tölfræðingur Marargötu Reykjavík 77.307.871 Ekki á lista í fyrra
16 Hákon Guðbjartsson þróunarstjóri Selvogsgrunni Reykjavík 77.124.324 Ekki á lista í fyrra
17 Skúli Mogensen fjárfestir Bretlandi 76597722 60.163.730
18 Ingólfur Árnason framkvæmdastjóri Sóleyjargötu Akranesi 75.947.861 Ekki á lista í fyrra
19 Daníel Fannar Guðbjartsson stærðfræðingur Vesturbrún Reykjavík 75.806.022 Ekki á lista í fyrra
20 Halldóra Ásgeirsdóttir forvörður Kaplaskjólsvegi Reykjavík 75.280.889 Ekki á lista í fyrra
21 Ólöf Vigdís Baldvinsdóttir lyfjafræðingur Dalakri Garðabæ 75.007.069 62.057.738
22 Jóhann Hjartarson lögfræðingur Síðuseli Reykjavík 74.703.057 Ekki á lista í fyrra
23 Magnús Árnason framkvæmdastjóri Lindasmára Kópavogi 74.226.345 Ekki á lista í fyrra
24 Sigurbergur Sveinsson kaupmaður Miðvangi Hafnarfirði 73.526.365 97.890.768
25 Guðbjörg Edda Eggertsdóttir forstjóri Næfurholti Hafnarfirði 72.727.448 115.385.776
26 Unnur Þorsteinsdóttir erfðafræðingur Melaheiði Kópavogi 71.983.504 Ekki á lista í fyrra
27 Guðný María Guðmundsdóttir röntgentæknir Lindasmára Akureyri 71.938.403 Ekki á lista í fyrra
28 Jóhann Tómas Sigurðsson lögfræðingur Stigahlíð Reykjavík 71.707.761 Ekki á lista í fyrra
29 Finnur Reyr Stefánsson fjárfestir Mávanesi Garðabæ 70.971.797 69.487.059
30 Gísli Másson stærðfræðingur Hörpugötu Reykjavík 69.527.677 Ekki á lista í fyrra
Jón Árni Ágústsson
skattakóngur
Skúli Halldórsson
sh@mbl.is
Skúli Eggert Þórðarson ríkisskatt-
stjóri segist í samtali við Morgun-
blaðið vera ánægður með þann ár-
angur sem náðst hefur með
innleiðingu rafrænna framtala.
„Verkefnið hófst árið 1998 og voru
fyrstu rafrænu framtölin send inn
árið 1999. Þetta jókst jafnt og þétt
en við töldum þetta hafa náð ákveð-
inni mettun á tímabili. Þá héldum við
að ekki yrði unnt að auka útbreiðslu
rafrænna framtala,“ segir Skúli. Síð-
an hafi verið breytt um stefnu.
„Fyrir þremur árum síðan tókum
við svo ákvörðun um að reyna að
fjölga þeim enn meira. Við settum
okkur í samband við þá sem skiluðu
pappírsframtölum og buðum þeim
aðstoð við gerð rafrænna framtala.
Við erum að uppskera árangurinn af
því starfi,“ segir Skúli, og bætir við
að þróunin muni halda áfram.
„Við sjáum það fyrir okkur að á
næstu tveimur árum muni þetta
þróast á þann veg að framtölin verði
eingöngu rafræn. Áformað er að
taka í notkun nýtt framtalsforrit ár-
ið 2016 sem hannað verður sér-
staklega fyrir rafræn skil.“
Þrátt fyrir
þetta segir Skúli
að álagið hafi
ekki minnkað að
ráði.„Það hefur
aðallega breyst,
tölvurnar létta
okkur auðvitað
vinnuna en hins
vegar er nú meira
álag við öflun
launamiðanna og
undirbúning við sjálfa álagninguna.“
Þá segir hann að töluverðar breyt-
ingar séu í farvatninu hjá embættinu
til að auka skilvirkni skattkerfisins
og nefnir meðal annars skattkortin
sem dæmi um það sem nú þarfnast
endurskoðunar.
„Skattkortin voru tekin í notkun
árið 1987 og eru löngu orðin úrelt þó
þau hafi þjónað tilgangi sínum ágæt-
lega í upphafi. Í skoðun er hvort
hægt sé að sleppa þeim alfarið. Okk-
ar mat er hins vegar að allar hreyf-
ingar í þá átt kalli á lagabreytingar.“
Nú mun vera í gangi úttekt á veg-
um embættisins til að meta umfang
undanskota frá skatti. „Vinnan við
þetta er flókin og erfið en við von-
umst til að geta kynnt niður-
stöðurnar síðar á þessu ári.“
Ánægður með fleiri
rafræn framtöl
 Skattkortin fyrir löngu orðin úrelt
Skúli Eggert
Þórðarson
Vandaðir og vottaðir ofnar
Ofnlokasett í
úrvali
NJÓTTU ÞESS AÐ GERA
BAÐHERBERGIÐ AÐ VERULEIKA
FINGERS 70x120 cm
• Ryðfrítt stál
JAVA 50x120 cm
• Ryðfrítt stál
COMB 50x120 cm
• Ryðfrítt stál
Handklæðaofnar í miklu úrvali þar sem
gæði ráða ríkjum á góðu verði.
Vagnhöfða 11 - 110 Reykjavík - 577 5177 - www.ofnasmidja.is