Morgunblaðið - 05.09.2014, Qupperneq 36
FÖSTUDAGUR 5. SEPTEMBER 248. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Ekki frændi minn lengur
2. Kona hálshöggvin í London
3. Var engin hetja (myndskeið)
4. Sneri til baka með dóttur sína
»MEST LESIÐ Á mbl.is
FÓLK Í FRÉTTUM
Norski kórinn Hemne og Vinje
Songlag er á tónleikaferðalagi um
suðvesturhorn Íslands og heldur tón-
leika í Seltjarnarneskirkju á morgun
kl. 17. Kórinn mun flytja lög frá ýms-
um tímum og af ýmsu tagi, flest sam-
in á undanförnum 20 árum. Kórinn
hélt upp á 25 ára afmæli sitt í fyrra
og var samþykkt á aðalfundi hans að
hann gæfi sér fimm daga Íslandsferð
í afmælisgjöf. Stjórnandi kórsins er
Björn Leifsson og hefur hann undan-
farnar vikur staðið í ströngu við að
svara óþrjótandi spurningum kór-
félaga og annarra Hemne-verja um
eldfjöll og eldgos, að því er fram
kemur í tilkynningu. Segir þar einnig
að kórinn hafi verið staðráðinn í því
að komast til Íslands og að ef það
tækist væri söngvurum nokk sama
hvenær eða hvernig þeir kæmust aft-
ur heim. Á myndinni sjást nokkrir
meðlimir kórsins.
Gáfu sér kórferð til
Íslands í afmælisgjöf
Menningarhúsið Mengi við Óðins-
götu 2 í Reykjavík býður upp á tvenna
tónleika, í kvöld og annað kvöld. Kría
Brekkan, tónlistarkona og gjörninga-
listamaður með meiru, mun leika og
syngja frumsamin píanólög í kvöld kl.
21 og á sama tíma ann-
að kvöld kemur fram
tónlistarmaðurinn Loji.
Með honum leika vinir
hans Grímur og Jón
2013 og munu
þeir flytja
draumkennda
popptónlist
um lífið, vini
og alheiminn.
Kría Brekkan og Loji
koma fram í Mengi
Á laugardag og sunnudag Suðvestan 8-13 m/s og súld eða rign-
ing með köflum, en hægari og þurrt að kalla A-lands. Hiti 10 til 17
stig, hlýjast A-til. Á mánudag Suðaustan 10-15 m/s og talsverð
rigning, en þurrt NA-lands fram á kvöld. Hiti víða 9 til 16 stig.
SPÁ KL. 12.00 Í DAG Léttskýjað A-lands, en annars sunnan
8-13 m/s og dálítil rigning eða súld eftir hádegi. Hiti 10 til 15 stig.
VEÐUR
Leiknir og ÍA leika í deild
þeirra bestu í knattspyrnu
karla á næsta ári. Þetta var
ljóst eftir sigur liðanna í
20. umferð 1. deildarinnar
sem hófst í gær. Fögnuður
liðanna var mikill en
þó meiri hjá
Leiknismönnum
enda er þetta í
fyrsta sinn sem
Leiknir kemst
upp í efstu
deild. »2-3
Leiknir og ÍA upp
í Pepsi-deildina
Íslandsmót karla í íshokkíi hefst í
kvöld en nú senda fjögur félög lið til
keppni eftir að Esja bættist í hópinn.
Nýliðarnir hafa fengið mikinn
liðsauka frá Reykjavíkur-
liðunum tveimur sem eru
veikari fyrir vikið.
Skautafélag Akureyrar á
Íslandsmeistaratitil að
verja og þykir sigur-
stranglegt í upphafi
tímabils. »4
Akureyringar eru
sigurstranglegir
Landslið Mexíkó og Senegals hafa
komið á óvart á heimsmeistaramótinu
í körfuknattleik karla sem nú stendur
yfir á Spáni. Báðum liðum tókst óvænt
að komast í 16-liða úrslit. Riðlakeppn-
inni lauk í gærkvöldi og framundan er
16-liða útsláttarkeppni á laugardag og
sunnudag. Spánverjar, Grikkir og
heimsmeistarar Bandaríkjanna eru
taplausir á mótinu. »1
Riðlakeppni á HM í
körfubolta er lokið
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Benedikt Bóas
benedikt@mbl.is
„Það er ekki verið að ná í féð vegna
eldgoss. Það get ég sagt ykkur, það
er bara verið að ná í það vegna sög-
unnar,“ segir Héðinn Sverrisson,
bóndi á Strönd í Mývatnssveit, en
bændur í sveitinni rétta á sunnudag
í Reykjahlíðarrétt, sem sumir
heimamenn kalla reyndar Hlíð-
arrétt.
Síðustu tvö ár voru erfið fyrir
bændur í sveitinni en þá komu
óvenjudjúpar haustlægðir og fjöldi
kinda drapst í þeim veðrum.
Héðinn og félagar voru að smala
Gæsafjöll og veðrið lék við gangna-
menn. Yfir 20 stiga hiti var þennan
laugardag sem ákveðið var að
smala. „Það er djöfull heitt,“ sagði
Héðinn sem skartaði stuttermabol.
Hrósað af stóru systur
Í gangnamannahópnum voru
tvær dætur Héðins; Erna, sem hef-
ur farið í göngur síðan 1985 með
nokkrum hléum, og hin 13 ára Diljá,
sem var að fara í fyrsta sinn í göng-
ur á hesti. „Þetta var ofsalega gam-
an,“ segir Diljá.
„Við fórum norður fyrir Gæsadal
að Gæsafjöllum, meðfram Svart-
hamri og svo var smalað heim,“ seg-
ir hún og er greinilega vel að sér um
mývetnskar heiðar.
Stóra systir getur ekki annað en
hrósað þeirri minni. „Hún stóð sig
alveg ofsalega vel.“
Erna hefur einu sinni týnst í
göngum en þá var hún bara lítil
stúlka. „Ég skilaði mér nú á end-
anum,“ segir hún og hlær. „Ef mað-
ur finnur vatnið er auðvelt að rata
hér í Mývatnssveit.“
Allur er varinn góður
Í göngunum á laugardaginn var
fundu bændur töluvert af dauðu fé
en septemberveðrið 2012 skildi
margar kindur eftir undir fönn. Allt
að tíu þúsund ær drápust þegar
kröftug haustlægð skall á óvenju-
snemma og tjón bænda og annarra
íbúa Norðausturlands var mikið.
Slík haustlægð virðist ekki í kort-
unum nú en síðustu tvö ár fengu
bændur lítinn tíma til að bregðast
við.
„Allur er varinn góður,“ sagði
Héðinn um leið og hann rak kind-
urnar inn í hús.
Í gær smöluðu bændur norður
fyrir Kröflu og að Hrútafjöllum
austur af Hlíðarhaga þar sem var
gist. Búast má við að byrjað verði
að draga í sundur og setja í dilka
um tíuleytið á sunnudag. Á annað
þúsund ær hafa skilað sér af fjalli
og eru bændur ánægðir með heimt-
ur.
13 ára í sínum fyrstu göngum
Bændur í
Mývatnssveit
sækja fé á fjall
Morgunblaðið/Eggert
Systurnar smala Erna og Diljá Héðinsdætur voru glaðar í bragði þegar þær komu heim af fjalli. Heimtur voru
góðar og veðrið frábært. Mývetningar rétta næsta sunnudag en á annað þúsund ær hafa skilað sér af fjalli.
Góður galli Arnþór Birgisson smalaði á mótorhjóli að þessu sinni en hann
þurfti stundum að bregða sér af baki og nota tvo jafnfljóta.