Morgunblaðið - 05.09.2014, Qupperneq 31
MENNING 31
MORGUNBLAÐIÐ FÖSTUDAGUR 5. SEPTEMBER 2014
Brot (Mann-
eskjan sér sig
ekki) nefnist
sýning sem
myndlistarmað-
urinn Stein-
grímur Eyfjörð
opnar á Gló, á
Laugavegi 20b, í
kvöld kl. 20. Þar
gefur að líta tólf
málverk frá
árinu 2006 sem hafa ekki verið
sýnd áður. Verkin eru byggð upp
á texta og samtali Steingríms við
Margréti H. Blöndal myndlist-
arkonu og dr. Birnu Bjarnar-
dóttur dósent í íslenskum bók-
menntum. „Verkið má sjá sem
sjálfsmynd; portrett af þjóð, sem
gert er í logni á undan stormi sið-
ferðilegs-, og fjárhagslegs gjald-
þrots í lok árs 2008,“ segir m.a. í
tilkynningu.
Sýningin stendur út mánuðinn
og er opin alla daga milli kl. 11 og
21.
Manneskjan sér
sig ekki, á Gló
Steingrímur
Eyfjörð
Silja Björk Huldudóttir
silja@mbl.is
„Líkt og síðustu ár eru ný íslensk út-
varpsleikrit í öndvegi, eftir bæði virt
og reynd leikskáld, sem og ný kyn-
slóð leikskálda sem vænta má að eigi
eftir að hasla sér frekari völl í ís-
lensku leikhúsi,“ segir Viðar Egg-
ertsson, stjórnandi Útvarpsleikhúss-
ins, um komandi vetrardagskrá.
„Eitt af meginmarkmiðum Útvarps-
leikhússins er að vera leikhús í stöð-
ugri þróun. Þannig hefur öll frum-
sköpun okkar það að meginmarkmiði
að búa til nútímaútvarpsleikhús sem
er þess eðlis að aðeins sé hægt að
flytja verkin í þessum miðli. Við er-
um leikhús allrar þjóðarinnar og við
þurfum að hafa í huga að fólk hefur
mismunandi smekk og langanir,“
segir Viðar og leggur áherslu á að
Útvarpsleikhúsið sinni þannig jöfn-
um höndum frumsköpun ásamt því
að flytja perlur úr safni.
Í vetur verða átta ný íslensk leikrit
frumflutt, en helmingur þeirra var
pantaður sérstaklega fyrir Útvarps-
leikhúsið. „Á síðustu árum höfum við
lagt aukna áherslu á ný íslensk leikrit
enda finnst okkur mikilvægt að flytja
verk sem endurspegla líf fólks í dag.
Þar höfum við haft það að markmiði
að raddir kvenna heyrist, enda eru
hugmyndir, hugsjónir og tilvera
kvenna ekki síðri en karla. Við höfum
í því skyni jafnað stöðu kynjanna í
hópi leikskálda og -stjóra,“ segir Við-
ar, en fimm leikskáld og fimm leik-
stjórar nýju verkanna eru konur.
Fyrsti frumflutningur vetrarins
verður sunnudaginn 7. september kl.
13 á Lífshættu eftir Þóreyju Sigþórs-
dóttur í leikstjórn höfundar. „Í leik-
ritinu er notast við upptöku á rödd
Jakobínu Sigurðardóttur þegar hún
las sögu sína, Í sama klefa, í útvarpið
árið 1989,“ segir Viðar og bendir á að
þannig fari Jakobína, sem lést árið
1994, með eitt aðalhlutverkið í leikrit-
inu. „Þarna er verið að gera hluti sem
væri hvergi hægt að gera nema í út-
varpi.“
Önnur ný verk eru Rökrásin eftir
Ingibjörgu Magnadóttur í leikstjórn
Hörpu Arnardóttur sem flutt verður
28. september, Lán til góðverka eftir
Auði Övu Ólafsdóttur í leikstjórn
Kristínar Eysteinsdóttur 2. nóv-
ember, Blinda konan og þjónninn eft-
ir Sigurð Pálsson í leikstjórn Krist-
ínar Jóhannesdóttur 4. janúar,
Strindberg – stundin okkar eftir
Bjarna Jónsson í leikstjórn höfundar
1. febrúar, … svo hætt’ún að dansa
eftir Guðmund Ólafsson í leikstjórn
Erlings Jóhannessonar 1. mars,
Svefngrímur eftir Höllu Þórlaugu
Óskarsdóttur í leikstjórn Guðjóns
Pedersen 6. apríl og Sek eftir Hrafn-
hildi Hagalín í leikstjórn Mörtu Nor-
dal 21. mars.
„Þegar ég sá Sek hjá Leikfélagi
Akureyrar í fyrra fannst mér ég
strax heyra að það myndi henta mjög
vel fyrir útvarp. Þegar við tökum ný
íslensk verk sem hafa verið frumflutt
á sviði þá finnst mér mikilvægt fyrir
höfundinn að við gerum nýja upp-
færslu á því með nýjum leikstjóra og
leikhóp, enda búa íslenskir höfundar
við það að sjá eða heyra sjaldan fleiri
en eina uppsetningu á verkum sín-
um.“
Fjölskylduleikrit um hátíðirnar
„Nýjungin í ár felst í því að við ætl-
um að setja framhaldsleikrit fyrir
alla fjölskylduna á dagskrá um hátíð-
irnar,“ segir Viðar og vísar þar ann-
ars vegar til þess að Sitji guðs englar
eftir Guðrúnu Helgadóttur leikgerð
Illuga Jökulssonar og leikstjórn
Hallmars Sigurðssonar verður flutt
um jólin, en upptakan er frá 1999, og
hins vegar Elsku Míó eftir Astrid
Lindgren í leikgerð Kristinu Lugn og
nýrri þýðingu Þórarins Eldjárn flutt
um páskana. „Við ætlum að gera
þessar tvær hátíðir að hátíðum fjöl-
skyldunnar.“
Að sögn Viðars verða fluttar tvær
perlur úr safni, annars vegar Maður
og kona frá árinu 1960 og hins vegar
Höll sumarlandsins frá 1962. Fimm
nýleg íslensk leikrit verða endurflutt,
en þau eru Undanþágunefndin eftir
Gunnar Gunnarsson í leikstjórn Er-
lings Jóhannessonar, Ímyndaðar af-
stæðiskenningar eftir Ævar Þór
Benediktsson í leikstjórn Árna Krist-
jánssonar, Jobsbók í íslenskum bún-
ingi Helga Hálfdanarsonar í leik-
stjórn Sveins Einarssonar, Kona
hverfur eftir Sigríði Jónsdóttur í leik-
stjórn Ásdísar Þórhallsdóttur og loks
Fjalla-Eyvindur eftir Jóhann Sig-
urjónsson í leikstjórn Mörtu Nordal.
„Þegar ég sá uppsetningu hennar á
sviði fannst mér verkið svo útvarps-
vænt að ég vildi endilega fá það á
dagskrá,“ rifjar Viðar upp og bendir
á að Marta nýti sér brot úr útvarps-
flutningnum á leiksýningu Leik-
félags Reykjavíkur á Fjalla-Eyvindi
frá árinu 1968.
Af öðru efni vetrarins má nefna að
í febrúar verður flutt ný þriggja
þátta röð Trausta Ólafssonar um
bandaríska leikskáldið Arthur Miller
í tilefni þess verða liðin tíu ár frá and-
láti skáldsins, en síðla næsta árs
verða liðin hundrað ár frá fæðingu
hans. Allar nánari upplýsingar um
dagskrá Útvarpsleikhússins má
finna á ruv.is og á Facebook-síðu
leikhússins.
Nýsköpun í bland
við perlur úr safni
60 útsendingar
hjá Útvarpsleikhús-
inu á ári á sunnu-
dögum kl. 13
Morgunblaðið/Þórður
Allra „Við erum leikhús allrar þjóðarinnar og við þurfum að hafa í huga að
fólk hefur mismunandi smekk og langanir,“ segir Viðar Eggertsson.
Ármú la 19 | S: 553-9595 | gahusgogn@gahusgogn. is | www.gahusgogn. is
1975-2014
GÁ húsgögn ehf. er traust fyrirtæki sem hefur verið á íslenskum markaði um árabil. Við
leggjum áherslu á stílhrein, vönduð húsgögn og góða þjónustu.
Við tökum málin þín í okkar hendur
Sérsmíðum fyrir heimili og fyrirtæki
★★★★ – SGV, Mblamlet
Tjarnargötu 12 | 101 Reykjavík | sími 527 2100 | tjarnarbio.is
Róðarí (Aðalsalur)
Þri 16/9 kl. 20:00 Sun 28/9 kl. 20:00 Fös 10/10 kl. 20:00
Mið 24/9 kl. 20:00 Lau 4/10 kl. 20:00
Trúðleikur (Aðalsalur)
Sun 7/9 kl. 14:00 Sun 21/9 kl. 14:00 Sun 12/10 kl. 14:00
Sun 14/9 kl. 14:00 Sun 28/9 kl. 14:00
Kameljón (Aðalsalur)
Lau 6/9 kl. 20:00 Sun 21/9 kl. 20:00 Sun 5/10 kl. 20:00
Fös 12/9 kl. 20:00 Lau 27/9 kl. 20:00
Petra (Aðalsalur)
Fös 5/9 kl. 20:00 Fim 11/9 kl. 20:00