Morgunblaðið - 26.09.2014, Blaðsíða 14

SVIÐSLJÓS
Ingveldur Geirsdóttir
ingveldur@mbl.is
Flugbrautirnar á Kaldármelum og
á Sprengisandi eru enn opnar þó
ISAVIA hafi gefið það út í sumar að
það ætti að loka þeim, ásamt flug-
brautinni á Siglufirði, 1. september.
Flugbrautin á Siglufirði verður tek-
in af skrá 16. október en Orri Vig-
fússon athafnamaður og nokkrir fé-
lagar hans hafa óskað eftir því að
taka hana yfir. Það er nú í skoðun í
innanríkisráðuneytinu.
Friðþór Eydal, talsmaður
ISAVIA, segir að hann hafi ekki
heyrt um að fleiri einkaaðilar hafi
lýst áhuga á að taka yfir rekstur
annarra flugbrauta sem á að loka.
Hann segir að endanleg ákvörðun
um lokun brautanna liggi hjá inn-
anríkisráðuneytinu. „Það er ráðu-
neytið sem ákveður þjónustustig
brautanna. Það hefur ekki veitt
neitt fé til að halda þeim við og þá
er ekki neitt annað fyrir ISAVIA að
gera en að láta afskrá þær,“ segir
Friðþór.
Sprengisandur líklega opinn
Matthías Sveinbjörnsson, forseti
Flugmálafélags Íslands, segir að
hann hafi ekki heyrt um það hve-
nær loka eigi brautunum. „Sprengi-
sandi verður líklega ekki lokað. Það
hefur sannast núna þegar gosið í
Holuhrauni fór af stað að þetta er
einn af þeim flugvöllum sem menn
geta leitað í þegar verið er að fljúga
yfir hálendið. Hann er mikilvægur
upp á flugöryggi. Þessar brautir
lokast hinsvegar sjálfkrafa í vetur
þegar snjór og fleira kemur í veg
fyrir að hægt sé að nota þær.“
Það skiptir mjög miklu máli að
halda þessum flugbrautum opnum
að sögn Matthíasar. „Notkun
brautanna er eitt en síðan hvaða
hlutverki þær gegna í sambandi við
flugöryggi er annað. Ýmislegt get-
ur komið upp á og þá er alltaf betra
að lenda á flugvelli en á vegi eða
túni.“
Matthías segir að það sé ekki
dýrt að halda úti þessum flug-
brautum en það sé dýrt að leggja
nýjan flugvöll. „Þú heldur fjárfest-
ingunni við með reglubundnu við-
haldi en á tiltölulega stuttum tíma
er auðvelt að eyðileggja hana með
því að gera ekki neitt.“
Flugvélum óheimilt að lenda
Grasflugbrautin á Kaldármelum
gegnir mikilvægu hlutverki fyrir
nemendur Flugskóla Íslands en þar
eru æfðar lendingar og flugtök á
mjúkbrautar-flugvöllum í yf-
irlandsflugi. Ef flugvöllurinn lokast
verður eina grasflugbrautin sem
notuð er til flugkennslu, fjarri skól-
anum, á Hellu á Suðurlandi.
Kaldármelar hafa ekki verið í
þjónustusamningi við innanríkis-
ráðuneytið frá 2008 en aðili á svæð-
inu sér um að halda vellinum við
með slætti og völtun. Þrátt fyrir að
völlurinn kosti ríkið lítið sem ekk-
ert á samt að taka hann af skrá en
það hefur í för með sér að flug-
vélum verður óheimilt að lenda á
honum.
Þá krefjast oft tryggingaskil-
málar einka- og kennsluflugvéla, að
þær lendi á skráðum flugvöllum, en
upplýsingar um skráða velli er ein-
göngu að finna á flugkortum og í
Flugmálahandbók Íslands, útgef-
inni af samgönguyfirvöldum. Hægt
er að utanvallartryggja flugvélar,
en slíkt eykur kostnað flugvélaeig-
enda til muna. Flugbrautin verður
því ekki lengur löggiltur lending-
arstaður en Kaldármelar eru eina
flugbrautin á Mýrunum, næstu
brautir eru á Rifi og í Stykkishólmi.
„Það er dapurlegt að horfa upp á
hve mörgum flugvöllum hefur verið
lokað undanfarin 10 til 15 ár. Að
sjálfsögðu skapar þetta ákveðin
vandamál í kennslunni hjá okkur ef
það er verið að loka flugbrautum í
næsta nágrenni í síauknum mæli,“
segir Reynir Einarsson, yfirkenn-
ari hjá Flugskóla Íslands.
Ekki löggiltur lendingarstaður
 Grasflugbrautin á Kaldármelum gegnir mikilvægu hlutverki fyrir nemendur Flugskóla Íslands
 Loka á brautinni þó hún kosti ríkið lítið sem ekkert  Mikilvægar brautir fyrir flugöryggið
Morgunblaðið/Þórður
Grasflugbraut Snertilending á Kaldármelum. Til stendur að loka grasflugbrautinni á Kaldármelum þó rekstur hennar kosti ríkið lítið sem ekkert.
Aðili á svæðinu sér um að halda vellinum við með slætti og völtun. Kaldármelar eru mikilvægur æfingastaður fyrir nemendur Flugskóla Íslands.
14 FRÉTTIRInnlent
MORGUNBLAÐIÐ FÖSTUDAGUR 26. SEPTEMBER 2014
„Við höfum kallað eftir því varð-
andi biðlistana að fá fyllri upplýs-
ingar um þá og ég hef verið í ágæt-
is samskiptum við Pál Matthíasson,
forstjóra Land-
spítalans, út af
þeim en við er-
um ekki með
neinar beinar að-
gerðir í þessu
sem ég get lagt
á borðið,“ segir
Kristján Þór Júl-
íusson heilbrigð-
isráðherra
spurður hvort
hann hafi beitt sér fyrir því að unn-
ið verði í því að stytta biðlista í að-
gerðir á Landspítalanum. Yfir 5.000
manns bíða nú eftir að komast í að-
gerð á spítalanum.
„Það verkefni sem ég sé nær-
tækast að fara í er að athuga hvort
hægt sé að nýta skurðstofur annars
staðar en á Landspítalanum og
færa þannig álagið þaðan út og í
annað rými sem stendur fullbúið og
tómt. Þá væri hægt að hafa tiltæka
skurðstofu á spítalanum fyrir
bráðatilvik en þau ýta miklu af
skipulögðum aðgerðum út af dag-
skrá.“
Spurður hvort það væri ekki ein-
faldara að opna þær skurðstofur
sem standa nú lokaðar á Landspít-
alanum svarar Kristján Þór að
ýmsar ástæður séu fyrir því að það
sé ekki svo einfalt. „Ef við eigum
skurðstofur á Reykjanesi eða Akra-
nesi sem standa ónotaðar er öll
skynsemi fólgin í því að nýta þá
fjárfestingu sem stendur þar tilbú-
in og færa fagmenntað fólk til að-
gerða í vannýtt rými. Það getur vel
verið að það sé hægt að vinna þetta
með Landspítalanum og viðkom-
andi sjúkrahúsum án þess að til
þess þurfi meiri fjármuni. Það
kunna að vera færi í því og það eru
þeir þættir sem ég óskaði eftir við
Pál að skoða.“
Nú stendur yfir vinna í heilbrigð-
isráðuneytinu við nýja Evróputil-
skipun um rétt fólks til að leita sér
heilbrigðisþjónustu í öðrum aðild-
arríkjum. Kristján Þór stefnir að
því að leggja fram frumvarp vegna
hennar á vorþingi. „Við erum að
draga það frumvarp upp og reyna
að gera okkur mynd af því með
hvaða hætti það mun hafa áhrif
hér, bæði á þjónustu Landspítalans
og á aðra heilbrigðisþjónustu.“
ingveldur@mbl.is
Nýta ónotaðar
skurðstofur
Kristján Þór
Júlíusson
 Skoðar hvernig stytta má biðlista
Glóðarsteiking og gott hráefni
– gerir steik eins og steik á að bragðast
Barónsstíg 11
101 Reykjavík
argentina.is
Borðapantanir
551 9555