Morgunblaðið - 14.11.2014, Blaðsíða 36

36 DÆGRADVÖL
MORGUNBLAÐIÐ FÖSTUDAGUR 14. NÓVEMBER 2014
Undanfarin ár hafa Skagfirskarskemmtisögur í samantekt
Björns Jóhanns Björnssonar, vinnu-
félaga Víkverja, komið Víkverja í
rétta gírinn og þær eru orðnar
ómissandi í aðdraganda jóla.
x x x
Í vikunni kom út 4. bindi þessaraskemmtisagna og Víkverji hló svo
mikið við lesturinn að hann varð að
gera hlé á lestrinum til að trufla ekki
frekar nærstadda. Með leyfi höf-
undar birtir hann hér sýnishorn úr
bókinni máli sínu til stuðnings.
x x x
Nokkrar sögur eru af Árna áBrúnastöðum. Í einni þeirra er
greint frá viðbrögðum Árna þegar
hann kom úr jarðarför bróður síns á
Siglufirði: „Jæja, þá erum við allir
dánir, bræðurnir, nema ég og Gulla
systir.“
x x x
Í Kaupfélagi Skagfirðinga geristýmislegt skondið. „Þegar Hilmar
Sverrisson tónlistarmaður vann á
vélaverkstæði KS um árið kom hann
til Valgarðs Jónssonar og var að leita
að logsuðugleraugum. Valli getur
stundum verið utan við sig og líkt og
hjá fleirum koma orðin kannski ekki
alltaf rétt hjá honum. Svaraði hann
Himma: „Síðast þegar ég sá þau voru
þau horfin!““
x x x
Sagt er frá fjölskylduferð AlfreðsGuðmundssonar, íþróttakennara
á Króknum, í Ásbyrgi fyrir margt
löngu. „Eftir að hafa komið sér vel
fyrir með tjaldvagninn settust þau
niður hjónin og slökuðu á. Eftir
skamma stund sagði Alli við Helgu,
þegar hann sá bekkjarsystur sína úr
Íþróttakennaraskólanum skammt
undan: „Heyrðu, Helga. Ég ætla að
kíkja aðeins uppá konuna þarna!““
x x x
Nokkrar sögur eru af Dúdda áSkörðugili og ein um hollenska
stúlku á Varmalæk. „Dúdda þótti
hún eitthvað einkennilega máli farin
og í lok heimsóknar á Varmalæk
spurði hann Svein bónda: „Hvernig
er það með hollensku stelpuna? Er
hún dönsk?““ víkverji@mbl.is
Víkverji
Nú talaði Jesús aftur til þeirra og sagði:
„Ég er ljós heimsins. Sá sem fylgir mér
mun ekki ganga í myrkri heldur hafa
ljós lífsins.“ (Jóhannesarguðspjall 8:12)
Stjörnuspá
21. mars - 19. apríl 
Hrútur Stundum ert þú svo þrjóskur að það
gengur út í öfgar. Margt kann að breytast
með tímanum og takmarkið getur allt í einu
orðið annað en var.
20. apríl - 20. maí 
Naut Reyndu að slaka á í frítíma þínum og
varastu umfram allt að taka vinnuna með þér
heim. Ef þú veist ekki hvorum hópnum ein-
hver tilheyrir skaltu halda þig í fjarlægð þar til
þú veist meira.
21. maí - 20. júní 
Tvíburar Dagurinn í dag, þessi vika, þessi
mánuður og þetta ár. Ergelsi út í gamla vini
er liðið hjá og þú getur einbeitt þér að því
sem stendur þér næst.
21. júní - 22. júlí 
Krabbi Veldu þér tjáskiptamiðil svo þú getir
komið skilaboðum áleiðis til eins stórs hóps
og mögulegt er. Tilfinningar þínar til barna
þinna eru einnig sérlega hlýjar.
23. júlí - 22. ágúst 
Ljón Þú ert maður fólksins og hefur þann
hæfileika að fá aðra til þess að fylgja þér. En
þegar gestirnir mæta vandast málið.
23. ágúst - 22. sept. 
Meyja Ekki vera reiður við vin, ef þú getur.
Reyndu í kvöld að umbera maka náins vinar,
helst með bros á vör. Mundu að einn góðan
veðurdag kannt þú að vera í hans sporum.
23. sept. - 22. okt. 
Vog Galsafengið daður og yfirdrifnar ráðstaf-
anir beina athygli umheimsins að þér. Reyndu
að sinna sem flestum því þú ert vel í stakk til
þess búinn.
23. okt. - 21. nóv.
Sporðdreki Nú er komið að þér að undirbúa
næstu samveru félaganna og hafðu ekki
óþarfa áhyggjur. Samband þitt við fjölskyldu-
meðlimi batnar til muna á næstu vikum.
22. nóv. - 21. des.

Bogmaður Það er um að gera að taka öllum
aðfinnslum vel, sumir hafa ýmislegt til síns
máls, aðrir ekki. Besta leiðin til þess að bæta
samskiptin er að breyta sjálfum sér.
22. des. - 19. janúar 
Steingeit Þig vantar félaga til þess að fram-
kvæma það sem þig dreymir um. Leyfðu öllu
að hafa sinn gang. Til hvers að vera frjáls ef
maður nýtir það ekki? Gakktu fram af öðrum!
20. jan. - 18. febr. 
Vatnsberi Margir bíða í ofvæni eftir að þú
segir skoðun þína á ákveðnu máli. Gamall
vinur mun færa þér gleði. Viljirðu ná málum
fram þarftu að vera mjög þolinmóður.
19. feb. - 20. mars

Fiskar Þú þarft að finna þér farveg í félags-
störfum. En bíddu með fögnuðinn uns málið
er í höfn. Samræður um fortíðina geta vakið
hlátur og nýjan skilning á hlutunum.
Á miðvikudaginn birtust hér íVísnahorni tvær stökur eftir
Davíð Hjálmar Haraldsson undir
„hurðardrætti“. Hurðardráttur er
þríyrðingur eins og braghenda og
stuðlasetning hin sama. Á hinn bóg-
inn er ekki endarím í hurðardrætti,
hvorki ríma allar ljóðlínur saman
né tvær þær síðari:
Sumarlangt var súld og rok
en síðan lygndi.
Ylrík sólin einnig brosti.
Annan sólskinsdaginn rigndi.
Kúk úr búk um borgartorgin
bleytan fleytir.
Fellur kelling full í drullu.
Fót í gjótu snótir brjóta.
Þar var líka þessi gamansami
hurðardráttur eftir Bjarna
Thorarensen:
Hljóp að kaupum Halli skyrs
frá hallar dyrum,
fallega dallinn fullan allan
fljótur sötrar grautar jötunn.
Eins og nærri má geta er mikið
ort um skuldaleiðréttinguna. Þessa
stöku setti Pétur Stefánsson á Leir-
inn:
Greiðslubyrðin grynnkar ört,
gleðst nú sérhver kjaftur.
Frónbúans er framtíð björt.
Framsókn kýs ég aftur.
Fía á Sandi segir:
Öllum verður endurgreitt
alltaf geta draumar ræst.
En, ef ég skulda ekki neitt
hvað á ég þá að kjósa næst?
Og Kristján Gaukur
Kristjánsson:
Píratanna partý við
pára skalt þú ex.
Framtíð þar með leggur lið
er lýðsins kraftur vex.
Ármann Þorgrímsson sagði á
Leirnum „ólyginn sagði mér…“
Samtök á Alþingi virðast mjög virk
og vandfundnar skuldlausar hallir
flestir þar sóttu um fátækrastyrk
og fengu að sjálfsögðu allir.
Davíð Hjálmar Haraldsson nálg-
ast yrkisefnið með sínu lagi:
Ríkisstjórnin afbragðs spretti á,
ekki veit ég betri fljóð og drengi.
Hún er ekki heimskuleg að sjá
en hefur étið grænþörunga lengi.
Og Höskuldur Búi er á enn
öðrum nótum:
Nú opna menn auðkennishlið
og ætla að strjúka sinn kvið
en hýenur glotta
hlæja og spotta
því gammarnir voru víst við
Halldór Blöndal
halldorblondal@simnet.is
Vísnahorn
Enn af hurðardrætti, skulda-
leiðrétting og hrægammar
Í klípu
„HENNAR HINSTU ORÐ VORU: ÉG ÞARF
ÞIG EKKI TIL AÐ BJARGA MÉR, ÉG ÞARF
AÐ FÁ ÞIG TIL AÐ HLUSTA.“
eftir Mike Baldwin eftir Jim Unger
„VANNSTU LEIKINN?“
Hermann
Ferdinand
Hrólfur hræðilegi
Grettir
... þegar byrjar að hitna
í kolunum!
Í DAG SETTI ÉG
HATTA Á FÆTURNA
OG SKÓ Á HÖFUÐIÐ
VILJANDI?
ÉG SAGÐI ÞÉR
AÐ HÚN MYNDI
SPYRJA!
EF ÉG KEM MEÐ KONUNA
MÍNA HINGAÐ, MYNDIR ÞÚ
SEGJA HENNI AÐ BÁTURINN
MINN SÉ EKKI NÓGU
GÓÐUR...
...OG AÐ ÉG ÆTTI AÐ
KAUPA NÝJAN
BÁT AF ÞÉR?
EN VÆRI ÞAÐ
EKKI LYGI?
HVERSU LENGI
HEFURÐU
VERIÐ
SÖLUMAÐUR?