Morgunblaðið - Sunnudagur - 31.08.2014, Síða 43

Morgunblaðið/Styrmir Kári
Stefán Máni við
skápana sína í
Vesturbæjarlauginni.
Stefán Máni Sigþórsson segir
að sitthvað í sínu fari megi
kannski kalla sérvisku. Líkt og
margir les hann blöðin aftur á
bak, það er að segja með því
að byrja á öftustu síðu og
vinna sig fram. Þá skiptir
hann um buxur 4-5 sinnum á
dag en hverjar buxur þjóna
sínu hlutverki yfir daginn.
„Í sundlaugunum fer ég
alltaf í skáp númer 1 en ef
hann er ekki laus þá er það
skápur númer 7. 7 er alveg
mögnuð tala, erfitt að út-
skýra það, en þar sem ég er
egóisti vil ég helst alltaf vera
númer 1.“ Ef skáparnir eru
ekki lausir fer Stefán Máni í
skáp 17 en ef allt þrýtur og
hann er líka upptekinn fer rit-
höfundurinn bara aftur heim
til sín.
Þá nefnir Stefán Máni að
hann myndi aldrei nokkurn
tímann ganga hægra megin
inn í bíósal. „Hægra megin
minnir mig alltaf á Sjálfstæð-
isflokkinn, ég get ekki gengið
hans veg.“
STEFÁN MÁNI SIGÞÓRSSON RITHÖFUNDUR
Aldrei
til hægri
og alltaf
í 1 eða 7
31.8. 2014 MORGUNBLAÐIÐ SUNNUDAGUR 43
Þóra Sigurðardóttir rithöfundur játar á sig sérvisku er kemur að inn-
kaupum til heimilisins. Í matvörubúðum tekur hún nefnilega þrennt af
öllu. Ef hana vantar Létt og laggott fara þrjár dollur ofan í körfuna, ef það
vantar síróp kaupir hún þrjár sírópsdósir, þrjár mjólkurfernur, þrjá salern-
ishreinsibrúsa og svo framvegis.
„Þetta er í raun fáránlegt því ég er miklu hrifnari af sléttum tölum. Þá
verða öll herðatrén að vera eins og snúa eins inni í fataskáp og efstu tölur á
skyrtum verða að vera hnepptar.“
Þá getur Þóra þess að alla daga endar hún á sama hátt; með því að fara
út á þak og tala við sjálfa sig.
ÞÓRA SIGURÐARDÓTTIR RITHÖFUNDUR
Þrennt af öllu
Árni Geir Valgeirsson
menntaskólanemi
borðar hverja mat-
arsort eina í einu því
ekkert má snertast.
Þegar kvöldmatur er
borinn á borð hefur
hann því sérstakan
hátt á að borða til
dæmis kjöt í sósu með
kartöflum og salati.
„Mér finnst alltaf svo
pirrandi þegar sósa fer
á salatið og kartöfl-
urnar ofan í kjötið.
Þannig að ég fæ mér
salatið fyrst á sér disk.
Svo kartöflurnar og
loks kjötið eða fiskinn
eða það sem er í mat-
inn. Ég borða sem
sagt eina tegund í
einu og enda á sósu-
hlutanum. Ég tek það
samt fram að ég að-
skil ekki sósuna frá
pastanu,“ segir Árni
Geir og hlær.
Árni Geir segir
þennan vana standa
upp úr en hann hafi
þó vanið sig á eitt og
annað sem kannski
allir geri ekki. Nefnir
hann að á baðher-
berginu taki hann til
dæmis alltaf tvisvar í
húninn til að athuga
hvort það sé ekki
örugglega læst.
ÁRNI GEIR VALGEIRSSON MENNTASKÓLANEMI
Morgunblaðið/Styrmir Kári
Maturinn má ekki snertast
Árni Geir Valgeirsson
hefur ákveðna röð og
reglu á matmálstímum.
„Einhverra hluta vegna finnst mér
ómögulegt að hafa „volume“-takkann á
græjunum í bílnum eða á sjónvarpstæk-
inu heima stilltan á oddatölu,“ við-
urkennir Jón Jónsson tónlistarmaður
sem lætur sig miklu skipta hvaða tölu-
stafi hann horfir á þegar hann stillir tæk-
in sín.
„Mér finnst meira að segja erfitt að
horfa upp á einhvern annan hækka sem
er ekkert að spá í þetta. Þá laumast
maður til að laga það.“
Þangað til nýlega hefur þetta ekki
valdið teljandi vandræðum. „Þetta er
orðið smávesen eftir að ég eignaðist son
minn. Hann er kannski sofandi inni í her-
bergi og ég er að horfa á eitthvað í sjón-
varpinu og reyni að hafa það ekki of hátt
stillt til að vekja hann ekki. Ég er búinn
að komast að því að það væri mjög fínt
ef ég gæti þolað að tækið væri stillt á
þrjá því næsta slétta tala fyrir ofan, fjórir,
er of há en tvisturinn er of lágt.“
Jón segist engu að síður líta svo á að
ýmiss konar hegðun af þessu tagi geri líf-
ið skemmtilegra enda hafi þetta ekki
teljanleg áhrif að öðru leyti. „Það að ég
tel til dæmis þrepin þegar ég geng upp
tröppur er til þess að það sé ekki dauður
punktur í lífinu.“
JÓN JÓNSSON TÓNLISTARMAÐUR
Morgunblaðið/Styrmir Kári
Laumast til að
endurstilla
Engar oddatölur, takk.
Jón Jónsson tónlist-
armaður stillir út-
varps- og sjónvarps-
tæki af kostgæfni.
Bandaríski sálfræðingurinn David
Weeks hefur skoðað persónu-
einkenni þeirra sem búa yfir
minni eða meiri sérvisku og
kenningar hans er meðal annars
að finna í kennslubókum fyrir
menntaskóla hérlendis en
Weeks er afar virtur í sinni grein
og hefur skoðað hegðun nokkur
þúsund sérvitringa. Hann segir
að meðan sérviska sé eitthvað
sem hamli ekki fólki sé það eng-
inn sjúkdómur og sérvitringar
eigi það sameiginlegt að vera yf-
irleitt hamingjusamir í eigin
skinni.
Þá hafa rannsóknir hans og
fleiri vísindamanna leitt í ljós að
þeir sem hafa einhverjar daglegar
venjur sem eru ekki eftir bókinni
eru líklegri til að vera heilsu-
hraustir – bæði til andlegrar og
líkamlegrar heilsu.
Weeks segir sameiginleg ein-
kenni sérvitringa meðal annars
þessi:
 Sjaldnast íhaldssamir
einstaklingar
 Sköpunargáfa
 Forvitni
 Hugsjónir
 Gáfur
 Fasið blátt áfram
 Þurfa oft ekki mikinn
félagsskap, eiga auðvelt með
að vera einir með sjálfum sér
 Forvitið eðli
 Svartur húmor
EINKENNI SÉRVITRINGA
Heilbrigðir með
svartan húmor