Morgunblaðið - 14.11.2014, Blaðsíða 41

MENNING 41
MORGUNBLAÐIÐ FÖSTUDAGUR 14. NÓVEMBER 2014
Tíu hljómsveitir hafa bæst við á
listann yfir þær sem koma fram á
rokkhátíðinni Eistnaflugi á næsta
ári, níu íslenskar og norska þunga-
rokkssveitin Enslaved sem hefur
ekki leikið áður á Íslandi. Enslaved
var stofnuð árið 1991 í Haugasundi
og var í framvarðarsveit norska
svartmálmsins á upphafsárum hans
en hefur í seinni tíð orðið mun
framsæknari án þess að tapa alveg
tengingunni við svartmálminn og
spilar nú það sem kalla mætti
proggað víkingaþungarokk, eins og
segir í tilkynningu. Þar segir einnig
að Enslaved hafi ávallt hrifist af Ís-
landi, textar fyrstu breiðskífu
hljómsveitarinnar, Vikingligr
Veldi, frá árinu 1994, hafi verið á
íslensku og myndir frá Íslandi prýtt
aðrar útgáfur Enslaved. Af þeim ís-
lensku sveitum sem bæst hafa við
lista flytjenda á Eistnaflugi má
nefna Sólstafi og HAM. Aðrar sem
leika á hátíðinni eru m.a. Behe-
moth, Brain Police, Godflesh,
Grísalappalísa, Inquisition, Kont-
inuum, Momentum, Muck, Rotting
Christ, Saktmóðigur, Severed, Sin-
mara, Skálmöld og Vampire.
Íslandsvinir Enslaved heldur sína fyrstu tónleika á Íslandi á Eistnaflugi.
Enslaved á Eistnaflugi
Silja Björk Huldudóttir
silja@mbl.is
„Þetta er ógeðslega skemmtilegt,
fyndið og gleðilegt verk með biti í
sem gerir það extra gott,“ segir
Halldór Halldórsson, betur þekktur
sem Dóri DNA, en hann fer með tit-
ilhlutverkið í leikritinu Útlenski
drengurinn eftir Þórarin Leifsson í
leikstjórn Vigdísar Jakobsdóttur,
sem frumsýnt verður í Tjarnarbíói
nk. sunnudag kl. 15. „Sýningin er
hugsuð fyrir stálpaða krakka, þ.e.
tíu ára plús, en sá hópur er yfirleitt
afskiptur í leikhúsunum.“
Útlenski drengurinn fjallar um
Dóra litla sem er vinsælasti strák-
urinn í bekknum. Þegar skólastjór-
inn fer í frí og aðstoðarskólastjórinn
tekur við er bekkurinn látinn þreyta
próf í lesskilningi, svokallað Pítsa-
próf, sem leiðir í ljós að Dóri litli er
líklega útlendingur. Í framhaldinu
sviptir aðstoðarskólastjórinn Dóra
litla ríkisfanginu sem og öðrum
grundvallarmannréttindum og lætur
hann bíða örlaga sinna innilokaður í
myrkvaðri skólastofu í skugga stóru
upplestrarkeppninnar sem senn
brestur á.
Ádeila á lesáherslur
„Þetta er líka ádeila á hvernig við
komum fram við innflytjendur. Sem
og ádeila á þessi lestrarpróf, les-
áherslur og það sem við köllum við-
urkenndan, góðan og ærlegan lest-
ur. Þar undir heyrir lestur á bókum
og fornum íslenskum texta,“ segir
Dóri og tekur fram að hann sé þeirr-
ar skoðunar að fáránlegt sé t.d. að
láta grunnskólabörn lesa ljóð Einars
Benediktssonar sem dæmi um fág-
aðan og vandaðan texta.
„Þetta er verk sem fólk á að sjá af
því að það er svo gaman að sjá það,
en ekki af því að það verður að sjá
það sökum þess að skilaboðin í því
eru svo mikilvæg,“ segir Dóri.
Spurður hvort áhorfendum verði
boðið upp á umræður með leik-
hópnum að loknum sýningum svarar
Dóri því játandi.
Þorsteinn Bachmann fer með
hlutverk aðstoðarskólastjórans,
Arndís Hrönn Egilsdóttir leikur
skólastjórann, Benedikt Karl Grön-
dal og María Heba Þorkelsdóttir
leika foreldra Dóra auk þess að leika
bekkjarsystkin hans ásamt Magneu
Björk Valdimarsdóttur. „Það er búið
að vera ótrúlega gaman að vinna
þessa sýningu með svona frábæru
fólki og alvöru leikurum.“
Frábært tækifæri
Í fréttatilkynningu frá leik-
hópnum Glennu, sem setur verkið
upp, kemur fram að Dóri litli sé
nokkurs konar ýkt útgáfa af Dóra
DNA sjálfum 12 ára sem var á sín-
um tíma stór eftir aldri, frekur en þó
heillandi. Dóri segir fjölskyldutengsl
við höfund verksins, sem er giftur
Auði Jónsdóttur, náfrænku Dóra,
meðal annars hafa leitt til þess að
hann hafi fengið hlutverkið.
„Tóti hefur áður skrifað bækur
um Dóra litla fyrir Námsgagna-
stofnun og þar er Dóri litli óþarflega
líkur mér,“ segir Dóri og hann segir
allar líkur á að höfundurinn hafi
skrifað hlutverkið með sig í huga.
„Ég tók upphaflega þátt í leiklestri á
verkinu á Barnamenningarhátíð og
svo þegar við fengum styrk til að
setja verkið upp þá lá beint við að ég
gerði þetta. Þar með má segja að
langþráður draumur um hlutverk á
sviði hafi ræst,“ segir Dóri sem í Út-
lenska drengnum leikur sitt fyrsta
stóra hlutverk á sviði.
Dóri er þó alls ekki ókunnur leik-
húsinu, enda er hann útskrifaður af
sviðshöfundabraut Listaháskólans
og hefur komið að ýmsum verk-
efnum bæði á sviði og í sjónvarpi.
Hann er hluti af uppistandshópnum
Mið-Íslandi og hefur komið fram
með honum um land allt frá árinu
2009, auk þess sem hann hefur leikið
í Steindanum okkar og fleiri sjón-
varpsþáttum. Þá hefur hann verið
dramatúrg og aðstoðarleikstjóri í
nokkrum sýningum í Þjóðleikhús-
inu.
„Ég hef haft mikinn áhuga á að
leika og hef sótt leiklistarnámskeið
hjá m.a. Þorsteini Bachmann, Magn-
úsi Jónssyni og Agnari Jóni Egils-
syni. Ég hef lengi verið að spá í leik-
hús og langaði til að leika og því er
frábært að fá þetta tækifæri núna.“
„Ógeðslega fyndið verk með biti í“
Ljósmynd/Eddi
Grannskoðun Þorsteinn Bachmann í hlutverki aðstoðarskólastjórans skoðar Dóra litla, sem Halldór Halldórsson
leikur, gaumgæfilega í verkinu Útlenski drengurinn sem Vigdís Jakobsdóttir leikstýrir í Tjarnarbíói.
 Glenna frumsýnir Útlenska dreng-
inn eftir Þórarin Leifsson í Tjarnarbíói
Hljómplata með tónlistinni úr söng-
leik Ívars Páls Jónssonar, Revolu-
tion in the Elbow of Ragnar Agn-
arsson Furniture Painter, sem
sýndur var í New York í sumar, er
nú fáanleg á Íslandi og er dreift af
fyrirtækinu Kongó. Tónlistina samdi
Ívar og hefur hún hlotið jákvæða
gagnrýni almennt í Bandaríkjunum.
Á plötunni eru 18 lög sem segja sögu
Olnbogavíkur, lítils bæjar í líkama
miðaldra húsgagnamálara, sem að
öðru leyti hefur ekkert með söguna
að gera. Sagan greinir frá risi og
falli samfélagsins í olnboganum og
örlögum íbúa bæjarins á storma-
sömum tím-
um, eins og
því er lýst í
tilkynningu.
Á plötunni
syngja,
ásamt Ívari,
Stefán Örn
Gunn-
laugsson,
Sigríður Thorlacius, Valdimar Guð-
mundsson, Ásdís Rósa Þórðardóttir,
Hjalti Þorkelsson, Soffía Björg,
Arnar Guðjónsson og Liam McCor-
mick úr bandarísku hljómsveitinni
The Family Crest.
Olnbogabyltingar-
diskur á Íslandi
7
BRÁÐSKEMMTILEG
MYND FYRIR ALLA
FJÖLSKYLDUNA
Ísl. tal-H.S., MBL
Sími: 553-2075 www.laugarasbio.is
Miðasala og nánari upplýsingar
16
16
16
L
DUMB & DUMBER TO Sýnd kl. 4-5-8-10:20
NIGHTCRAWLER Sýnd kl. 8 - 10:30
JOHN WICK Sýnd kl. 10
BORGRÍKI 2 Sýnd kl. 6 - 8
KASSATRÖLLIN 2D Sýnd kl. 4
LAUGARÁSBÍÓ Sýningartímar
Töff, naglhörð og
dúndurskemmtileg
hefndarmynd sem ætti
alls ekki að valda
hasarunnendum
vonbrigðum.
-T.V. - Bíóvefurinn.is
Hörku spennumynd
Keanu Reeves