Morgunblaðið - 14.11.2014, Blaðsíða 10
LEIÐRÉTTINGIN Í HÖFN
Framsóknarflokkurinn boðar til opins fundar á Grand Hótel
laugardaginn 15. nóvember klukkan 11:00.
Dagskrá:
11:00 Ávarp og kynning
á helstu niðurstöðum
Sigmundur Davíð Gunnlaugsson,
forsætisráðherra
11:20 Pallborðsumræður:
• Eygló Harðardóttir, félags-
og húsnæðismálaráðherra
• Elsa Lára Arnardóttir,
alþingismaður
• Guðbjörn Guðbjörnsson,
stjórnsýslufræðingur
• Vilhjálmur Birgisson, formaður
Verkalýðsfélags Akraness
Fundarstjóri:
• Vigdís Hauksdóttir, alþingismaður
Sigmundur Davíð Gunnlaugsson
Elsa Lára Arnardóttir
Guðbjörn Guðbjörnsson
Eygló Harðardóttir
Vilhjálmur Birgisson
Vigdís Hauksdóttir
10 DAGLEGT LÍF
MORGUNBLAÐIÐ FÖSTUDAGUR 14. NÓVEMBER 2014
Fyrirsæta sýnir Brúarstöðu.
Malín Brand
malin@mbl.is
Jógahandbókin kom út fyrir fá-einum dögum hjá Bókafélag-inu. Bókin er rúmlega 220síður og er skipulega upp-
sett, rétt eins og handbækur eiga
helst að vera. Ljósmyndir eru af öll-
um jógastöðum og við hverja þeirra
eru leiðbeiningar, umfjöllun um út-
færslur á stöðum, ráðleggingar og
moli um möguleg hjálpartæki við
stöðurnar. Síðast en ekki síst ber að
nefna prýðilega útlistun á því hvað
hver staða bætir, örvar, styrkir, teyg-
ir, kemur jafnvægi á, er góð gegn sem
og stöður sem ber að varast.
Skrifar allt niður
Uppsetning bókarinnar ber þess
glöggt merki að skipulagður ein-
staklingur hafi komi þar nálægt. „Það
er rosalega sterkt í mínu eðli að
skrifa mikið niður, vera skipulögð og
flokka niður. Ég á margar minnis-
bækur þar sem ég skrifa niður hug-
myndir og það sem ég læri,“ segir
höfundurinn, Guðrún Reynisdóttir.
Það sama gilti um allt er viðkom jóga-
iðkuninni, sem hún byrjaði að stunda
fyrir um fjórum árum. Guðrún var
dugleg að skrifa hjá sér fjölmargt af
því sem hún lærði hjá hinum ýmsu
jógakennurum. „Ég sá mjög fljótt að
engir tveir jógakennarar eru eins og
hver og einn hefur eitthvað nýtt fram
að færa.“ Áhuginn var það mikill að
hún fór í jógakennaranám fyrir tæp-
um tveimur árum. Að því loknu hélt
hún áfram að auka við þekkingu sína.
„Til að verða betri jógakennari fór ég
að flokka allt það sem ég hafði skrifað
niður og setti saman bók fyrir sjálfa
mig úr öllum þessum minnis-
punktum,“ segir Guðrún sem á jafn-
framt sæti í stjórn Jógakennara-
félags Íslands. Eftir að hún fór að
kenna jóga tók hún eftir að nánast
eftir hvern einasta tíma kom einhver
þátttakandi til hennar með spurn-
ingar. „Til dæmis einhver sem var
með brjósklos og spurði hvaða æfing-
ar væru góðar fyrir hann, hvað hann
ætti að varast og fleira í þeim dúr.
Fólk spurði mig gjarnan út frá ein-
hverjum kvillum þannig að ég vildi
vera með þetta á hreinu,“ segir hún.
Eins og góðum kennara sæmir lagði
hún sig fram um að veita rétt og ná-
kvæm svör. Þegar vinkona Guðrúnar
lagði fyrir hana spurningu þessu
tengda náði Guðrún í „bókina“ sína
og fletti upp. „Þá spurði hún af
hverju ég gæfi þetta ekki út og sagð-
ist sjálf gjarnan vilja hafa aðgang að
slíkum upplýsingum og Bókafélagið
samdi nánast strax við mig um út-
gáfu bókarinnar þegar ég hafði sam-
band.“
Eftirspurn eftir íslensku efni
Það var ekki annað að sjá en að
töluverður áhugi væri fyrir jóga-
handbók á íslensku, enda iðkendur
jóga mjög margir hér á landi. „Ætli
það hafi ekki verið bókasafnsfræð-
ingurinn í mér sem tók svo saman
sérhæfða atriðisorðaskrá sem er aft-
ast í handbókinni. Þar er í rauninni
hægt að fletta upp öllum kvillum og
þá er listi yfir stöður sem henta út frá
því. Síðan má líka finna æfingar út
Með jógabókina til-
búna í rassvasanum
Á íslenskan bókamarkað er komið uppflettirit fyrir þá sem stunda eða kenna jóga.
Höfundurinn er ung kona, bókasafnsfræðingur og jógakennari sem heitir Guðrún
Reynisdóttir. Sjálf segist hún hafa tilhneigingu til að flokka upplýsingar og skrifa
niður og því hafi hún í raun verið með handrit að jógabók í rassvasanum til að
glugga í við jógakennsluna. Eðlilegt framhald hafi verið að gefa bók út.
Staða sem nefnist Káta barnið.
Guðrún sýnir stöðuna Lófar á augu. Sólarstríðsmaðurinn sýndur.
Töfrahurðin auglýsir eftir söng- og
leikelskum stelpum á aldrinum 10-12
ára til að taka þátt í nýjum söngleik
fyrir börn sem heitir Björt í sumar-
húsi, eftir Elínu Gunnlaugsdóttur við
texta Þórarins Eldjárns. Efnt verður
til prufusöngs sunnudag 23. nóv. og
áhugasamar stelpur geta sent um-
sókn með upplýsingum um sig, tón-
listarnám og eða þátttöku í kór/
leikstarfi á tofrahurd@tofrahurd.is.
Þeir þátttakendur úr hópi umsækj-
enda sem verða valdir til að koma í
prufusöng fá sendar nótur að tveim-
ur lögum sem þeir verða beðnir að
flytja í prufusöngnum. Umsóknar-
frestur er til og með 17. nóvember.
Söngvararnir Jón Svavar Jósepsson,
Valgerður Guðnadóttir og Gissur Páll
Gissurarson fara með hlutverk í
söngleiknum og leikstjóri er Ágústa
Skúladóttir. Frumsýning á Myrkum
músíkdögum í Hörpu 1. febrúar 2015.
Vefsíðan www.tofrahurdin.is
Gaman Frá einni af mörgum tónlistaruppákomum á vegum Töfrahurðarinnar.
Leitað að söng- og leikstelpum
Skannaðu kóðann
til að fara inn á
vefsíðuna.
Hver man ekki eftir Jör-
undi sem kom til Ís-
lands árið 1809 og
gerðist kóngur um
hundadagana? Hann
kom frá Danmörku og
þótti erfiður drengur
og ódæll, prakkari og
stríðnispúki og var því
snemma sendur á sjó-
inn og sigldi með Bret-
um í mörg ár. Leikfélag
Fljótsdalshéraðs hefur
kynnt sér feril kappans
og ætlar að deila því
sem kemur í ljós með
Héraðsbúum og
nærsveitamönnum með sýningunni Þið munið hann Jörund, í leikstjórn Hall-
dóru Malinar Pétursdóttur. Leikritið er eftir Jónas Árnason með fjölda söngva
sem hann samdi. Leikritið var frumsýnt í Iðnó 1970 við miklar vinsældir. Í sýn-
ingu Leikfélags Fljótsdalshéraðs verður það karlakór sem syngur lögin undir
stjórn Freyju Kristjánsdóttur. Sýningar verða í Valaskjálf, frumsýnt í kvöld kl.
20. Upplýsingar og miðapantanir í síma 867-1604 eða á netfanginu:
tid.munid.hann.jorund@gmail.com
Endilega …
…kynnist Jörundi prakkara
Frá æfingu Þessir tveir eru skemmtilegir.