Morgunblaðið - 17.10.2014, Blaðsíða 15

MORGUNBLAÐIÐ FÖSTUDAGUR 17. OKTÓBER 2014
Þórunn Kristjánsdóttir
thorunn@mbl.is
Á fundi stjórnar Landssambands
hestamannafélaga í gær var ákveð-
ið samhljóða að ganga til viðræðna
við hestamannafélagið Sprett varð-
andi landsmót 2016 og við hesta-
mannafélagið Fák um landsmót
2018. Þetta kemur fram í frétta-
tilkynningu sem stjórnin sendi frá
sér í gær. „Stjórn Landssambands
hestamannafélaga vonast til þess að
um þetta muni ríkja sátt á meðal
áhugamanna um íslenska hestinn,“
segir ennfremur í tilkynningunni.
Formaður Landssambands
hestamannafélaga, Haraldur Þór-
arinsson, tilkynnti Skagfirðingum
að mótið yrði ekki haldið á Vind-
heimamelum, þrátt fyrir að undir-
rituð hefði verið viljayfirlýsing þess
efnis fyrr á árinu, eins og fram kom
í Morgunblaðinu í gær.
LH fylgir ekki reglum
Samkvæmt reglugerð Landssam-
bands hestamannafélaga (LH) skal
velja landsmótsstað að minnsta
kosti fimm árum áður en landsmót-
ið er haldið. Ganga skal frá samn-
ingum við mótshaldara að minnsta
kosti þremur árum áður. Slíkt var
ekki gert heldur ritað undir um-
rædda viljayfirlýsingu.
Landsmót hestamanna ehf. (LM
) er rekstraraðili landsmótanna.
Félagið er í eigu LH, sem á 2/3
hluta, og Bændasamtaka Íslands
(BÍ), sem eiga 1/3 hluta.
„Landsmót ehf. var í greiðslu-
erfiðleikum áramótin 2013-2014 og
því treystum við okkur ekki til að
ganga frá samningum við mótshald-
ara í Skagafirði. Þess vegna var
viljayfirlýsing undirrituð. Við vild-
um bíða með að skrifa undir samn-
inga þar til landsmótinu á Gadd-
staðaflötum yrði lokið. Það kom
ekki eins vel út og við ætluðum og
því var þessi ákvörðun tekin,“ segir
Haraldur Þórarinsson, formaður
Landssambands hestamannafélaga.
Hann segir að eftir síðasta lands-
mót hafi verið komin ákveðin
þreyta í hreyfinguna, bæði hesteig-
endur og gesti mótsins. „Við lásum
í aðstæðurnar, að við þyrftum að
gera breytingu á mótshaldinu til að
halda áfram að stækka viðburðinn
svo hann nái að þjóna tilgangi sín-
um. Það má ekki gleymast að mótin
voru stofnuð í upphafi til að efla
umgjörð um íslenska hestinn og
fjölga fólki í hestamennskunni.
Þess vegna megum við ekki lenda í
einhverri pólitík sem snýst alfarið
um staðarval. Þetta snýst um að
hafa umgjörðina sem besta, bæði
fyrir hesta og menn.“
Haraldur segir stjórnin hafi
reynt að fara eftir reglugerð LH en
vegna fyrrgreindra atriði hafi ekki
verið forsendur fyrir því.
Spurður hvort ekki þurfi jafnvel
að breyta reglugerð LH er varðar
val á stað fyrir landsmót, svarar
hann því til að hann telji reglurnar
nógu skýrar. „Hins vegar verður
allt landsmótið til umræðu á næsta
landsþingi hestamannafélaga. Þar
er vettvangur til að velta því upp.“
„Algjör skandall“
„Það er algjör skandall ef menn
ætla virkilega að færa þessi mót al-
farið til höfuðborgarinnar með
fullri virðingu fyrir borginni.
Hestamennskan er stunduð um allt
land,“ segir Ágúst Sigurðsson,
sveitarstjóri í Rangárþingi ytra.
Hann blæs á þá fullyrðingu að að-
búnaðurinn á Gaddstaðaflötum sé
ekki nógu góður og bendir á mikla
uppbyggingu á staðnum m.a. reið-
höll, stórt hótel inni á svæðinu og
úrvalsvelli sem sönnuðu gildi sitt á
síðasta móti. Hann bendir á að öll
þau landsmót sem haldin hafa verið
á Gaddstaðaflötum hafa skilað
hagnaði, auk þess að eiga met í
fjölda gesta.
„Ef stjórnin ætlar virkilega að
svíkja Skagfirðinga með mótið 2016
þá verða menn að skoða sinn
gang.“
Morgunblaðið/Eva Björk
Landsmót Stjórn LH telur breytingar á landsmótahaldi þarfa.
LH fylgir ekki
eigin reglum
 Næstu landsmót hestamanna í bænum?
Tíu af þeim 54 tillögum sem lagð-
ar verða fyrir þingið snúast um
landsmótið með einum eða öðrum
hætti.
Hestamannafélögin Geysir, Há-
feti, Logi, Smári, Sindri og Trausti
leggja til að Landsmót ehf. verði
lagt niður. „Eins og staðan er í dag
fer ágóði landsmótanna, ef ein-
hver er, til að halda þessu fyrirtæki
gangandi í stað þess að renna til
hestamannafélaganna í landinu,“
stendur í greinargerð. Í annarri til-
lögu frá þessum félögum er farið
fram á að ekki skuli innheimt
keppnisgjöld af keppendum á
landsmóti.
Þá er skorað á LH og Bænda-
samtökin að halda ráðstefnu um
framtíð landsmóts fyrir áramót.
Landsmótið í brennidepli
59. LANDSÞING HESTAMANNAFÉLAGA