Morgunblaðið - 28.10.2014, Side 44

ÞRIÐJUDAGUR 28. OKTÓBER 301. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. „Líktist myndinni af rauðref“
2. Ekki mætt í skoðun í sex ár
3. Eina leiðin er skurðaðgerð
4. Van Gaal: Heimskulegt hjá van ...
»MEST LESIÐ Á mbl.is
FÓLK Í FRÉTTUM
 Ólafur Elíasson myndlistarmaður
stóð á sunnudag fyrir gjörningi á
Ráðhústorginu í Kaupmannahöfn,
þar sem hann lét koma fyrir tólf
stórum ísklumpum sem vega hundr-
uð tonna. Verkið kalla Ólafur og sam-
starfsmaður hans, jarðfræðingurinn
Minik Rosing, „Ice Watch“ og var ís-
inn sóttur á fjörð skammt frá Nuuk í
Grænlandi. Á miðvikudag verður því
sem eftir er af ísnum komið fyrir á
lóðum tólf skóla í borginni.
Með verkinu vilja Ólafur og Rosing
vekja athygli á væntanlegri skýrslu
Sameinuðu þjóðanna um loftslags-
mál en þing um málið hófst í Kaup-
mannahöfn í gær.
Ólafur er mikilvirkur við sýn-
ingahald og má nú sjá verk hans á
listkaupstefnunni FIAC í París og í
Tate-safninu í Lundúnum.
Ólafur bræðir ís á
Ráðhústorginu
 Í umfjöllun gagnrýnanda The New
York Times um úrval nýrra norrænna
spennusagna sem komið hafa út í
Bandaríkjunum undanfarið er Arn-
aldur Indriðason kallaður „drunga-
prinsinn“ í hópi norrænu höfund-
anna. Hann er sagður takast aftur og
aftur á við missi og það að vera skil-
inn eftir. Fjallað er um þýðingu á
skáldsögu hans Furðuströndum
og einnig vitnað í sögu
Yrsu Sigurðardóttur,
Auðnina, og sagt að
vinna rannsóknarlög-
reglumanna í
norðrinu hljóti
að leiða til
þung-
lyndis.
Kallar Arnald
„drungaprinsinn“
Á miðvikudag Hæg breytileg átt en austan 8-13 m/s syðst. Él á
stöku stað við sjóinn, annars léttskýjað. Frost 0 til 13 stig, kaldast í
innsveitum á Norðurlandi. Á fimmtudag Vaxandi austanátt með
slyddu eða snjókomu á Suðausturlandi en úrkomulítið annars.
SPÁ KL. 12.00 Í DAG Norðan 5-13 m/s og léttir til á Vesturlandi.
Hiti um eða yfir frostmark að deginum.
VEÐUR
Undankeppni Evrópumóts
karla í handknattleik hefst
annað kvöld þegar Ísland
mætir Ísrael í Laugardals-
höllinni. Það er afar mik-
ilvægt fyrir íslenska lands-
liðið að vera með í loka-
keppni EM, ekki síst þar sem
því tókst ekki að tryggja sér
þátttökurétt á heimsmeist-
aramótinu sem fram fer í
Katar í byrjun næsta árs.
Sjá nánar fréttaskýringu
um keppnina. »2
Mikilvægt að
komast á EM
Öflugt lið San Antonio Spurs með
Tim Duncan í aðalhlutverki freistar
þess að verja meist-
aratitilinn í NBA-
deildinni í körfuknatt-
leik en nýtt
keppnistímabil
hefst vest-
anhafs í
kvöld.
Gunnar
Val-
geirsson
er að hefja
sinn fjórða
áratug sem NBA-
sérfræðingur
Morgunblaðsins og
spáir því að Spurs
verji titilinn og Tim
Duncan muni ríða
hesti sínum inn í sól-
setrið með meist-
aratitilinn í pokanum.
» 2-3
Inn í sólsetrið með
meistaratitilinn í poka?
„Persónulega hefur mér gengið mjög
vel en það er voðalega erfitt að vera
glaður yfir því þegar það gengur illa
hjá liðinu,“ sagði knattspyrnumað-
urinn Hjörtur Logi Valgarðsson sem
hefur verið í lykilhlutverki hjá Sogn-
dal á sínu fyrsta tímabili í norsku úr-
valsdeildinni. Aðeins einn leikmaður í
allri deildinni hefur átt fleiri stoð-
sendingar en hann í ár. »4
Erfitt að vera glaður
þegar liðinu gengur illa
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
„Þetta er mjög gefandi og skemmti-
legt,“ segir Ásbjörg Valgarðsdóttir,
formaður Kvenfélags Rípurhrepps,
elsta kvenfélags landsins, um starf-
semi félagsins, sem hélt upp á 145
ára afmælið í félagsheimilinu í
Hegranesi í Skagafirði um helgina.
Árið 1869 sendu konur í Kven-
félagi Rípurhrepps fréttatilkynn-
ingu um fyrstu fundi félagsins til
blaðsins Norðanfara til að upplýsa
lesendur um hvað færi fram á „pilsa-
fundum“ svonefndum. Á fyrsta fund-
inum var hreinlæti helsta umræðu-
efnið og þá var meðal annars sam-
þykkt að senda hreina ull í kaup-
staðinn, koma upp vefstólum á öllum
bæjum og kenna fleiri konum að
vefa. Á öðrum fundi var samþykkt
að kenna öllum börnum að lesa og
skrifa, að viðhalda íslensku þjóðerni,
láta börn ekki heita óþjóðlegum
nöfnum og síst tveimur eða þremur
og að aðstoða við að koma upp mat-
jurtagörðum á öllum bæjum.
Mikil gróska
Starfsemin hefur breyst frá því
sem áður var. Kvenfélagskonur
slógu saman afmælishátíðinni og
haustfagnaði kvenfélaganna í
Skagafirði, næst á dagskrá er að
koma saman og búa til konfekt og
laufabrauð, síðan er það jólafundur
og jólaskemmtun fyrir börnin,
vinnuvaka í mars með kaffihlaðborði
og basar til styrktar ákveðnum
líknarmálum eða öðrum aðkallandi
málum, heimsóknir til aldraðra á
dvalarheimilið og svo framvegis.
Kvenfélög taka gjarnan að sér erfi-
drykkjur, sjá um veitingar vegna
ákveðinna tímamóta í sveitinni auk
funda um ýmis mál. „Það er mikil
gróska í félaginu,“ segir Ásbjörg.
Hún minnir á að fyrir þremur árum
hafi aðeins verið sjö konur í kven-
félaginu, þar af fimm eldri en 70 ára.
Þá hafi komið til tals að leggja það
niður, en yngri konur, sem búa í
Hegranesi eða tengjast því á einn
eða annan hátt, hafi blásið til sóknar
og nú séu 22 konur skráðar í félagið.
„Ég bý til dæmis og starfa á Sauðár-
króki en er frá Ási í Hegranesi,“ seg-
ir leikskólakennarinn.
Ásbjörg segir að starfsemi kven-
félaganna ellefu í Skagafirði sé með
misjöfnum hætti. Veður geti haft
áhrif á starfsemina og þær hafi einu
sinni þurft að fella niður fund vegna
hálku. „Kvenfélag Rípurhrepps var
stofnað 7. júlí 1869 en það var svo
mikið að gera í sumar að við frest-
uðum afmælisveislunni þar til nú,“
segir hún. Hún bætir við að gjafir
hafi verið afþakkaðar en þeim sem
vildu styrkja félagið hafi verið bent á
bankareikning, þar sem verið væri
að safna fé til líknarmála. „Við höf-
um safnað yfir 125 þúsund krónum.“
„Pilsafundir“ lifa góðu lífi
 Kvenfélag Rípur-
hrepps 145 ára og
elst kvenfélaga
Morgunblaðið/Björn Björnsson
Afmælishátíð Sigrún Hróbjartsdóttir heiðursfélagi og Ásbjörg Valgarðsdóttir, formaður kvenfélagsins.
Fyrir um 15 árum eða árið 1999 sendi Byggðasafn Skagfirðinga
spurningalista til allra kvenfélaga landsins, sem þá voru yfir 200
talsins, til að kynnast starfsemi þeirra við aldahvörf af því tilefni að
þá voru 130 ár liðin frá stofnun Kvenfélags Rípurhrepps, fyrstu
kvennasamtaka á landinu. Á vef Kvenfélagasambands Íslands, KÍ
(kvenfelag.is), kemur fram að innan KÍ eru 18 héraðs- og svæða-
sambönd með um 170 kvenfélög innan sinna raða. KÍ var stofnað 1.
febrúar 1930 og 2010 var 1. febrúar útnefndur „dagur kvenfélags-
konunnar“.
Samkvæmt svörum í fyrrnefndri könnun var tilgangur flestra kven-
félaga að vinna að ýmiskonar líknar- og framfaramálum og eru sömu
markmið enn í fullu gildi, þótt ýmislegt annað hafi einnig komið til.
Áherslan hefur færst meira yfir á konurnar sjálfar og að þær geri
eitthvað fyrir sjálfar sig, fari í ferðalög, námskeið og standi fyrir eða
sæki ýmsar skemmtanir.
Styðja líknar- og framfaramál
UM 170 KVENFÉLÖG Í KVENFÉLAGASAMBANDINU