Morgunblaðið - 28.10.2014, Side 15

FRÉTTIR 15Innlent
MORGUNBLAÐIÐ ÞRIÐJUDAGUR 28. OKTÓBER 2014
Síðumúla 12 | 108 Reykjavík | Sími 510 5520 | kjaran@kjaran.is | kjaran.is
Fjögur ár í röð hefur Konica Minolta
hlotið útnefninguna „BLI A3 MFP
Line of the Year“ sem veitt eru bestu
fjölnotatækjum heims, fyrst allra
framleiðenda.
Viðskiptavinir Kjaran eru lítil og stór
fyrirtæki, stofnanir og prentsmiðjur
sem eiga það sameiginlegt að gera
kröfur um gæði og góða þjónustu.
Kynntu þér PRENTUMSJÓN hjá
Kjaran, aðgangstýrð prentumhverfi,
þjónustusamninga og rekstrarleigu.
Kjaran er viðurkenndur söluaðili á
prentlausnum af Ríkiskaupum.
KONICA MINOLTA
Verðlaunuð fjölnotatæki
OKTÓBERTILBOÐ
100 þúsund króna
verðlækkun á bizhub A3
fjölnotatækjum
Ljósmynd/Myndabanki FAO
Fiskeldi í Kína Fiskeldi jókst að
meðaltali um 6,2% á ári frá 2000-12.
Stöðugur vöxtur hefur einkennt
fiskframleiðslu síðustu fimm ára-
tugina, þar sem áhersla hefur verið
á framleiðslu fisks til manneldis.
Fiskneysla eykst frá ári til árs og er
ástæða aukinnar fiskneyslu rakin
til bættra geymsluaðferða sem gera
það að verkum að hægt er að dreifa
ferskum fiski á stærra svæði en áð-
ur hefur verið hægt, segir á heima-
síðu Matís.
Framleiðsla á fiski til manneldis
hefur aukist um að meðaltali 3,2% á
ári síðustu áratugina á sama tíma
og fólksfjölgun hefur numið 1,9%.
Neysla á fiski eykst líka stöðugt.
Árið 1960 var meðalneysla 9,9 kg á
ári en árið 2012 hafði fiskneysla
tvöfaldast og meðalneysla nam 19,2
kg á heimsvísu.
Fimmtán lönd bera uppi
92,7% af fiskframleiðslu
Fiskeldi hefur vaxið að meðaltali
um 6,2% á ári frá 2000 til 2012 eða
frá því að vera 32,4 milljónir tonna í
66,6 milljónir tonna. Einungis 15
lönd bera uppi 92,7% af fiskfram-
leiðslu í heiminum. Stærstu fram-
leiðendur eru Kína og Indland auk
þess sem Brasilía og Víetnam hafa
sótt í sig veðrið. Þessi mikla aukn-
ing í eldi hefur skapað milljónir
starfa og 2012 störfuðu 4,4% allra
þeirra sem vinna innan landbún-
aðar í heiminum við fiskeldi, 90%
starfsmanna í fiskvinnslum í heim-
inum eru konur. FAO telur að
sjávarútvegur og fiskeldi sjái um
10-12% af heimsbyggðinni fyrir
lífsviðurværi. Kína er langstærsti
fiskútflytjandinn í heiminum í dag
og þriðji stærsti innflytjandinn á
eftir Bandaríkjunum og Japan.
Evrópusambandið er hins vegar
stærsti markaðurinn fyrir inn-
fluttan fisk og vörur tengdar
sjávarútvegi, að því er Matís grein-
ir frá. Samkvæmt FAO starfa 14
milljónir manna í Kína í fiskiðnaði,
en það nemur 25% af öllum þeim
sem starfa í greininni á heimsvísu.
Fiskneysla eykst í heiminum
 Mikil aukning í eldi  Kína stærsti
útflytjandi og þriðji stærsti innflytjandi
Áfengis- og tóbaks-
verslun ríkisins hefur
ákveðið að taka úr
sölu viskílíkjörinn
Fireball Cinnamon
vegna gruns um að í
honum sé of hátt gildi
própýlenglýkóls. Þeir
viðskiptavinir sem
hafa umrædda vöru-
tegund undir hönd-
um geta snúið sér til
næstu Vínbúðar og fengið vöruna
endurgreidda.
ÁTVR barst um helgina tilkynn-
ing frá finnsku áfengiseinkasölunni
Alko þar sem fram kemur að við
hefðbundið eftirlit hafi mælst of
hátt gildi própýlenglýkóls í um-
ræddri vörutegund. Í tilkynning-
unni segir jafnframt að varan sé
ekki hættuleg neytendum.
Af þessum sökum var ákveðið að
taka Fireball Cinnamon úr sölu í
Vínbúðunum, að minnsta kosti
tímabundið, á meðan verið er að
kanna hvort varan inniheldur
óleyfilegt magn af própýlenglýkóli.
ÁTVR tekur Fireball
Cinnamon úr sölu
Héraðsdómur
Reykjaness hefur
dæmt 24 ára
karlmann í sex
mánaða skilorðs-
bundið fangelsi
fyrir að hafa í
maí og júní 2013,
í gegnum sam-
skiptamiðlana
Facebook og Skype og með smá-
skilaboðum, áreitt 14 ára stúlku. Þá
var honum gert að greiða stúlkunni
400 þúsund krónur í miskabætur.
Í ákæru segir að maðurinn hafi
rætt við stúlkuna á kynferðislegan
hátt og beðið hana um að hitta sig í
því skyni að hafa við hana kynferð-
ismök. Þá sýndi hann henni kynfæri
sín og fékk hana til að bera brjóst-
in, hvort tveggja í gegnum vef-
myndavél.
Maðurinn játaði brot sitt en með
því rauf hann skilorð ákærufrest-
unar sem hann fékk í maí 2011 fyrir
að hafa samræði við barn yngra en
15 ára. Þrátt fyrir skilorðsrof
ákvað ríkissaksóknari að gefa ekki
út ákæru vegna þess brots.
Áreitti táning gegn-
um samskiptamiðla
Nú er unnið að lokafrágangi við
endurnýjaða gönguleið og hjólastíg
frá Starhaga í Vesturbæ að Einars-
nesi í Skerjafirði. Nýi hjólastígur-
inn er upplýstur og tengir hjóla-
stíginn á Ægisíðu við hjólastíg í
Skerjafirði.
Hinum megin við Suðurgötu hef-
ur einnig verið lagður hjólastígur
frá Þorragötu að Bauganesi. Á
þeim kafla stendur einnig til að
leggja göngustíg en hann verður
ekki kláraður í þessum áfanga. Við
Einarsnes standa síðan yfir fram-
kvæmdir við endurnýjun lagna og
göngustígs að Bauganesi.
Gönguleiðin frá Starhaga að Ein-
arsnesi hefur einnig verið end-
urnýjuð með steyptri gangstétt.
Nýr stígur frá Star-
haga í Skerjafjörð