Morgunblaðið - 16.08.2014, Blaðsíða 2

Hanna Birna
Kristjánsdóttir
innanríkis-
ráðherra og Stef-
án Eiríksson, lög-
reglustjóri
höfuðborgar-
svæðisins, áttu
fjóra fundi eftir að
rannsókn lögreglu
á hinu svokallaða
lekamáli hófst.
Tveir fyrri fundirnir, 18. mars og 3.
maí, voru ákveðnir í sameiningu af
ráðherra og lögreglustjóra en boðað
var til fundanna 16. og 18. júlí af
hálfu ráðuneytisins. Þá hafði lögregla
lokið rannsókn málsins.
Þetta er meðal þess sem kemur
fram í svari innanríkisráðherra við
seinni fyrirspurn umboðsmanns Al-
þingis, Tryggva Gunnarssonar, um
samskipti ráðherra við lögreglu-
stjóra í tengslum við rannsókn á
lekamálinu, en í svarinu er ítrekað að
enginn fundanna hafi verið boðaður
eða haldinn til að ræða rannsóknina.
Tilefni fyrri fundanna tveggja var að
sögn ráðherra að upplýsa hana al-
mennt um löggæslu- og öryggismál
og stöðu ýmissa verkefna á því sviði
en á þeim voru engin gögn lögð fram
og ekki skrifuð fundargerð, sam-
kvæmt svari ráðherra.
„Tilefni fundarins 16. júlí var að
ræða við lögreglustjóra sem annan
þeirra umsækjenda sem hæst höfðu
verið metnir af þeim sem sótt höfðu
um starf forstjóra Samgöngustofu.
Fundurinn 18. júlí var haldinn í fram-
haldi af því eftir að lögreglustjóri
hafði dregið umsókn sína til baka. Þá
tilkynnti lögreglustjóri mér að hann
hygðist taka við starfi hjá Reykjavík-
urborg og ræddi um leið hvernig
hann vildi standa að starfslokum
sínum sem lögreglustjóri,“ segir enn
fremur í svari ráðherra.
Þar kemur einnig fram að þar sem
hvorki fyrri fundirnir tveir né símtöl
sem ráðherra og lögreglustjóri áttu á
umræddu tímabili hafi varðað mál
sem voru formlega til meðferðar í
ráðuneytinu hafi umrædd samskipti
ekki verið skráð í málaskrá ráðu-
neytisins. „Fundir mínir með lög-
reglustjóra 16. og 18. júlí vörðuðu
hins vegar tiltekið mál sem til um-
fjöllunar var í ráðuneytinu, þ.e. ráðn-
ingu nýs forstjóra Samgöngustofu.
Fundir þessir voru skráðir í dagbók
ráðherra en þeir voru hins vegar ekki
að öðru leyti skráðir í málaskrá
ráðuneytisins,“ segir í svari ráð-
herra, sem býður umboðsmanni að
kynna sér heildarskrá ráðuneytisins
í ráðuneytinu.
Lítið til
um sam-
skiptin
 Seinni fundirnir
skráðir í dagbók
Hanna Birna
Kristjánsdóttir
2 FRÉTTIRInnlent
MORGUNBLAÐIÐ LAUGARDAGUR 16. ÁGÚST 2014
Kaupum alla bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Hólmfríður Gísladóttir
holmfridur@mbl.is
Ríkissaksóknari hefur gefið út
ákæru á hendur Gísla Frey Val-
dórssyni, aðstoðarmanni Hönnu
Birnu Kristjánsdóttur innanríkis-
ráðherra. Er honum gert að sök að
hafa brotið gegn þagnarskyldu í
starfi sínu með því að hafa á tíma-
bilinu 19.–20. nóvember 2013 „látið
óviðkomandi í té efni samantektar
er bar yfirskrift-
ina „Minnisblað
varðandi Tony
Omos““. Í yfir-
lýsingu sem Gísli
Freyr sendi frá
sér í gærkvöldi
segist hann hafa
lýst yfir sakleysi
í málinu frá upp-
hafi en hann hef-
ur verið leystur
frá störfum á
meðan málið er til meðferðar fyrir
dómstólum.
Gísli Freyr er ákærður fyrir að
hafa brotið gegn 1. mgr. 136. gr. al-
mennra hegningarlaga nr. 19/1940,
en í ákærunni segir m.a. að í saman-
tektinni hafi verið að finna „við-
kvæmar persónuupplýsingar og
upplýsingar um einkamálefni
þriggja einstaklinga sem leynt áttu
að fara“ og að tilteknar upplýsingar,
sem voru til þess fallnar að hafa
áhrif á umfjöllun um málefni Tony
Omos sem hælisleitanda, hafi birst í
Fréttablaðinu og á netmiðlunum
visir.is og mbl.is að morgni 20.
nóvember 2013.
Málefni dómstóla og ákæru-
valdsins verði færð annað
Það er Helgi Magnús Gunnarsson
vararíkissaksóknari sem fer með
málið, en í ákærugögnunum kemur
fram að ákæruvaldið muni leiða
fram eftirfarandi vitni við aðalmeð-
ferð málsins: Hönnu Birnu Krist-
jánsdóttur, Þóreyju Vilhjálmsdótt-
ur, Ragnhildi Hjaltadóttur,
Bryndísi Helgadóttur, Guðmund
Örvar Bergþórsson, Sigríði Krist-
ínu Axelsdóttur, Hinriku Söndru
Ingimundardóttur, Mörð Árnason,
Jón Bjarka Magnússon, Einar
Steingrímsson, Grím Grímsson,
Heiðar Örn Guðnason, Gylfa Dýr-
mundsson og Þórbjörn Sigurðsson.
Í tilkynningu sem innanríkisráð-
herra sendi frá sér í gærkvöldi kem-
ur fram að Gísli Freyr hafi ávallt
haldið því fram gagnvart ráðherra
að hann sé með öllu saklaus af mál-
inu og geri enn, en hann hafi verið
leystur frá störfum. „Ég hef að auki
óskað eftir því við forsætisráðherra
að þau málefni sem undir mig heyra
og hafa með dómsstóla og ákæru-
vald að gera færist til annars ráð-
herra í ríkisstjórn á meðan dóms-
mál á hendur Gísla Frey stendur
yfir, enda tel ég mikilvægt að friður
skapist um fjölmörg mikilvæg verk-
efni innanríkisráðuneytisins,“ segir
Hanna Birna.
Segir grun lögreglu byggja á
framburði blaðamanns DV
Í yfirlýsingu Gísla Freys segir
hann ákvörðun ríkissaksóknara
valda sér sárum vonbrigðum. „Ítar-
leg rannsókn lögreglu, sem tók tæpt
hálft ár, leiddi ekkert í ljós sem
varpar sekt á mig í þessu máli. Svo
virðist sem grundvallarafstaða
ákæruvaldsins, sem felst í því að
ekki sé gefin út ákæra nema yfir-
gnæfandi líkur séu á sakfellingu, sé
að engu höfð. Auk þess er vert að
benda á að í greinargerð lögregl-
unnar á höfuðborgarsvæðinu, sem
birt er á vef Hæstaréttar, kemur
fram að leitað hafi verið allra leiða
til að upplýsa málið en það teljist þó
enn óupplýst.“
Gísli Freyr segir enn fremur að
samkvæmt rannsóknargögnum
virðist grunur lögreglu byggja á
framburði blaðamanns DV, „sem
sagði í skýrslutöku hjá lögreglu að
honum hefði borist það til eyrna að
aðstoðarmaður ráðherra hefði sent
frá sér trúnaðargögn úr tölvupósti
(vinnupósti) ráðuneytisins“. Þetta
segir Gísli rangt, enda hafi ekkert
komið fram við rannsókn málsins
sem styðji fullyrðingu blaðamanns-
ins.
Ekki refsivert að eiga í sam-
skiptum við fjölmiðlamenn
Að sögn Gísla Freys rannsakaði
lögregla farsímanotkun hans á 10
mánaða tímabili auk þess sem hún
fékk aðgang að persónulegum
tölvupósti hans og tölvu og utaná-
liggjandi tölvudrif afhent. Ekkert
annað hafi komið í ljós en að hann
hafi lesið það gagn sem hann fékk
sent um málið upphaflega og að
hann hafi átt samtöl við starfsmenn
fjölmiðla þá daga sem rannsóknin
náði til.
„Því er til að svara að aðstoðar-
menn ráðherra eiga, eðli málsins
samkvæmt, í nær daglegum sam-
skiptum við hina ýmsu fjölmiðla af
margvíslegu tilefni. Þess utan, eftir
að hafa starfað sjálfur sem blaða-
maður í rúm fimm ár, á ég marga
vini og kunningja á flestum fjöl-
miðlum landsins sem ég er í reglu-
legum samskiptum við, eins og á við
í þessum tilvikum. Það gefur því
auga leið að það eitt, að eiga í sam-
skiptum við fjölmiðlamenn á tíma-
bili sem nær yfir tvo daga, felur
ekki í sér refsivert athæfi og getur
ekki talist annað en eðlilegt í því
starfi sem ég gegni. Þess utan skrif-
uðu þeir fréttamenn, sem ég var í
samskiptum við umrædda daga,
ekki fréttir um þetta tiltekna mál,“
segir Gísli Freyr.
Ríkissaksóknari gefur út
ákæru á hendur Gísla Frey
 Fullviss að hann verði sýknaður í málinu  Leystur frá störfum tímabundið
Morgunblaðið/Eggert
Dómsmál Hanna Birna Kristjánsdóttir innanríkisráðherra hefur óskað eftir því að þau málefni sem hafa með dóm-
stóla og ákæruvaldið að gera færist til annars ráðherra á meðan dómsmálið gegn Gísla Frey stendur yfir.
Gísli Freyr
Valdórsson
Ákæran
» Ríkissaksóknari krefst þess
að ákærði verði dæmdur til
refsingar og greiðslu alls
sakarkostnaðar.
» Í ákærunni kemur fram að
samantektin hafi verið unnin til
upplýsingar fyrir ráðherra í til-
efni af boðuðum mótmælum
vegna brottvísunar Tony Omos.
» Í tilkynningu sinni segist
Gísli Freyr þess fullviss að
hann verði sýknaður.
Sigmundur Davíð Gunnlaugsson for-
sætisráðherra svaraði í gær fyrir-
spurn umboðsmanns Alþingis,
Tryggva Gunnarssonar, um það
hvort núverandi ríkisstjórn hefði
samþykkt siðareglur fyrir ráðherra.
Í svari forsætisráðherra kemur m.a.
fram að tvær meginbreytingar hafi
verið gerðar á ákvæði um siðareglur
ráðherra við heildarendurskoðun
stjórnarráðslaganna, en ný lög tóku
gildi 2011.
„Í fyrsta lagi er það nú ríkis-
stjórnin sem heild sem fer með
ákvörðunarvald um efni siðareglna
en ekki forsætisráðherra einn og í
öðru lagi gera
lögin ekki lengur
þá kröfu að hver
ríkisstjórn setji
sér eða staðfesti
siðareglur sér-
staklega heldur
hafi samþykktar
og birtar siða-
reglur einfald-
lega gildi þar til
þeim er breytt.
Ríkisstjórnin hefur í samræmi við
þetta litið svo á að siðareglur nr. 360/
2011 eigi við um störf ráðherra og
fengu þeir kynningu á reglunum í
upphafi starfstíma ríkisstjórnar-
innar. Þær eru líka hluti af handbók
sem ráðherrar fengu afhenta þegar
þeir tóku við embætti.“
Í svari Sigmundar Davíðs kemur
einnig fram að ekki sé ólíklegt að
ráðist verði í breytingar á siða-
reglunum til að skýra þær og ein-
falda. Fyrirmynda verði leitað sem
víðast ef af verði. „Í því sambandi
leyfir undirritaður sér að spyrja
hvort settar hafi verið siðareglur
fyrir embætti umboðsmanns Al-
þingis og ef reglur hafi verið settar
hvort mögulegt sé að fá aðgang að
þeim,“ segir í lok erindisins.
Reglurnar frá 2011 gilda áfram
Sigmundur Davíð
Gunnlaugsson
 Spyr um siðareglur fyrir embætti umboðsmanns