Morgunblaðið - 03.10.2014, Page 41

MENNING 41
MORGUNBLAÐIÐ FÖSTUDAGUR 3. OKTÓBER 2014
Davíð Már Stefánsson
davidmar@mbl.is
„Síðasta plata sveitarinnar, So
Long, See You Tomorrow, fór í
efsta sæti breska vinsældalistans í
febrúar þegar hún kom út. Í síðustu
viku var hún líka tilnefnd til hinna
virtu Mercury-verðlauna,“ segir
Guðbjartur Finnbjörnsson tónleika-
haldari sem skipuleggur um þessar
mundir tónleika bresku indísveit-
arinnar Bombay Bicycle Club sem
haldnir verða í Eldborgarsal Hörpu
17. nóvember næstkomandi. Merc-
ury-verðlaunin þykja mikill gæða-
stimpill en meðal sveita sem hafa
unnið þar til verðlauna má nefna
Primal Scream, Suede, Portishead,
Badly Drawn Boy, Franz Ferdin-
and, James Blake og Alt-J.
Kom fram á Airwaves 2010
„Sveitin hefur farið stigmagnandi
síðustu ár. Þetta er tiltölulega ung
hljómsveit, gaf út sínna fyrstu plötu,
I Had the Blues But I Shook Them
Loose, árið 2009. Það sem er svo
skemmtilegt við sveitina er að hún
er rosalega skapandi. Þetta eru
strákar sem eru að gera nákvæm-
lega það sem þá langar til að gera
og gera það vel,“ segir hann. Þetta
verður ekki í fyrsta skiptið sem
Bombay Bicycle Club stígur á svið á
íslenskri grundu en sveitin kom
fram á tónlistarhátíðinni Iceland
Airwaves árið 2010. Söngvari sveit-
arinnar, Jack Steadman, kom einnig
fram órafmagnaður á Hressó ásamt
Þorbjörgu Ósk Eggertsdóttur árið
2012. Hljómsveitin er sem stendur í
mikilli hljómleikaferð um heiminn
til að fylgja eftir nýjustu plötu sinni
og mun hún meðal annars koma
fram í ensku tónleikahöllinni Earls
Court sem tekur um tuttugu þúsund
manns. Að sögn Guðbjarts er nánast
uppselt á þá tónleika.
„Sveitin er búin að vera að fylgja
eftir nýju plötunni og hefur verið að
flækjast út um allt. Þeir eru núna í
Ameríku og færa sig síðan yfir til
Evrópu. Evróputúrinn byrjar í
rauninni á Íslandi, við erum fyrsta
Evrópustoppið þeirra. Þeir verða
því í góðri þjálfun og heitir þegar
þeir koma hingað. Ég hef líka ein-
hvern veginn á tilfinningunni að
þeir hlakki mjög til að koma hing-
að,“ segir Guðbjartur að lokum en
þess má geta að miðasalan hefst á
þriðjudaginn, 7. október, á midi.is
og harpa.is.
Rokk Breska indísveitin Bombay Bicycle Club efnir til hljómleika í Eldborg-
arsal Hörpu 17. nóvember. Síðasta plata þeirra er m.a. tilnefnd til Mercury.
Á flækingi
um heiminn
 Bombay Bicycle Club í Eldborg Silja Björk Huldudóttirsilja@mbl.is
„Þessi viðurkenning kom mér full-
komlega á óvart. Ég sendi handritið
inn í maí að áeggjan Dags, sonar
míns, sem hlaut þessi verðlaun árið
2012 fyrir ljóðabókina Þar sem vind-
arnir hvílast. Sjálfur hafði ég ekki
alltof mikla trú á þessum textum
sem vinningshandriti, en gæfan var
með mér,“ segir Hjörtur Marteins-
son sem í gær hlaut Bókmennta-
verðlaun Tómasar Guðmundssonar
2014 fyrir ljóðabókina Alzheimer-
tilbrigðin sem Tunglið gefur út.
„Bókin fjallar um gleymskuna,
minnið og hvernig maður upplifir
tíma sem er liðinn. Lesandinn fylgir
ljóðmælanda í gegnum heim
gleymsku og óminnis.“ Þetta er í
annað sinn sem Hjörtur hlýtur verð-
launin, en í fyrra skiptið var það árið
2000 fyrir skáldsöguna AM 00.
Alls bárust 48 handrit í ár. Í um-
sögn dómnefndar, sem skipuð var,
Ragnhildi Pálu Ófeigsdóttur, Bjarna
Bjarnasyni og Davíð Stefánssyni,
sem var formaður nefndar, segir um
verðlaunabókina að hún hafi „sér-
kennilegt og seiðandi aðdráttarafl
[...] Tónn bókarinnar er gráglettinn,
hlýr, mjúkur og allt að því angurvær
og höfundur miðlar vel þeirri þoku-
kenndu tilfinningu sem hlýtur að
fylgja því að horfa upp á ástvin sinn
hverfa inn í völundarhús hugans, án
mikillar vonar um endurkomu.“
Hjörtur, sem er með B.A.-próf í
íslensku og M.A.-próf í íslenskum
bókmenntum frá Háskóla Íslands
ásamt kennsluréttindum frá sama
skóla, hefur gefið út tvær aðrar
ljóðabækur, Ljóshvolfin 1996 og
Myrkurbil 1999. Hann hlaut Ljóð-
staf Jóns úr Vör hlaut 2004. Síðustu
ár hefur hann kennt íslensku á ungl-
ingastigi við Árbæjarskóla í Reykja-
vík, en er sem stendur í námsleyfi
þar sem hann nemur ritlist við HÍ.
Spurður hvort hann hafi heillast
ungur af ljóðlistinni svarar Hjörtur
því neitandi. „Þegar ég var ungling-
ur var ég tiltölulega lítið fyrir ljóð,
en áhuginn fór að glæðast með aldr-
inum. Ég fór samt ekki að yrkja
neitt að ráði fyrr en á háskóla-
árunum. Ég hef þó alltaf haft nautn
af því að lesa góða texta.“ Að-
spurður hvort verðlaunin séu hon-
um hvatning í ritlistarnámi sínu
svarar Hjörtur því játandi. „Þetta
er skemmtilegt nám og ágætis
áskorun,“ segir Hjörtur og upplýsir
að hann vinni nú um stundir að
nýrri skáldsögu.
Viðurkenningin kom
fullkomlega á óvart
 Hjörtur Marteinsson hlaut Bókmenntaverðlaun Tómasar
Morgunblaðið/Árni Sæberg
Verðlaunaskáld Hjörtur Marteinsson tók við verðlaununum úr hendi Dags
B. Eggertssonar borgarstjóra við hátíðlega athöfn í Höfða í gær.
Í tilefni Jazz- og
blúshátíðar
Kópavogs mun
gítarleikarinn
Björn Thorodd-
sen bjóða íbúum
bæjarins upp á
ókeypis stofu-
tónleika í kvöld
og á morgun. Í
kvöld byrjar
veislan klukkan
21 í Birkigrund 13, 21.30 á
Digranesheiði 33, 22.10 í Lækjar-
hjalla 26 og 22.40 á Vatnsenda-
bletti 723. Á morgun byrjar dag-
urinn á tónleikum klukkan 13.30
í Fellasmára 10 og um kvöldið
verða tónleikar klukkan 21.30 í
Fákahvarfi 1 og 22.10 í Víði-
hvammi 6.
Djass heima í stofu
Kósí Björn efnir
til stofutónleika.
Hljómsveitin
Gullkistan mun
standa fyrir tón-
leikum á
Kringlukránni í
kvöld og annað
kvöld klukkan
23. Sveitina
skipa þeir Gunn-
ar Þórðarson úr
Hljómum, Ásgeir
Óskarsson úr
Stuðmönnum, Jón Ólafsson úr Pe-
lican og Óttar Felix Hauksson úr
Pops. Tónlist sjötta og sjöunda ára-
tugar síðustu aldar verður í önd-
vegi og skipar hrynbláminn (e.
rythm’n’blues) þar verðugan sess.
Meðal annars verða flutt lög eftir
tónlistarmenn á borð við Buddy
Holly og Bítlana.
Gull í Kringlunni
Blús Sveitin held-
ur tvenna tónleika.
MARGUR ER
KNÁR
ÞÓTT HANN SÉ
SMÁR...
POWERSÝNING
KL. 10:20
Sími: 553-2075 www.laugarasbio.is
Miðasala og nánari upplýsingar
16
16
16
L
L
12
DRACULA UNTOLD Sýnd kl. 6 - 8 - 10:20 (P)
EQUALIZER Sýnd kl. 8 - 10:40
TOMBSTONES Sýnd kl. 5:45 - 8 - 10
MAZE RUNNER Sýnd kl. 5
SMÁHEIMAR 2D Sýnd kl. 3:50
PÓSTURINN PÁLL 2D Sýnd kl. 3:50
Tilboð í bíó GILDIR Á ALLAR SÝNINGARMERKTAR MEÐ RAUÐU
LAUGARÁSBÍÓ Sýningartímar
ÞRÆLGÓÐ SPENNUMYND UM
EINKASPÆJARA SEM FLÆKIST INN Í
HEIM EITURLYFJASALA
LIAM NEESON
ÓLAFUR DARRI ÓLAFSSON