Morgunblaðið - 17.10.2014, Blaðsíða 19

FRÉTTIR 19Viðskipti | Atvinnulíf
MORGUNBLAÐIÐ FÖSTUDAGUR 17. OKTÓBER 2014
Morgunblaðið/Sigurður Bogi
Eignabóla Lúðvík segir áhrif fólks-
flutninga á íbúðaverð marktæk.
Tímabilið 2004-2007 var það fyrsta
þar sem fólksflutningar til landsins
höfðu marktæk áhrif á húsnæðis-
markaði. Þetta er niðurstaða Lúð-
víks Elíassonar, hagfræðings á fjár-
málastöðugleikasviði Seðlabankans.
Hann hélt nýlega erindi um þróun á
húsnæðismarkaði, með áherslu á
tímabilið eftir 2003. Þar fjallaði hann
um niðurstöður rannsóknar þar sem
líkan af húsnæðismarkaðnum, sem
hann og Þórarin G. Pétursson, aðal-
hagfræðingur Seðlabankans, mátu á
árinu 2004, var uppfært og endur-
metið með gögnum sem ná yfir
þensluna á markaðnum 2004 til 2007
og hrunið sem fylgdi í kjölfarið.
„Fólksflutningar til og frá landinu
skýra stóran hluta af þeim verð-
breytingum sem urðu, bæði hækkun
og lækkun,“ segir Lúðvík. „Á ár-
unum 2004-2010 varð mikil hreyfing
á fólksflutningum til landsins og frá
því, mun meiri en áður. Það reyndist
hafa marktæk áhrif á íbúðaverð.“
Hann segir fólksflutninga hafa
skýrt um 38,5% hækkun íbúðaverðs
á höfuðborgarsvæðinu á árunum
2004-2007. „Fólksflutningar til
landsins skýrðu stóran hluta af
eignaverðsbólunni fyrir hrun.“
Lúðvík segir fólksflutninga frá
landinu að sama skapi hafa skýrt
rúmlega 19% lækkun fasteignaverðs
á árunum 2009-2012. Hann veltir því
upp hvort fólk hafi flutt til landsins
fyrir hrun til þess að byggja hús-
næði.
Hann bendir þó á að líkanið nái
ekki að skýra hvers vegna algjört
hrun hafi orðið í fjárfestingu í hús-
næði árið 2009. Nærtækasta skýr-
ingin sé þó að fjármögnun fjár-
málakerfisins hafi nánast stöðvast
við hrunið. brynja@mbl.is
Fólksflutningar
ollu bólumyndun
 Skýrðu 38,5% hækkun íbúðaverðs
málafyrirtæki sem skyldar félög til
að tilgreina á vefsíðu sinni nöfn og
hlutfallslegt eignarhald allra þeirra
sem eiga umfram 1% hlutafjár á
hverjum tíma. Slíkt ákvæði var sam-
þykkt á Alþingi á vorþingi árið 2013
en áður var kveðið á um það í sam-
bærilegu ákvæði að miða ætti við 5%
eignarhlut.
Í skýrslunni er nefnt að þegar
bankar og önnur fjármálafyrirtæki
muni huga að skráningu að nýju á
hlutabréfamarkað þá eigi eftir að
reynast illframkvæmanlegt að fara
eftir ákvæðinu. „Sem dæmi má
nefna að ekki er óalgengt að smærri
hlutir í fjármálafyrirtækjum séu
skráðir á safnreikninga sem ekki
innihalda nöfn hluthafa. Fjármála-
fyrirtæki eru ekki í aðstöðu til að
kalla eftir upplýsingum um endan-
legt eignarhald á slíkum safnreikn-
ingum,“ segir í skýrslunni.
Telur hópurinn að eðlilegra væri
að horfa til evrópskra reglna þar
sem miðað sé við 5% eignarhald.
Nöfn aðila með minni eignarhluti
eigi ekki að skipta máli út frá sjónar-
hóli eftirlitsaðila eða annarra sem
hafi hagsmuna að gæta.
Vilja lækka gjöld
í Kauphöllinni
 Verðbréfahópur SFF segir gjöld hærri en í nágrannaríkjum
Morgunblaðið/Þórður
Kauphöll Íslands Verðbréfahópur SFF telur mikilvægt að frumvarp um að
lífeyrissjóðir fái heimild til að fjárfesta á First North verði samþykkt.
Hörður Ægisson
hordur@mbl.is
Kostnaður við að eiga viðskipti í
Kauphöll Íslands er mun hærri en
hjá öðrum kauphöllum innan NAS-
DAQ OMX samstæðunnar og á öðr-
um nágrannamörkuðum. Lækka
þarf því gjaldtöku Kauphallarinnar,
að því er fram kemur í tillögum frá
sérstökum verðbréfahópi Samtaka
fjármálafyrirtækja (SFF) um starfs-
umgjörð verðbréfamarkaðar. Legg-
ur hópurinn til að farið verði í sam-
starf við Kauphöllina um að safna
saman upplýsingum um verð hér á
landi og í nágrannaríkjum í því skyni
að auka samkeppnishæfni íslensks
verðbréfamarkaðar.
Í skýrslu hópsins er bent á að út-
gefendur verðbréfa í Kauphöll Ís-
lands séu einnig þeirrar skoðunar að
kostnaður sé of hár. Þrátt fyrir að
grunnþóknanir séu svipaðar og í ná-
grannalöndunum þá er uppbygging
þóknana ólík sem leiði til aukins
kostnaðar íslenskra félaga. Hópur-
inn telur sömuleiðis að gjaldtaka
verðbréfaskráningar Íslands
(VBSÍ), sem starfar innan OMX-
samstæðunnar, sé of há vegna pör-
unar viðskipta. Hafa þurfi í huga að
þótt mikið hagræði sé fólgið í pörun
viðskipta þá sé kostnaðurinn mikill
og í engu samræmi við það sem
gerist erlendis.
Verðbréfahópur SFF var settur á
fót í janúar á þessu ári. Skipaður var
þriggja manna stýrihópur sem í áttu
sæti Sigurður Atli Jónsson, forstjóri
MP banka, Tryggvi Björn Davíðs-
son, framkvæmdastjóri Markaða hjá
Íslandsbanka, og Andri Guðmunds-
son, forstjóri H.F. Verðbréfa. Settar
eru fram samtals 22 úrbótatillögur í
skýrslu hópsins en á fundi stjórnar
SFF í september sl. var ákveðið að
leggja áherslu á átta tillögur sem
forgangsmál.
Til viðbótar við lægri gjaldtöku
Kauphallarinnar þá telur hópurinn
meðal annars mikilvægt að veita líf-
eyrissjóðum heimild til að fjárfesta í
verðbréfum á First North markaðn-
um til jafns við verðbréf sem skráð
eru á skipulegan markað í Kauphöll-
inni. Slíkt frumvarp hefur verið lagt
fram á Alþingi og er það skoðun
hópsins að verði af samþykkt þess
muni það auka viðskipti á markaði.
Illframkvæmanlegt ákvæði
Verðbréfahópur SFF telur einnig
brýnt að rýmka ákvæði laga um fjár-
Verðbréfahópur SFF
» Setur fram 22 tillögur að
bættri starfsumgjörð verð-
bréfamarkaðar.
» Lækka þurfi gjaldtöku Kaup-
hallarinnar sem er hærri en í
nágrannaríkjum.
» Rýmka ákvæði um upplýs-
ingaskyldu fjármálafyrirtækja.
» Lífeyrissjóðir megi fjárfesta
á First North.
Dalvegi 10-14 • 201 Kópavogi • 595 0570 • Parki.is
Vandaðar
innréttingar
Hjá Parka færðu flottar innréttingar
í hæsta gæðaflokki. Mikið úrval.
Bjóðum aðeins það besta fyrir þig!
Kynntu þér úrvalið í verslunum Fjallakofans
eða á vefsíðunni www.fjallakofinn.is