Morgunblaðið - 14.11.2014, Blaðsíða 19

FRÉTTIR 19Viðskipti | Atvinnulíf
MORGUNBLAÐIÐ FÖSTUDAGUR 14. NÓVEMBER 2014
Kauphöllin kynnti í gær tíu tillögur
sínar um hvernig auka mætti virkni
og gagnsemi íslensks verðbréfa-
markaðar. Markmið tillagnanna er
tvíþætt, annars vegar að auðvelda
fyrirtækjum leiðina á markað og
veru á markaði og hins vegar að
auka áhuga fjárfesta á verðbréfa-
markaði. Tillögurnar eru afrakstur
um hálfs árs samvinnu við aðila
markaðarins.
Tímasettar aðgerðir fylgja tillög-
unum tíu og á aðgerðunum öllum að
vera lokið fyrir 30. september 2015.
Kauphallir á Norðurlöndunum hafa
undanfarið ár birt skýrslur um
nauðsynlegar umbætur á umgjörð
verðbréfamarkaðar í heimalandinu.
Páll Harðarson, forstjóri Kaup-
hallarinnar telur tillögurnar sam-
anlagðar geta breytt mjög miklu.
„Tillögur um rýmkaðar fjárfesting-
arheimildir lífeyrissjóðanna, rýmk-
un undanþágna vegna lýsinga og
auknar heimildir lífeyrissjóðanna
til verðbréfalána eru þær breyting-
ar sem gætu vegið hvað þyngst,“
sagði hann í samtali við Morgun-
blaðið.
„Endamarkmiðið er tilraun til að
gjörbreyta möguleikum fyrirtækja
til að ná sér í fjármagn á markaði,
sérstaklega lítilla og meðalstórra
fyrirtækja. Hliðarverkun af þessu
væri auknir fjárfestingarkostir fyr-
ir fjárfesta. Í ljósi reynslu annarra
þjóða ættu tillögurnar að hafa já-
kvæð áhrif á hagvöxt, atvinnusköp-
un og lífskjör, auk lækkaðs við-
skiptakostnaðar.“
Gætu fjárfest fyrir milljarða
Aðspurður um hugsanlegar
skattaívilnanir vegna hlutabréfa-
kaupa svarar Páll: „Ef við lítum til
reynslunnar af þeim almenna skatt-
afslætti sem var hér við lýði á tí-
unda áratugnum og fram á þessa
öld til þess að byggja upp Kauphöll-
ina, held ég að þessi tillaga feli í sér
mikla möguleika. Jafnvel þó að fjár-
festingar hvers og eins einstaklings
væru mjög litlar, eins og 150 til 200
þúsund. Þegar fjárfestingarnar
safnast saman, gæti verið um tölu-
verðar fjárhæðir að ræða.“
Bendir hann á að yfir tólf ára
tímabil, þegar veittur var skattaf-
sláttur vegna hlutabréfakaupa, hafi
almenningur fjárfest sem nemur 60
milljörðum króna að núvirði. Þessi
staðreynd gefi vísbendingu um
mögulegt umfang fjárfestinga,
verði tillagan að veruleika. Telur
Páll að ef svo yrði, gætu fjárfest-
ingar einstaklinga yfir nokkurra
ára tímabil numið nokkrum millj-
örðum króna.
Að sögn Páls eru töluverðir
möguleikar fólgnir í skattaívilnun-
um vegna fjárfestinga almennings.
Hröð uppbygging Kauphallarinnar
sé dæmi um slíka möguleika. „Árið
1991 kom fyrsta fyrirtækið inn á
markaðinn. Árið 2000 voru þau orð-
in 75. Það er ótrúlegur vöxtur, eig-
inlega kraftaverki líkast. Ég tel að
skattafslátturinn, sem hvatti til
þátttöku einstaklinga í fjárfesting-
um, hafi átt hlut að máli.“ Segir
hann fjárfestingar almennings geta
verið mikið hreyfiafl. Hann vonar
að sjóðum verði gert heimilt að
nýta sér ívilnunina, til að dreifa
áhættu.
Vill skattafslátt vegna hlutabréfa
 Kauphöllin styð-
ur ívilnanir vegna
hlutabréfakaupa
Aðgerðir til að auðvelda fyrirtækjum leiðina á
markað og veru á markaði
Aðgerðir til að auka áhuga fjárfesta á verð-
bréfamarkaði
Rýmka undanþágu frá birtingu lýsinga1.
Rýmka heimildir um umsjón með töku til viðskipta og
gerð lýsinga2.
Stytta ferli við töku til viðskipta3.
Auknar heimildir lífeyris - og verðbréfasjóða til
verðbréfalána7.
Staðlaðir skilmálar skuldabréfa4.
Styrkja verðmyndun á skuldabréfamarkaði þegar mikil
óvissa er til staðar8.
Auka fræðslu til markaðsaðila5.
Rýmka heimildir lífeyrissjóða til fjárfestinga á MTF9.
Auka gagnsæi varðandi túlkun Kauphallarinnar á eigin
reglum og viðurlagabeitingum6. Skattafrádráttur fyrir einstaklinga til hlutabréfakaupa10.
70%
30%
20%50% 60%
60%
40%
Allt að
70%
afsláttur
Leikföng
Mikið úrval af
jólagjöfum Jólasveinar
velkomnir
6.-16. nóvember
Lagersala
Gylfaflöt 7
112 Reykjavík
587 8700
Opnunartími:
Virka daga 10:00-20:00,
helgar 10:00-18:00 www.krumma.is