Morgunblaðið - 26.07.2014, Blaðsíða 26

26 FRÉTTIRErlent
MORGUNBLAÐIÐ LAUGARDAGUR 26. JÚLÍ 2014
Þú átt alltaf erindi til okkar
Suðurver | Mjódd | Glæsibær | Húsgagnahöllin | Smáratorg | Austurver
Kjartan Kjartansson
kjartan@mbl.is
Fimm Palestínumenn voru skotnir
til bana af ísraelskum hermönnum
og landtökumönnum á Vesturbakk-
anum í gær. Árás Ísraela á skóla á
vegum Sameinuðu þjóðanna á Gaza-
ströndinni á fimmtudag sem banaði
sextán Palestínumönnum varð
kveikja mótmæla á Vesturbakkan-
um en leiðtogar Palestínumanna
höfðu efnt til „dags reiði“ vegna
harmleiksins. Mótmælin voru þau
fjölmennustu á Vesturbakkanum í
fjölda ára.
Um tvö aðskilin atvik var að ræða.
Í því fyrra voru þrír Palestínumenn
drepnir af ísraelskum hermönnum
þar sem þeir tóku þátt í mótmælum
gegn hernaði Ísraela á Gaza í Beit
Unmar, nærri borginni Hebron.
Í því seinna skutu landtökumenn á
hóp palestínskra mótmælenda eftir
að þeir síðarnefndu höfðu kastað
grjóti í átt að bílum þeirra fyrr-
nefndu nærri Nablus. Átján ára
gamall Palestínumaður féll í skot-
hríðinni. Annar ungur mótmælandi
beið svo bana þegar ísraelskir her-
menn skutu á hópinn og beittu
táragasi.
Að minnsta kosti tveir aðrir Pal-
estínumenn létust í mótmælum í Qa-
landia á Vesturbakkanum á fimmtu-
dag þegar í það minnsta tíu þúsund
mótmælendur komu saman til að
mótmæla mannfallinu á Gaza. Þá eru
tvö hundruð Palestínumenn og 29
ísraelskir lögreglumenn sagðir sárir
eftir að til átaka kom á milli þeirra.
Vill sjö daga vopnahlé
Árásir Ísraela á Gaza og eld-
flaugaárásir Hamas-samtakanna á
Ísrael héldu áfram í gær á sama tíma
og unnið var að því á bak við tjöldin
að koma á vopnahléi.
Tillaga þess efnis var lögð fyrir
fulltrúa ríkisstjórnar Ísraels og
Hamas og réri John Kerry, utan-
ríkisráðherra Bandaríkjanna, að því
öllum árum að sátt næðist um hana
sem fyrst. Fjölmiðlar í Ísrael sögðu
að stjórn landsins hefði hafnað tillög-
unni.
Kerry fundaði meðal annars með
Ban Ki-moon, aðalritara Sameinuðu
þjóðanna, og utanríkisráðherra
Egyptalands. Þá fór Ahmet Davu-
toglu, utanríkisráðherra Tyrklands,
til fundar við Khaled Meshaal, leið-
toga Hamas, í Doha í Katar til að fá
hann til að styðja tillöguna.
Samkvæmt heimildum bandaríska
dagblaðsins The Washington Post
felur tillaga Kerry í sér að deilu-
aðilar leggi niður vopn í um það bil
sjö daga. Sá tími yrði notaður til þess
að koma á varanlegum friði.
Ísraelskir fjölmiðlar gerðu að því
skóna að tillagan veitti Ísraelum
undanþágu til að halda áfram að
eyðileggja jarðgöng herskárra Pal-
estínumanna. Því þyrftu þeir mögu-
lega ekki að draga landher sinn til
baka meðan á vopnahléinu stæði.
Reyndist það rétt væri ólíklegt að
leiðtogar Hamas myndu fallast á
samkomulagið.
Fregnir hermdu seint í gærkvöldi
að Ísraelar og leiðtogar Hamas
hefðu ákveðið að gera tólf klukku-
stunda hlé á árásunum í dag af
mannúðarástæðum.
Ófriðurinn á Gaza breiðist
út til Vesturbakkans
 Fjölmenn mótmæli á landsvæðum Palestínumanna  Vopnahléstillögu hafnað
AFP
Mótmæli Palestínumenn henda steinum í átt að ísraelskum öryggisveitum nærri landtökubyggð gyðinga nærri Ra-
mallah í gær. Fjölmenn mótmæli voru á Vesturbakkanum í gær og á fimmtudag vegna árása Ísraela á Gaza.
Blóðbað
» Dagurinn í gær var átjándi
dagur árása Ísraela á Gaza. Að
minnsta kosti 850 Palestínu-
menn hafa látið lífið í þeim og
rúmlega 5.200 særst, að sögn
heilbrigðisyfirvalda á Gaza.
» Ísraelsher tilkynnti í gær um
fall hermanns. Samtals hafa nú
33 ísraelskir hermenn fallið og
þrír óbreyttir borgarar.
Flugriti flugvélar alsírska flug-
félagsins Air Algerie sem hrapaði í
Malí á fimmtudag er fundinn. Eng-
inn þeirra 116
sem voru um
borð komst lífs
af.
Um hundrað
franskir her-
menn á þrjátíu
farartækjum sem
staðsettir hafa
verið í Malí
vegna átakanna
sem hafa geisað
þar undanfarið
fóru að brotlend-
ingarstaðnum í
gær. Að sögn Bernards Cazeneuve,
innanríkisráðherra Frakklands,
gereyddist vélin þegar hún brot-
lenti.
„Við teljum að flugvélin hafi
hrapað af ástæðum sem tengjast
veðuraðstæðum, þó að ekki sé hægt
að setja fram neina kenningu á
þessari stundu,“ sagði hann.
Vélin var á leið frá Ouagadougou,
höfuðborg Búrkína Fasó, til Al-
geirsborgar í Alsír þegar hún hrap-
aði. Meirihluti farþeganna var
franskur.
Enginn um
borð komst
lífs af
Forsætisráðherra
Búrkína Fasó hug-
hreystir einn að-
standanda.
Yfir fjörutíu starfsmenn Grænfrið-
unga hafa krafist þess að Pascal
Husting, yfirmaður alþjóðlegra
verkefna samtakanna, segi af sér
eftir að upplýst var um að hann not-
aði flugvél til að fara til vinnu í Hol-
landi frá heimili sínu í Lúxemborg.
Starfsmennirnir telja að þetta
óumhverfisvæna háttalag Hustings
hafi skaðað trúverðugleika samtak-
anna. Stjórnmálamenn og fyrirtæki
séu þegar farin að véfengja bar-
áttufólk samtakanna. „Ef Grænfrið-
ungar fara ekki að eigin ráðum, af
hverju ættu aðrir að gera það?“ seg-
ir m.a. í bréfi starfsmannanna.
Vilja að yfir-
maður Græn-
friðunga hætti
Kjartan Kjartansson
kjartan@mbl.is
Tæknirisinn Google hefur samþykkt
um helming þeirra 90.000 beiðna
sem hann hefur fengið um að afmá
niðurstöður úr leitarvél sinni í kjöl-
far úrskurðar Evrópudómstólsins
um rétt einstaklinga til að vera
gleymdir. Fulltrúar Google funduðu
með persónvernd ESB-ríkja í vik-
unni til þess að ræða hvernig fyr-
irtækið hefur framfylgt dómnum.
Beiðnirnar ná til um 328.000 leit-
arniðurstaðna sem einstaklingar
vildu ekki að kæmu upp þegar leitað
væri að þeim með leitarvélinni. Go-
ogle segist hafa samþykkt um 50%
þeirra, hafnað um 30% en í 15% til-
fella hafi verið farið fram á frekari
upplýsingar. Flestar beiðnirnar
koma frá Frakklandi, Þýskalandi,
Bretlandi og Spáni.
Skrifuðu aftur um gamalt mál
Evrópsk persónuverndaryfirvöld
hafa haft sérstakar áhyggjur af því á
hve áberandi hátt Google hefur
framfylgt dómnum. Þannig hefur
fyrirtækið meðal annars sent fjöl-
miðlum tilkynningar um að hlekkir á
fréttir þeirra hafi verið fjarlægðir af
leitarvélinni þegar ákveðin leitarorð
eru slegin inn. Þetta varð meðal ann-
ars til þess að Wall Street Journal
skrifaði aftur um fjárfesti í Hollandi
Google kallað
á teppi per-
sónuverndar
 Deila á vinnubrögð í kjölfar dóms
Dómurinn
» Evrópudómstóllinn kvað
upp úr með að einstaklingar
hefðu rétt á því að fá upplýs-
ingar á leitarvélum um sig af-
máðar.
» Dómurinn hefur hins vegar
aðeins gildi í Evrópu þannig að
netnotendur þar hafa getað
farið í kringum hann með því
að nota alþjóðlega útgáfu
Google.